Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Zuzeneko musika, tabernak eta beste hainbat kontu

Zuzeneko musika, tabernak eta beste hainbat kontu

Mikel Iturria 2013/07/16 20:40
Roberto Moso eta Trapi Taberna. Txomin L. Aramaio eta Ondarroako Kafe Antzokia. Gotzon Barandiaran eta "Nola aldatzen diren gauzak, kamarada".

Roberto Moso musikari, musikazale, kazetari eta blogariak apunte bat eskaini dio blogean berriki hildako lagun bati. Bilboko Trapi tabernako zerbitzaria zen Javi Bilbao eta, Robertok dioenaren arabera lege zaharreko tabernaria.

 

“Ondo aukeratutako musika, ondo botatako kañak, bakoitzaren tokia non dagoen ezagutzen duen parrokia...”

 

Javik musika gomendio mordoa egiten omen zituen eta horietako baten bideoa aukeratu, Tomasitorena, eta apuntean jarri du, omenaldi gisa.

 

Tabernak eta lokalak direla eta, egun hauetan itxi dute Ondarroako Kafe Antzokia eta bertako programatzaile izandako Txomin L. Aramaiori elkarrizketa egin diote Entzun aldizkarian.

Bilboko Kafe Antzokiarekin du/zuen lotura Ondarroakoak eta arazo ekonomikoak argudiatuta ixteko erabakia hartu dute. Aramaiok dio garai baten amaiera dela hau, baina espero duela proiektuak segida izatea.

 

Elkarrizketa irakurrita gogoratu nintzen Gotzon Barandiaranek Gaur 8n idatzitako analisi luze honekin: Nola aldatzen diren gauzak, kamarada! Oso luzea da eta ez da nire asmoa laburbiltzea baina bai gauza batzuk aipatzea. Bide batez, artikuluan Gotzonek dio diskogintzaren industrian gertatzen ari diren aldaketei buruzko tesia ari dela prestatzen (oharra: Audience taldeko Gaizka ari da prestatzen, Gotzonek behean dioen bezala).

 

Sorkuntza ez dago krisian

 

Gotzonen azterketaren analisia horrela hasten da: “Euskarazko kultur sorkuntza ez dago krisian. Musikariak eten barik ari dira kantugintzan, formatu zeharo ezberdinetan. Kexu dira, ordea; ez dute diskoen berri nork eman, ezta kantugintzarako plazarik ere”.

 

%17,4 goaz musika emanaldietara Euskal Herrian

 

Jaurlaritzaren Euskal Kulturaren Behatokiak ezagutarazitako datuen arabera (kultura ohiturak, praktikak eta kontsumoa: musika, 2007-2008; pdf)

 

2.623.969 euskal herritarretik, %17,4k dio duela musika emanaldietara joateko ohitura

 

Ez joateko arrazoiei buruz galdeturik,

 

%41,4k gastu ekonomikoak aipatu zituen

%43,6k denborarik eza

%26,7ren iritziz, berriz, egun dugun musika eskaintza ez da nahikoa.

 

Euskal taldeak zuzenean

 

Euskal taldeen zuzeneko emanaldietan dagoen erantzun eskasaz kezkatuta, musikari, antolatzaile eta zaletuen artean galdezka ibili da Gotzon:


1.- Kultura kontsumitzeko modua aldatu egin da: Internetek aldatu du. Nola? Ez dago argi.

 

2.- Soziologikoki, hogei urteren aldean behinik behin, jendartean ez daude eragile berdinak (politikoak, sozialak...).

 

3.- Bertako taldeek duela hogei urteko babes publiko-pribatua galdu egin dute.

 

4.- Gaztetxe gehienek kontzertu gutxiago antolatu dituzte: “herri mugimenduekin lotutako musika munduan kontzertuekiko “zaletasuna” jaitsi egin dela”.

 

5.- Askok teknologia berriei leporatzen diete kontzertuen heriotza, hots, egungo gain-informazioak zuzeneko esperientzia debaluatu du.

6.-Kontzertuen prezioa, gidatu beharra versus alkohola. Bestalde, promoa aski egoki eta garaiz egin ez izanak eragin handia du.

7.- Kultur adierazpide honek balorea galdu du. Doakoa da, nonahi entzuten da, autobusean zein medikuarenean, erosten den mobil berrian opari dator...

8.- Zergatik BBK Livek halako arrakasta? Ez delako kontzertua. Jaia da, jendetza egongo dela ziurtatzen duena, musikaz jantzia, baina bestelako erakarpenez ere bai.

9.- Informazioa kapsuletan jasotzera ohituta gaude, eta nahikoa da kontzertu bateko bideo bi ikustea han zer gertatu den jakiteko.

10.- Kontsumoa guztiz jaitsi da. Kultura kontsumitzaile asko guraso dira eta beste gastu eta plan batzuk dituzte asteburuetan, gehienbat. Belaunaldi berrietakoek, 25 urtetik beherakoek, beste jai-giro mota desberdin bat dute, doan diren ikuskizunetara ere gazteak erakartzeko gero eta zailtasun handiagoak ditugu.

Erreferentzia falta sare sozialen garaian

“Gero eta medio berri gehiago egoteak euskal munduari eragin dion kalteak ere eragin zuzena du” dio Gotzonek. Bere garaian Euskadi Gaztea zuten erreferentzia, gutxi gorabehera.

Amaitzeko

Bukaera aldean dauden bi esaldi gehiago:

1.- "Emateko dagoen jendea behar du euskal kulturak, eta ez hainbeste eskatzeko dagoena".

2.- "Bai, jende gutxiago agertzen da kontzertu ertainetan eta txikietan, eta gero eta gehiago diru publikoarekin finantzatutako jaialdi handi horietan. Baina hori da nahi dugun eredua? Hori da behar duguna?"

gotzon barandiaran arteaga
gotzon barandiaran arteaga dio:
2013/07/17 09:33
aupa lagunok

GAUR 8rako idatzitako artikuluari buruzko argipena: Ni ez naiz diskagintzari buruzko tesia egiten ari. Artikuluan aipatzen dut hainbat musikari, antolatzaile eta zaleri galdetu niela zuzeneko emanaldien beherakaden zergatiaz. Galdera horietako erantzunetako bat da diskagintzaren egoerari buruzko tesiari dagokiona, zeina Audience taldeko Gaizka burutzen ari den. Artikuluan ez dut zehazten nork esan duen zer bi arrazoi hauengatik:
- Iritzia eman zutenetako batzuek ez zuten heuren izenik agertzerik gura izan.
- Iritzi horietako batzuk apokrifoak dira

Ea eztabaida luzatzerik dugun

Joseba E.
Joseba E. dio:
2013/07/22 01:28
Umezurtz hazi nintzen musika kontuetan. Orain dela 30 urte inguruko norbaiti esan ezkero REM, Jonathan Richman, Lloyd Cole edo The Smiths gustoko dituzula... Baina musika zaletasuna nuen eta egin nuen (eta egiten dut) nire bidea, sarritan martziano baten modura sentituarren. Garai horretako irratia izan nuen lagun, batez ere 80. hamarkadako Radio3. Beraz, bazegoen aukera bat. Baina, tira, orduan ere musika zaletasunaren oinarria ahula zen, gehiago baitzen gure artean ekintza sozial bat beste ezer baino: talde baten partaide izateko modu bat, esperientzia pertsonala baino gehiago. Konklusioa: umerzurtz hazi nintzenez, muskiari buruzko eztabaidak erabat aspergarriak iruditzen zaizkit.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Nuevo blog Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter