Albisteak
Eibartarrak posta-zerrendak 15 urte bete ditu
2013/04/1915 urte bete berri ditu Eibartarrak posta-zerrendak. Eibar.org elkartearen sorburua, eta bere jardunaren muin nagusia, zerrenda horrek gorpuzten du. Azken aldi honetan ez da jende berri asko gehitzen... Ba, gaizki egina: eibartarra bazara, jardun interesgarri batean sartuko zara, posta elektronikoarekin bitartez. Animatu eta izena eman.
Hondakinen kudeaketa hobetzeko GARDEN taldea sortu da
2013/03/28Lehenengo ekimena, Eibarko Udalean mozio bat aurkeztea izan da, talde politiko guztiek aho batez onartu dutena. Hasteko, informazioa, kontzientziazioa eta erantzukizuna bultzatzeko eskaera egiten dute.
EibarOrg elkartearen bazkaria Gorlan
2013/02/18Saretik eta mundu birtualetik aparte, EibarOrg elkarteko kideok bizitza erreala ere badugu, eta tarteka afaritxoren bat egiteko ere elkartzen gara, gustura gainera. Oraingoan Bergaran ibili gara egun-pasa. Xabier Mendigurenek egindako kronika ekarri dugu ondorengo lerroetara, apur bat moldatuta.
"Napoka Iria" taldearen kontzertua
2013/01/12Urtarrilaren 25ean, 20.30etan, Coliseo antzokian. Sarrera 5 euro.
"Ali Baba eta 40 lapurrak", bihar Coliseoan
2012/12/14Borobil Teatroaren funtzioa izango dugu, bihar, larunbata, Eibarko Coliseo antzokian. Arratsaldeko 5etan izango da, 6-12 urte bitarteko haurrentzat. Sarrera 5 euro.
Trafikoan aldaketak Otaola-Amaña inguruan
2012/11/21Otaolako pasabidea, trenbidea bikoiztea, scalextrica botatzea... (beharbada, baita ospitale berria egitea ere). Datozen hilabeteotan lanak ugaritu egingo dira Otaola-Barrenengua-Amaña inguruan. Atzo (azaroaren 20an) hasita trafikoan ere aldaketak iragarri dira.
Su Txikian, antzerki politiko dokumentala, azaroaren 21etik 25era Eibarren
2012/11/12Glu-Glu Produkzioak antzerki konpainiaren eskutik 'Su txikian' antzezlana emango dute Eibarren euskaraz azaroaren 21ean, 22an, eta 25ean (baita beste bi egunetan ere gazteleraz). Galder Perez antzerkigilea da lanaren autore eta zuzendaria, eta "antzerki dokumental" bezala definitu izan dute lana. ETAren jardueraren etetera eraman duten azken 10 urteen kontakizun bat dakar taulara Su Txikian antzezlanak.
Sohütako (Zuberoa) ikastolaren aldeko Gabonetako otarreak
2012/11/07Sohütako ikastola diruz laguntzeko otarreak saltzen dituzte urtero. Eibarren (eta inguruko herrietan) ere eska daitezke, Kezka Dantza Taldearen eskutik. Jasotako diru guztia Eperra Ikastolari (Sohüta, Zuberoa) laguntzeko erabiliko da.
EAEko hauteskundeen emaitzak Eibarren
2012/10/22EAJk irabazi ditu EAEko Legebiltzarrerako hauteskundeak Eibarren, PSE-EErengandik 300 botora eta EHBildurengandik 400era
XX musikaldia Eibarren
2012/10/07Urria amaieran lau kontzertu izango ditugu Coliseo antzokian, nazioarteko 4 koruren eskutik (Frantzia, Filipinak, Ukraina eta Letonia). Kantaldi guztiak Coliseoan, arratsaldeko 20.30etan. Sarrera 3 euro.
Albistegiaren RSS jarioa 
