Teknosexua

Enpresan lan egiteko hacker euskaldunen bila gabiltza. Iniziatiba, Interneti begirako jarrera aktiboa, ordenagailu zaletasuna eta antzerakoak baloratzen ditugu. Noski, hori oinarrizko teknologiak menderatzeaz gain (ingelera, programazioa, abstrakziorako gaitasuna, RDBMak, SQL, Internet eta abar). Idatzi garaolaza abildua codesyntax puntu com helbidera.

Oporretan nago aste honetan. Gure Olatz txikiak ikastolan hasi behar zuen eta abuztuko oporretatik astebete gorde nuen, ikastolarako egokitzea egiteko.

Inoiz baino lasaiago ibili naiz egia esan. Kalean pasiatu, parkean jolastu, etxeko txapuzatxoren bat, gure txabolan belarra moztu eta askoz gehiagorik ez. Noizean behin hau egin beharko genuke, beti pseudo-estresatuta gabiltzan guztiok.

Guraso gehienak egokitze honekin erreta dabiltza, hainbeste denbora galduta eta abar. Ni prozesu hau ongi egitearen aldekoa naiz (nahiz eta kasu oso desberdinak daudela onartzen dudan, noski). Gainera, gozatua hartzen dut haurrak goizero ikastolan sartzen eta andereño Gentzanerekin jolasean ikustean. "Luxuzko denbora galtzea" esango nioke beste garai batzuetan.

"Y si el espacio fuera el verdadero lujo?" esaten zuen Renault Espacearen iragarki batek. Baliteke, baina nik esango nuke denbora librea edukitzea dela luxu handiagoa gaur egun, niretzat behintzat!

Noski, honek Ubunturako bakarrik balio du (Debianerako ere eta seguruenez beste edozein GNU/Linux sisteman ere). Ezin dut ziurtatu zein pakete beharko den hau egiteko (hainbeste dut instalatuta...) baina arazorik sortzen bada, badakizu sudo apt-get install .... Hala ere, ziurtatu lame eta mplayer instalatuta dituzula.

Lehenengo streaming iturria aurkitu behar dugu. Kontua da zerbitzu hau kanpoko enpresa batzuk ematen dietela irrati edo telebista gehieneri, horregatik, lehenengo beste pauso bat eman behar dugu:

Adibidez, Euskadi Irratiaren lotura publikoa http://www.eitb.com/media/euskadiirratia.asp da. Orduan:

   gariko@jazinto:~$ wget http://www.eitb.com/media/euskadiirratia.asp   ...   gariko@jazinto:~$ more euskadiirratia.asp 

eta fitxategi horren barruan aurkituko dugu behar dugun helbidea:

mms://a1468.l881320286.c8813.e.lm.akamaistream.net/D/1468/8813/v0001/reflector:20286

Orduan, Kelpin adierazten dudan moduan :

   mplayer -dumpstream -dumpfile nirefitxategia mms://a1468.l881320286.c8813.e.lm.akamaistream.net/D/1468/8813/v0001/reflector:20286 

EITBk, emankizunak Microsoft-en ASF formatuan ematen dituenez, bi pauso beharko ditugu: lehenengoa WAV formatura pasatzeko eta bigarrena MP3-ra. Hau bezain erraza:

   gariko@jazinto:~$ mplayer -ao pcm:file=fitxategia.wav nirefitxategia   gariko@jazinto:~$ lame fitxategia.wav 

Eta listo! hortxe duzu nahi zenuen MP3 fitxategia.

Erreferentziak:

• Eskerrik asko Aitzoli , stream bat grabatzen erakusteagatik.
• Audio stream recording with mplayer
• Convert asf file to mp3 in Ubuntu

Irratian aipatu nuen Video on Demand horren inguruan gehiago irakurri dut gaur Microsiervos blog espainiar nagusian: Television a la carta con Miro

Itxura denez, nahi diren serie guztiak jaso daitezke Miro-ren bidez, oraingoz ingelesez, noski. Baina zenbat denbora pasatuko da Espainian telebistaz ematen dituzten serie guzti horiek deskargatzeko moduan egon arte?

Bi urte ondoren nire ametsa indarra hartzen ari da: Amets bat: telebista programazioa norberaren aukeran . Duela bi urte ere hau teknikoki posible zen. Zer aldatu da bi urtetan orain martxa hartzen hasteko? gure buruak, besterik ez.

Atzoko saioa ez zen hain gaizki atera. Apur bat trabatu nintzen, batez ere hasieran, baina lehenengo aldia izateko ez zen katastrofea izan. Kontua da beste elkarrizketa batek huts egin eta pentsatu baino 15 minutu lehenago egin genuela.

Hala ere, pentsatu dut saioak grabatu eta podcast moduan ematea. Hurrengoan kontatuko dut nola den prozesu osoa. Lehenengo aldia zenez nahiko luze egin zait, baina pentsatzen dut hurrengo saioetan azkarrago egin ahal izango dudala, behar bada saioa egin eta hamar minutura.

Teknosexua Faktorian podcast

Bihartik aurrera, hamabostean behin ostiraletan, Euskadi Irratian kolaborazio bat egingo dut, Manu Etxezorturen Faktoria programan.

Goizeko 10:30ak aldera izango da, eta teknologiaz, Internetez eta orokorrean teknosexuaz arituko gara. Errespetoa ematen dit, ez bait naiz bereziki abila hizketan, baina erronka polita ere bada, gai ote naizen frogatzeko.

Ea ez naizen oso aspergarri izaten. Proposamenik, zuzenketa edo iradokizunik baduzue, badakizue non nagoen. Eskerrik asko pazientziagatik.

Gauza jakina da. Inguruko guztiek eskatzen dizkigute ordenagailu konponketak. Aspaldi idatzi zen Pringao HowTo . Berriki, Josuren blogean, GeekSquad-en inguruko artikulu baten erantzunetan Xa2erri garestiak iruditzen zaizkio haien prezioak

Nik ez dakit garestia ala merkea den mando-distantzia programazio hori. Kontutan izan batetik AEBn dela eta bestetik irudi aldetik eta, nahiko zerbitzu berezia dela, horregatik gehiago kobratzen dutela seguru. Zenbait burutapen gai honen inguruan:

• Ur berogailua konpontzera etorri zen teknikariak, "Reset" botoiari klik egiteagatik 60 Euro inguru kobratu zizkidan pasa den urtean.
• Urjentziakoa ez den elektrizista batek etxean interruptore bat konpontzeagatik 60-70 Euro kobratzen dituela gutxienez.
• Erabiltzaileak nahi gabe ohitu dugu lan hauek erraz egitera. Nire auzokide batek garabi batekin egiten du lan. Inoiz autoa izorratzen bazait ez naiz ausartuko lana doan egitera eskatzen, eta aseguru etxeari edo zerbitzu ofizial bati deituko diot. Aldiz, bere emazteak hiruzpalau aldiz eraman nau beraien etxera, inprimagailua, modema, eskanerra eta ez dakit zer konpontzera.
• Erabiltzaileak uste du ordenagailua oso tresna sinplea dela, eta ez. Mantenua behar du, eguneraketak, disko garbiketak, gauzak kontu handiz instalatzea eta abar. Erabiltzaile arruntak ez dira konturatzen zenbat ordu ematen ditugun erabiltzaile arruntok horrelako lanetan gure ordenagailuetan.
• Erabiltzaile gehienek Windows darabilte, eta hori arazo iturri handia da ere. Edozein jatorriko edozein programa instalatzen dute edonola, pentsatu gabe, Aceptar, Aceptar, OK, Aceptar
• Oso erabiltzaile gutxi daude mantenu zerbitzu on bat ordaintzeko prest. Ondorioz, informatika mantenuan dabiltzan enpresek ezin dute asko kobratu, ondorioz informatikari hasiberriak daude lan horietan, ondorioz desastre asko gertatzen dira.
• Arazoaren zati handi bat konponduko da erabiltzaileak UNIX-en oinarritutako sistema batekin lanean hasten direnean, dela Linux edo OS-X. Sistema horietan produktuen instalazio eta konfigurazio baimenak askoz mugatuagoak daude, segurtasun maila handiagoarekin. Adibidez, zuetako zenbatek zabaldu du mikrouhinezko labea? aldiz, zuetako zenbat ibili da Windows-en errejistroan frogak egiten, zer egiten ari zineten ziur jakin gabe?
• Microsoft-i zor zaion erreberentzia dela eta, hainbat eta hainbat segurtasun saltzaile (Panda, McAffee eta horrelakoak) partxe salmentan dabiltza, benetako segurtasunerako bideak utzita. Adibidez, jakinik hainbeste urtetan Outlook Express bezalako programak segurtasun zulo ikaragarriak zituela, zergatik ez dute gomendatu hasieratik doako (edo/eta software libreko) beste edozein programa erabiltzea? Aldiz, zenbat diru fakturatu dute partxe horien salmentan?

Pixkanaka egin beharko dugu bidea, noski. Nire etxean behintzat, denek Ubuntu Linux darabilte, eta jarraitu behar dut birusa zabaltzen. Pixkanaka konponduko dugu hau.

Normalean aMule erabiltzen dut, baina Mirok ere BitTorrent integrazioa dakarrenez, beste saio bat egin dut sistema honekin.

Azureus BitTorrent bezeroa erabili dut horretarako. Medem-en Los amantes del circulo polar 6 ordutan, Euskaltelen 300 Kbps-ko konexio batekin!

PS: Noski, nik Azureus azpimarratzen dut, baina azkarra dena BitTorrent sarea bera da, ez Azureus bezero konkretua. Beste bezero batzuekin ere seguruenez abiadura antzekoak lortuko dira.

Txusek bultzatuta berriz ere eman diot buelta bat Internet bidezko telebistari . Pasa den urtean komentatu nuen Democracy-ren inguruan eta egia esan orain askoz hobeto dabil, baina orain Miro izena du telebista Internet bidez ikusteko proiektuak , lehengo Democracy-ren ordez.

Ideia sinplea da: videoblog-en batzaile bat da Miro. Zure erakundeak bideoak sortu eta Interneten publikatzen baditu, nahikoa da bideo horiei RSS jario bat lotzea eta Mirok publikatzen dituzunean deskargatuko dizkio ikusleari, denbora duenean eta lasai esertzen denean ikusi ahal izateko. YouTube edo Google Videoko bideoak ere erraz deskargatu daitezke handik, zatika ikusi beharrean denak batera ikusteko.

Merezi du froga bat egitea. Ni GoiTB, Goienaren telebista kanalera handik harpidetuta nago, baita Ruben Blades-en telebista saiora, Mobuzz TV eta beste askotara.

Hau informatikarientzat da nagusiki:

Kelpi.com kode informatikoa gorde eta trukatzeko webgunea da. Script txikiak, adibide motzak, nola egiten den funtzio hori, PHP, Python, Java edo Assemblerrean.

Kelpi kodea trukatzeko webgunea Nando Quintana lankideak sortu du bere denbora librean Python-en programatuz eta Zope3 dauka atzean.

Merezi du buelta bat eman eta erabiltzen hasteak!