Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Belarrimotza

Belarrimotza

Mikel Iturria 2005/10/03 07:30

"Oso euskalduna zen, euskaraz egiten zuen beti, eta ez zitzaion gustatzen guri erdaraz egin beharra. Pilotan irabazten zidanean nik caraquemada eta cabron deitzen nion baina berak, lagun arteko irainen erreserban, maketo eta belarrimotza zituen niretzat, euskalduna izanda euskaraz egiteko gauza ez nintzelako. Euskaraz berari buruz zerbait kontatzeko bezainbeste ikasi dut denborarekin, berari kendu zioten denborarekin". Agustin Azkaratek idatzitakoa da goiko zati hori. Anjel Otaegi Martutenen izenburupean Berriak irailaren 25ean publikaturiko gogoetaren pasarte bat da.

Igandean publikatu zen, beraz, periodikuan. Baina belarrimotza hitza larunbatean entzun nion aitari. Lagun baten aita hil egin zen pasa den astean eta sapatuan izan zen haren aldeko meza Irunen. Nire gurasoek ere hantxe zeuden. Eta nire koadrilako jendea ere bai, noski.

Irungo koadrilako gehienak ez dira euskaldunak (euskal hiztunak irakurri). Horietako bat, neska, berriro hasi da euskara ikasten. Sei hilabeteko haurrak du horren errua, besteak beste.

Guregana hurbildu zen nire laguna, euskarazko hitzak entzun nahi zituela esanaz. Nire aitari zer pasa burutik esateko eta “orduan zu eta zure gizona belarrimotzak zarete” edo berak bakarrik erabiltzen duen "belarrimotzez aritzen zarete" (erdaraz ari zarete esan beharrean).

Behin baino gehiagotan esan diot aitari horrelakoak ezin direla esan, iraingarriak direla. Berari bost ajola zaio, ez baitu iraintzeko asmoz esaten eta nire lagunak, adibidez, ez zion ulertu zer esan nahi zuen. Pasatako garai bateko hitza delako, nire aita eta lagunaren gurasoen garaikoa.

Nire aitak horrelakoak botatzen ditu eta (ustez) galdutako hitza bi egunetan entzun eta ikusi dut idatzia. Horregatik ekarri nahi nuen blog honetara.

Ia ahaztu zait aipatzea larunbatean, irailaren 24an izan zela Euskararen eguna Irunen (edo Txingudin?).

etiketak: Harrikadak
markos zapiain
markos zapiain dio:
2005/10/12 18:06

zein da zure aita, igande goiz batzuetan Irunen barrena, Karrika Nagusiaren inguruan, bilobaren bat pasiatzen ibiltzen dena, aurpegi borobila, hondarribiako Ttino arteaz pilo bat dakienaren arrebarekin ezkondua, Virto abizenekoa oker ez banago, eta bigarrenez Olaskoaga?

lehengoan haren ondotik pasatu eta "haurrarekin belarrimotzez ariko zara noski" bota nion ia, baina ausartu ez, eskerrak

Iturri
Iturri dio:
2005/10/12 18:59

Aupa Markos:

Zer moduz? Sendatu al zara?

Nire aita ez da zuk esaten duzuna. Bi anai gara eta nik ez dut seme-alabarik. Anaiak, berriz, laster egingo ditu aiton-amona nire gurasoak.

Katea auzokoak gara. Ventasko koartelaren aldamenean bizi izan naiz ni 24 urtez. Etxetik alde egin nuen ejerzitoak koartela utzi aurretik, baina handik urte batzuetara beraiek ere utzi behar izan zuten koartela...

Enpin....

markos zapiain
markos zapiain dio:
2005/10/14 11:56

Kateatik Estebenearako bidea, atzeko aldetik, munduko ederrenetarikoa iruditzen zait, idealizatua izango dut agian

sendabidea, berriz, pixkanaka-pixkanaka; klasikoak dioen bezala, Whisky & Nolotil; Nolotil gehiago Whiskya baino

komunera joateko orduan, mina baretzearren, aholkatu didate bainera bete, etzan eta kaka horrela egitea, baina oraingoz nahiago Nolotil: sendagileak errezeta infinitu horietako bat eman dit

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Nuevo blog Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter