Trepa baten erretratua
Batzutan gustatzen jata liburu bat itsu-itsuka hartu eta haginka egittia. Oinguan, Benjamin Disraeli izeneko morroi guztiz ezezagun baten biografixia: ¿zer zan politiko, aktore edo pioia? Lehelengua. Liburua hastiakin batera, trepa ridikulo eta atorrante horren historixia oso erakargarrixa egin jata, nere lagun baten erretrato ixa perfektua. Bere motorrak: anbiziño eta podere gose hutsa. Eurak asetzeko topatzen dittuan bidiak: liburuak idaztia, eta politikan sartzia. Beti be, bihar fisikorik egin barik. Gerora, azken bide honetan urte batzu emon eta gero, morbua alde batera geratu jata eta interes historikua ixotu. “Aro victorianuari” izena emondako Victoria erregiña ezagutu dot azkenian. “Zapatu ingles” famosua ezarri zeban gobernuan parte izan zan Dizzi. 1880 inguruko argazki geopolitiko politta agertzen da liburuan: koloniak, Errusia, Bismarck... Eta Disraelin azken urtietako ikasgai zaharra: egittura politiko zaharrak (urte háretako inperio britainiarra) ezin dirala aldatu, bakarrik erreformau. Zaldikume bigurrixendako aholku kontserbadoria.
Neguko egun haizetsu batez
Mezo Bigarrena: itzuleria
Ahaztura honi amaitzeko trazia hartzen detsat, zorixonez. Oin dala urte gitxi Javier Vizcaino lagunak -beti txikixen alde- saio bat eskindu zetsan Mezo Bigarrena algortarrari (benetako izenez Jose Luis Ugarte Mezo edo Mezo Ugarte, ez nago seguro). Ezin izan neban entzun, baiña jakitzia bera balsamo baten modura hartu neban. Gaur bai entzun dot, ostera, Algortako Koska Irratiko "Munduko sustraiak" saio bikaiñan ale bat. Mezo Bigarrenari oso-osorik eskinduta. Fabian Cabrera argentinarrari elkarrizketa luze baten, ezagutzen ez nittuan hainbeste kontu esatiaz gain, neretako barrixak ziran kantu asko ipiñi dittuez. Oso emozionantia izan da neretako. Hamen entzun zeinkie saio hori.
Argazkiak.org | Mezo Bigarrena © cc-by-sa: txikillana
Oin dala urte batzu interneten ez zan ezer agertzen beran gaiñian: ez irudirik, ez informaziñorik... Aro analogikoko relikia bat izanda, eskaneautako cassette baten azal inkietantia eta hiru-lau kantu baiño ez gerabixazen lagunartian. Gaur aprobia eginda, ostera... ¡zelako poza! Badirudi Algortako punki zaharra berpizten diharduala. Esate baterako:
- Hamentxe, bere disko bixak jaitsi leikez.
- Hamentxe, topau doten artikulorik onena (Pagina12 izperringian).
Igual batzundako bihar gogorregixa izango da. Eurendako, hamen muestrako kantua klik bakarrian:
Euskal Selekzioaren ereserkiaz
Azpimarra 2010-VI-11
Merci! (Bodhisattva dans le métro)
Matrallako irratiko hasierak
Argazkiak.org | Matrallako irratixan lehelengo seiñalia © cc-by-sa: txikillana
Emisoria lortu eta segiduan, Amañako torrietako lokal baten ipiñi genduan seiñalia emititzen, "dialian lekua hartzeko" eta hedapena testatzeko. Kili Kolo antzerki taldeko lokalian izan zan (harbelian orduko ensayuetako gidoia agertzen da, Musika Bandiakin egin genduan espektakulo harena). Artian ondiok izenik ez zekan edo, hobeto esanda, 80ko hamarkadako Pottoka Irratixan izena erabiltzeko asmua genkan.
Argazkiak.org | Marmarra Elkartia © cc-by-sa: txikillana
Beti-Galdu soziedadeko billera honetan erabagi potoluak hartu genduazen. Garrantzitsuena eta adostia gehixen kostau jakuana, hizkuntza eredua. Batzu askatasun totalan alde zeguazen, beste batzu euskeria positiboki diskriminau nahi genduan... Infiltraziño politikuak ekiditzeko sistemiak be nahikua denpora eruan zeskuan. Hau guztihau bermatzeko elkarte paralelo bat sortu zan (Marmarra), eta radixorako izena be hamen erabagi zan. Pottoka izena ez erabiltzia pentsau genduan, bai jentez bai filosofiaz zihero proiektu desbardiñak ziralako.
Argazkiak.org | Lehelengo zuzeneko emisiñua © cc-by-sa: txikillana
Hor genbixan ba, aidera urtetzeko dana ondo prestatzen, baiña... herri honetako ohitturiari jarraittuta, poliziakuak hiru irratikide atxilotu zeskuezen. Genkanakin eta ahal zan modura, baiña egun horretan bertan hasi giñan zuzenian emititzen. Nahaste mahai barik, irratikidien etxietan grabau bihar izan genduzen diferidoko zatixak gero radixora eruateko.
Argazkiak.org | Antenia © cc-by-sa: txikillana
Behiñ Legarreko lokalian sartuta, antenia ipintzeko leku bat billau bihar. Iñori molestau nahi ez, eta emisiñua ondo egitteko ahalegiñetan, hesi baten postian ipiñi genduan probisionalian. Jakiña: han geratu zan.
Argazkiak.org | Lehelengo estudixua © cc-by-sa: txikillana
Halako baten, lortu genduan estudixua "ganoraz" ipintzia. Ikusten dan lez, ez genduan asko eskatzen: tabernako mahai pare bat, entxufe ugari eta kitto. ¿Insonorizaziñua?... ¿zer da hori? Mezua zabaltziak zekan garrantzixa, eta enparaua bigarren maillakua zan.
1996ko Sanfermiñak Eibarren
Oin dala hiru urte aittatu neban Eibarko Talde Antimilitaristiak egindako "entzierrua". Beste hainbeste ekintza gogoangarrin artian, ikusgarrixenetakua izan zan hau. Hiru intsumisok -tartian Patxi Argarate, gure Kalamuako Parlamentuan dibujantia- poliziakuengana jo zeben bere burua atxilo eskintzeko, modu orijinalian. Hamen dagoz orduko argazki batzu.
Lehelengo honetan, "biktima propiziatorixuak" Untzagan ikusten doguz, jangoikuei ofrendaka.
Argazkiak.org | Klarete-txorixua © cc-by-sa: txikillana
Hamen barriz prozesiño hasieria dakusagu, eurittarako plastiko eta guzti.
Argazkiak.org | A San Fermin venimos... © cc-by-sa: txikillana
Eta hamen kaixolara doiazen hiru txoritxuak.
Argazkiak.org | Entzerratzekuak © cc-by-sa: txikillana
Argazki hau ixa ez da ezagutzen nun dan be. ¡Hain dago kanbixauta inguru hori! Torrekua ingurua da, baiña jentiak gehixago ezagutuko dau onduan zabaldu barri daben zentro komertzial haundi horrengaittik... zelan da... ¿"Kakalardokua Center"?
Argazkiak.org | Eskalextripetik gora © cc-by-sa: txikillana
Poliziakuen kuartel parera helduta, txapligua jaurti dabe entzierrua hasi dala erakusteko.
Argazkiak.org | Pim pam pum © cc-by-sa: txikillana
Hor agertu dira ixkuak, bai.
Argazkiak.org | Eta hárek entzun © cc-by-sa: txikillana
Eta, ¡¡¡ai ai ai!!! Fristixak korrikalari bat harrapau dau. 
Argazkiak.org | Pazifistia kartzelara © cc-by-sa: txikillana
Alberiqueko eibartarren arrastua
2002xan handikaldeko lagunak bisittatzera juan nintzan. Laranja-arbolen artian luze pasiau eta gero, La Font d'En Carrós herritxuan sartu nintzan, Alberique ondo-onduan. Bertako kale baten, bizikleta zahar-zahar baten ondotik pasau eta -umetako ohitturiari jarraittuta- automatikoki begiratu netsan markiari. Eibarren egindakua. Ixa seguridade osoz, 64 urte lehenago armeruak eruan eta erretiradan bertan geratutakua. ¡Eta ondiok martxan, orraittiok!
Argazkiak.org | Eibarkua © cc-by-sa: txikillana
Kondaira urbanuak eta istripu suizidak
Entzuizu hamentxe saiuori.
Eta saio guztiak hamen dakazuz entzuteko moduan. Bestalde, Aittitta Raduga uhiñetan entzun zeinke: Lekeitioko Arrakala, Eibarko Matrallako, Bittorixako Hala Bedi, Iruñeako Eguzki, Bilboko Tas-Tas, Oreretako Zintzilik, Urruñako Info7, Oiartzun irratixan... Eta interneten, Arrosa Sareko podcast bikaiñian be topauko gaittuzu.
