Prospektiba

Duela aste batzuk Pays Basque 2010 izeneko hausnarketa estrategikoa aipatzen nuen .

Han agertutako asmoak eta estrategiak berritu nahiean, joan zen larunbatean 200 pertsona baino gehiagoren aurrean Lurralde egitasmoaren II zatia, Ipar Euskal Herria 2020. Pays Basque 2020, proiektua aurkeztu zen.

Garapen Kontseilua eta Hautetsien Kontseiluari buruzko informazioa duen Lurraldea.net webgunean eskuratu daitezke 2006 urtean bukatuko den prozesuari buruzko metodologia, faseak, albisteak, aurkezpenak eta dokumentu ezberdinak.

Horrela, PAYS BASQUE 2020 : ACTE II DU PROJET DE TERRITOIRE. Feuille de route dokumentuak dioenez hiru xede edo helburu nagusi ditu Ipar Euskal Herria 2020 proiektuak

• Itsasaldearen eta barnealdearen arteko elkartasuna sendotu. Aurreko planean aitortzen zen bezala, benetan izugarria da lurraldeen arteko desoreka. Hegoaldeko lurraldeetan horren adibide nabarmenak ditugu Gasteiz-Araba, Bilboaldea-Bizkaia eta gero eta gehiago Donostialdea-Gipuzkoa binomioetan. Kostaldeko BAB guneak eta inguruak iparraldeko populazio gehiengo nabarmena batzen du. Ordea, paisaia eta tradizio politak bai, baina populazio gutxi eta zaharkitua Zuberoan.
• Mugaz gaindiko elkarlan anbiziotsu eta eraginkor bat garatu. Euroeskualde baten barnean, kide instituzionalen artean antolatu. Eurohiria ekimena martxan dago baina kostatzen ari zaio fruituak ematea eta eremua mugatua, Donostiraino baino ez, duelakoan nago.
• Euskal Herriaren garapen iraunkorra bultzatu. Ingurumena eta enpleguari lotu kezkak kontuan hartu beharko dira proiektu berrietan. Edozein lurralde antolamendurako planean kontutan izan behar den xedea, nola ez.

Epe luzerako erronkak dira, baina behintzat epe luzerako estrategia eta eszenategiak egiten saiatuko dira. Justu aste honetan, 2020 urtera begira dauden Australia 2020. Foresight for our Future eta India In 2020-ren berri izan dut.

Gerora, planetan eta eszenategietan margotuko diren ikuspegi, xede, helburu eta ekintzen kudeaketarako tresna indartsu eta baliogarriak beharko dira. Ea oraingoan Iparraldeko Garapen Kontseilua eta Hautetsien Kontseilua baino haratago ailegatzerik dagoen.

Iaz idatzi nuen Folksonomy - Folksonomia gaiari buruz. Folksonomy modu informalean sozialki sortzen diren kategorientzat Thomas Vander Wal-ek emandako izena da omen da.

Izenak adierazten duen moduan, normalean erabiltzaileek sortzen dituzten kategoriak dira.

Baina, Emanuele Quintarelli-ren Folksonomies: power to the people saiakera interesgarria eta ongi dokumentatuaren atal batean folksonomien erabilera enpresa munduan aipatu eta defendatzen da: Enterprise folksonomies eta arrazoia du, nere ustez.

Hau da, folksonomiak ez dira zertan mugatu behar blogosferara edo geek mundura, bere onurarako enpresek hasi behar dute mundu horretan murgiltzen.

Folksonomies are not limited to the geek world or to the blogosphere. Enterprises have also started blogging and experimenting with folksonomies.

Enpresa handien adibidea aipatzen du Quintarellik, IBM esate baterako, baina enpresa txiki eta ertainetan guztiz erabilgarria dela uste dut, behintzat horretan gabiltza . Besteak beste, enpresa barnean ezagueraren zabalkundea eta lengoaia amankomuna lortzea eta erabiltzea bideratzen duelako.

Miguel Perez eta Pablo Boronat irakaslearen zuzendaritzapean Jaume I Unibertsitateak antolatutako Summer School on Libre Software udako ikastaroan parte hartzeko gonbitea jaso genuen. Economics atalean, software librean lan egiten dugun enpresen ikuspegia aurkezteko.

Ekonomiari zuzendutako atala Jesus M. Gonzalez Barahona irakasleak ireki zuen. Seguruenez, software librearen inguruan Espainian dagoen aditu nagusienetakoa JGB da. Artikulu, liburu eta argitalpen ugari ditu, eskuragarri hemen eta Software Libreko negozio ereduen aurkezpen sistematikoa, zabala eta ona egin zuen.

Software Librea doktorego ikastarorako prestatu duen aurkezpena erabili zuen: Modelos de negocio atala (adi, .pdf formatoa, 181 KB) .

Madrileko Hispafuentes enpresako ordezkaria ez zen ailegatu, eta Gonzalez Barahonaren ostean, CodeSyntax-en esperientzia kontatzea suertatu zitzaidan New technology-based enterprises and Open Source, a local perspective izenpean aurkeztuz.

Azkenik, Francesc Altet Carabos Castelló-n sortu berri den enpresako kideak beraien enpresa esperientzia aurkeztu zuen. Carabos-ek PyTables izeneko produktua dute, datu eta informazioaren kudeaketarako, eta besteak beste horren gainean eskeintzen dituzte zerbitzu eta garapenak.

