Dokumentu Akzioak
Albisteak
Maila bat goragoI. Euskal Lipdub Lehiaketa antolatu dugu Eibarren
Plano sekuentzian (toma bakarrean) grabatutako bideoklip bat da lip dub delakoa. Moda-modan jarri dira Interneten, eta horrelakoen euskarazko produkzioa sustatzeko lehiaketa antolatu dugu Eibarren. Eibarko dendetan gastatzeko 5.000 euro eta eskudirutan beste 1.000 euro lortzeko aukera dago.
Ikastolak 50 urte: Mahai-ingurua eta bideo-emanaldia
Gaur, martxoak 11, 50 urte bete ditu Eibarko gure Ikastolak, Juan Antonio Mogel Ikastolak. Urteurrena ospatzeko, Untzagako zaharren egoitzan mahai-ingurua izango da arratsaldeko 7etan. Eta mahai-inguru horretan bertan Ikastolaren sorrera laburbiltzen duen 20 minutuko bideoa ere botako da.
Eibarko ikastolak 50 urte
Eibarko Juan Antonio Mogel ikastolak 50 urte beteko ditu aurten. Hori dela eta, datozen aste eta hilabeteetan hainbat ekitaldi antolatuko dira herrian. Hasteko, martxoan, erakusketa, hitzaldia eta jai bat Untzagan.
Badatoz Eibarko Aratosteak 2010eko Koko-dantzekin
Azken urteotan bezala Klub Deportiboko Kezka Dantza Taldeak Koko-dantzak antolatuko ditu Eibarren datorren larunbatean: aurten Mandiola eta Agina auzoetan barrena ibiliko dira.
Eibartar talde batek egindako Lip Dub bideoklipa
Citroen auto ekoizleak antolatutako lehiaketa batean eibartar talde bat dago finalista (6 finalista daude guztira). Youtube erabiltzaileen botuak lortzen badituzte, itsas-bidaia ordainduko diete partehartzaile guztiei.
Tallarra gaztetxea bota nahi dute
Gaur goizean 9 udaltzain hurbildu dira Tallarra Gaztetxera "inoloako paper ofizial edo agindu judizialik gabe". Bertan zeudenek uko egin diote Gaztetxea uzteari, eta udaltzainek alde egin dute, gaztetxekoen blogean kontatu dutenez.
OpenStreetMap (OSM) ikastaroa barikuan Eibarren
OpenStreetMap-eko mapak aldatzeko erabiltzen dugun editorearen, JOSM-ren, inguruko ikastaroa antolatu dugu ostiral arratsaldean Eibarren (informazio gehiago eta izenemateak EuskalMapa blogean). Ikastaroan, JOSM zer den eta nola erabili behar den azalduko dugu eta erabiltzaile hasiberri zein esperientziadunei zuzendua dago.
Marisol Aranzeta andereño ohia hil da
Aste honetan hil da Marisol Aranzeta, Eibarko ikastolak ezagutu zuen lehenengoetariko andereñoa.
www.eibarko-euskara.com webgune berrituaren aurkezpena
Eibarko udaleko euskara eta kultura sailak bere webgune berritua aurkeztuko du bihar, abenduaren 17an, arratsaldeko 7etan Portalean. Besteak beste, ondorengoak bilduko ditu: Euskararen inguruko albisteak, Eibarko Hiztegi Digitala, Eibarko argitalpenak eta Eibarko euskararen lekukotasunak.
