Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Anti-gona / Gordetako kamiseta urdina

Gordetako kamiseta urdina

Leire Narbaiza 2013/02/22 00:01
Ostiraleko katekorratza

Kamiseta zaharren tiradera dut nire komodan. Bertan, kalerako erabiltzen ez ditudan elastikoak dauzkat. Batzuetan, neguan barruko tixert gisara ere erabiltzen ditut. Ia guztiak zuriak dira, edo beltzak. Grisen bat ere badago.

Nire sarreka horretan arkeologia ere egin liteke, argi erakusten baitu non mugitu naizen eta zeren alde (eta kontra) ibili naizen. Kamiseta guztiak oso maiztuak daude, zaharrak izateaz gain, asko erabili izan ditudalako urteetan. Kotoiak ez du ondo jasaten ez denbora ez garbigailutik sarri pasatzea.

Kaxoiaren hondoan elastiko urdin bat dago, berri-berri, nahiz eta hamar urte dituen. Ez dut inoiz jantzi, txiki dudala ere esango nuke. Inoiz ez erabili arren, ez dut sekula santan botako, zatarra bada ere. Elastiko horretan "Egunkaria aurrera" dio.

Gorputza ez dit jantzi, baina gogoa eta bihotzaren babesgarri eta beroki izan da. Beti gordeko dut, inoiz ahaztu ez dakigun, ez jasandakoa, ez jasotakoa. Musu bat duela 10 urte derrigor jantzi behar zenutenoi! Guk bihotzean daramagu jantzita!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

"Jantzi. Erantzi. Janzkiak, arropak, soin gainekoak. Moda, estiloa, bizitzaren zati bat. Umorez, eztenaz, xarmaz. Leire eta Elenari interesatzen zaigu. Baita zuri  ere, ala ez?"

@ElenaLaka

@txargain

Izan eta esan

Kalamuatik Txargainera