Bazkal orduan, pil-pilean zegoen Programa Informatikoak Patentatzeari buruzko Europar Direktibaren bozketaren inguruan jardun genuen. Software Librean lan egiten duten Enpresa Txiki eta Ertainak 30.000 lanpostutik gora sortzen dute. Azkenik, alde aldiz gainera, momentuz behintzat komisioaren proposamena baztertua izan da .

Software Librea etorkizuneko teknologia dela aipatzen genuen Donostiako Azaleratzen ari diren teknologiak jardunaldian eta Gartner-eko adituen ustetan , Software Librea 2005 urteko gai beroena izango da eta 2008 urterako, hau da hiru urtetan, Software Libreko aplikazioak lehiakorrak izango dira eremu guztietan software itxiekin eta 2010 urterako erakunde guztiak izango dute kontutan software libreko produktoak bere software gehiengoan. Albiste onak sektorearentzat.

Joan zen asteazkenean Alain ETCHEGOYEN, Frantziako Le Plan delakoaren arduradun nagusiak, komunikabideen etorkizuna 2015 urteari begira aztertzen zuen txostena aurkeztu zuen: Des mediattitudes. Prospective sur la strategie de l'Etat dans les mutations des medias izenekoa.

Prospektiba lan honen hasieran 1789 urtetik datorren Gizakiaren eta Herritarraren Eskubideen gaineko Adierazpena gogorazten da, non herritar guztiek libreki hitz egin, idatzi eta inprimatu dezaketela esaten den: "La libre communication des pensées et des opinions est un des droits les plus précieux de l'Homme : tout Citoyen peut donc parler, écrire, imprimer librement, sauf à répondre à l'abus de cette liberté dans les cas déterminés par la Loi."

Baina eskubide hau erreala eta ez bakarrik formala izan behar duela azpimarratzen da txostenaren hasieran. Hau da, hiritarrek eskubide hori gauzatzeko aukera errealak izan behar dituzte.

Hamar gomendio, Mediattitudes delakoak, eta komunikabideen erorkizunaren eszenategiak.

Bernard BENYAMIN eta Sylvie BENARD, COSMOS proiektuaren arduradunak, bere txostena aurkeztu zuten Parisen. Txostenean 10 mediattitudes edo Estatuari, komunikabideei eta hiritar-kontsumitzaileei zuzendutako komunikabideekiko jarrerak proposatzen dira.

Besteak beste media digital berriei egokitzea edo 18 urte baino gutxiago dutenen artean Prentsa-Txekea banatzea egunkarien irakurketa bultzatzeko.

Txostena bi atal nagusitan banatzen da eta oso eranskin interesgarria dauka, atalka komunikabide mota ezberdinen erorkizuneko eszenategiak azalduz:

• Lehendabiziko atalean, komunikabideen etorkizuna aztertuz prospektiba egiten du: UNE PROSPECTIVE DES MEDIAS A L'HORIZON 2015, etorkizunerako joerak eta hiru eszenategi posibleak aurkeztuz. Mundu mailako konzentrazioa, askoren arteko lehiakortasuna eta hiritarren aniztasunaren etorkizuna dira aurreikusten diren eszenategi edo aukerak.
• bigarren zatian aipatutako gomendioak, RECOMMANDATIONS POUR DES MEDIATTITUDES, aurkezten dira. Estatuarentzat, prentsa idatziarentzat, prentsa digitalarentzat eta prentsa agentzientzat.
• Eranskinean, sektoreka etorkizuneko eszenategiak jasotzen dira: prentsa idatziarentzat, prentsa digitalarentzat eta sektorearen erregulazioari dagokionentzat.

Paperezko prentsaren desagerpena 2011 urterako.

Azken egunetan, han hemenka Prospektiba lan honen aipamenan ikusi ditut, Le Monde edo Liberation egunkarietan esaterako. Nola ez, azken hauetan eszenategi batzuetan ageri den prentsa idatziaren desagerpen iragarkiak, prentsa digitalak ordezkatuta, azpimarratzen dituzte.

DES MEDIATTITUDES, Prospective sur la strategie de l'Etat dans les mutations des medias txostenaren bertsio osoa eta prentsarako egin zen laburpena eskuragarri daude Internet-en: Txosten osoa (ADI 1.645 KB, 151 orrialde) eta prentsarako laburpena (207 KB, 13 orrialde)

Blogen erabilera oso polita UK-eko ESRC edo Economic and Social Research Council delakoak babesten duen Social Sciences Online: Past, Present and Future Giza Zientzien Astean egin dutena: atal, ponentzia, ekarpen, galdera eta datu guztiak blogean daude!

Uztailaren 1arte irekiak izango dira gaiari buruz sortu dituzten blogak gendeak iruzkinak egin ditzan, eta gerora begira artxibo bezela utziko dute kontsultatzeko moduan.

Blog nagusia dago: socsciweek eta atal ezberdinetara bertatik sartzea dago. Dena integratua eta irudi korporatibo berdinarekin. Iruzkinak blogetako erantzun gisa gehitzen dira eta izena emanez gero ponentzia edo ekarpenak egin daitezke blogeko "post" edo "sarrera berri gisa".

Oso interesgarria iruditu zait. