Aldaketak Internet bidezko sarrera salmentan Gipuzkoan
Dirudienez, Kutxabank-ek erabaki du albo batera uztea Internet bidezko sarreren salmenataren negozioa eta, Gipuzkoan behintzat, aste edo hilabete batzuk barru Kutxasarrerak-ek ez du zerbitzurik emango. Orain arte erakunde horrekin kontratua zutenek, hornitzailearekin konpondu beharko dira, hala nahi izanez gero. Ez dakit zein den arrazoia, baina nik behintzat ez dut ulertzen.
Gauzak horrela, Diario Vascok egin du mugimendu bat. Vocentok egin duela esango nuke: oker ez banago, entradas.com webgunea taldekoa baita (oharra: ba ez dirudi Vocentorena denik, albiste honen arabera CTS Eventim talde alemaniarrak erosi berri du).
Ikus dezagun Elkano Browning Cream-en kasua:
1.- Elkarrizketa bat eman dio taldeak El Diario Vascori eta bideo bat ere badago. Alde horretatik ez dago berrikuntzarik.
2.- Baina erreparatzen badiozue, badago lotura berri bat albistean: sarrera salmenta. Orain, Le Bukowski-ko emanaldirako sarrerak entradas.diariovasco.com-en eros daitezke (baita hemendik kanpoko beste emanaldi batzuenak ere).
Sarrera salmentaren lotura hori egunkariaren webgunearen azaleko menuan dago ere.
Urrats estrategiko bat da. Ona, gainera.
Nire zalantza: beste norbait espabilatuko al da?
Cambios en la venta de entradas online en Gipuzkoa, este apunte en castellano.
Zerbitzua ordaintzeko nahikoa negozio egongo ote da gure tamainarako? Agian zinema, futbola, saskibaloia, Jazzaldia, Hamabostaldia eta abarren sarrerak sartuta, urte osoko negozioak emango luke, baina bestela bai? Nik uste dut hor egon daitekeela Kutxabankek negozioa uztearen koxka. Ni ernegatu izan naiz euro bat edo bi gehiago kobratu dizkidatelako, baina ulertzen dut negozio horrek atzean gastu batzuk dituela.
Ezagutzen dudan adibidea Nvivo da, beraiek ez dituzte sarrerak saltzen, baina bideratu bai, eta noski... Espainia osoko mailan ari dira lanean.