Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Anti-gona / Independentziarako beste arrazoi bat

Independentziarako beste arrazoi bat

Leire Narbaiza 2012/07/22 22:35
Batez ere eliteko kirolaria izanez gero.

Erraz deskubrituko zenuten zertaz jardungo dudan gaurkoan. Bai, Londreseko Joko Olinpikoetan Espainiako taldeak erabiliko duen ekipazioa. Badakit egunotan denon ahotan ibili dela eta makina bat txiste eta trufa egin direla, baina ezin izan diot tentazioari eutsi, ikaragarria koitadu eta gizajoek eroango duten piura!

Inor badago ikusi ez duena behean perla batzuk:

2012 JO

Zirkoko domadoreak

bikoteakamisetak dendan hirukotea

Gorbatak                              maletak                                                Gerriko poltsak!!

gorbata JO maletak JO kamisetak JO

kamisetak atzetik kirolaria kamisetaz kirolaria txandal osoaz

Biserak, motxilak, poltsak, kamisetak, zapatilak,… negar egiteko modukoak. EZ dakit barrez ala begiko minez! Zatarra, itsusia, motza, ezaina, gustu txarrekoa! Imajina ezazue, urteak eta urteak entrenatzen onena izateko, ilusioz joan horrelako txapelketa batera; eta Espainiaren banderapean joateaz gain, horrela jantzita!

Komunikabideek zabaldu dutena, ordea, aurtengo munstrokeria baino ez da, diseinuaren erru hutsa balitz bezala. Baina ikusi dituzue aurreko urtekoak? Egia esatera, piper-potoaren koloreak jartzearekin tematuta daude, eta horrela ezin da ganorazko ezer egin! Gorria eta horia ez dira ondo ezkontzen, begira egiten dute. Txandaletan, gainera! Izurra izurtzea!

Begitu, bestela '80ko jokoetakoa

80 JO

Hemen Bartzelona 92ko txandala. Piper-poto gutxi, baina txandal penagarria

92 JO

Behean, Bartzelonarako kaleko arropa! Emakumeen gonak tablak zeuzkan, gorria zen gainetik, baina tabla barrua horia! Horribol!

92 JO ekipoa

Gizonezkoen gorbata ere horia eta gorria. Zelako nahastea!

urdangarin JO

Gorbatena gustatu egin zitzaien eta Sindey 2000n ere erabili zituzten. Nesken gerrikoak obrak inaguratzen direnean sobratutako zintaz egin zituzten! Abanikoak ere penagarriak!

2000 JO

Hau guztia "in crescedo" joan zen eta Pekin 2008an Gizonak gorriz, eta emakumeak horiz. Ale, denari emanda!

pekin 2008

Berba barik laga nau beheko argazkiak!

neskak JO

Denak, hala ere, zapata gorriz. Neskei horiak jartzea gehiegi begitandu zitzaien. Behekoan, Nadal "gipuzkoarra", pikilloko piperrak baino gorriago!

NAdal zao

Kaleko arropa ez zen oso polita izan, baina txandala, ai, amatxo! Nadal berriro ere:

Nadal txandal

Zuria, baina taktelezkoa!!!! Erreparatu ondo, kremailera ere horia eta gorria da! Zelako obsesioa!

Baina ez pentsa Joko Olinpikoetan baino ez dutela erakusten euren gustu ederra, ez! Koloreekin setati dabiltzanez ez-nazionalista hauek, hara zelako txandala jarri zieten neguko gazteen Joko Olinpikoetan! Gaixoak!

neguko JO

Baita karreristak ere! Euren kirola gogorrenetakoa ez balitz bezala!

karreristak

Letrak ere finak eta diskretuak!

Eskerrak euren burua gustu onaren eta modaren ikurtzat dutela, bestela!

Ez deritzozue independentzia aldarrikatzeko nahikoa motibo ez dela? Goazen orain! Botiken berrordainketa aplikatu aurretik, bestela murrizketa guztiekin irudi hauek sortu diguten buruko mina kentzeko ez dugu dirurik izango-eta!

Osasunerako gomendioa da!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

"Jantzi. Erantzi. Janzkiak, arropak, soin gainekoak. Moda, estiloa, bizitzaren zati bat. Umorez, eztenaz, xarmaz. Leire eta Elenari interesatzen zaigu. Baita zuri  ere, ala ez?"

@ElenaLaka

@txargain

Izan eta esan

Kalamuatik Txargainera