Teknosexua

Erdibidean? Ni pa dios

Gari Araolaza 2007/12/10 13:04

(beste purrustada bat, microblogging egin beharko nuke)

Iturrinean irakurri dut erdibidearen inguruan , erdibidean omen gaude bai 18/98 kasuarekin eta bai bi goardiazibilen hilketarekin etsita gelditzen garenak.

Nik uste dut kontrakoa dela. Erdibidean daudenak dira gertaera batekin sumindu eta bestea ulertzen saiatzen direnak. Nire ustez barrikadaren alde berdinean daude 18/98ko gartzelaratuak eta bi goardiazibil eta beraien familiak: biktimen aldean. Nik barrikadaren alde horretan sentitzen dut nire burua.

etiketak: e-gizartea

Iban dio:

2007/12/10 22:21

Hemen dago -uste dut- aipatzen duzun Atxagaren testua, literatur aldizkarien gordailuan; berez, Garziarena aldizkarian argitaratu zen 1993an. Azpititulua da zure erreferentziaren muina: Bataren eta Biaren artean gaudenak ez gaude erdian, baizik eta leku guztietan

iturri dio:

2007/12/10 19:35

Kaixo Gari:

Aspaldian hori zen Atxagak zioena: ez gaudela erdian, baizik eta toki guztietan.

Injustizia dagoen toki guztietan esan nahi dut.

Gari dio:

2007/12/10 23:37

Eskerrik asko bioi. Funtsa ulertu didazuen arren, nik esan nahi dudana da "erdibide" hori txaketero, ekilibrista eta abarrekin lotzen dela, eta ni ez naiz hor ikusten, gauzak garbi ditut eta.

Jozulin dio:

2007/12/10 23:41

Ezta biktimak ere. Inor ez dago erdian. Bakoitzak bere hildakoen hiletetan egiten du negar eta alde bietakoan egiten badu, batekoenean botako du sikieran malko bat gehiago besteenean baino. Nahi genuke erdian egon, nahi genuke gaitzaren eta ongiaren gainetik hegan egin, nahi genuke perfektuak izan. Baina ez, gizakiak gara eta gutarrak maite ditugu oroz gain, arrazoia ez daukatenean ere. Batez ere orduan.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hogei ken bi? (idatzi zenbakiz)
Erantzuna:

Teknosexua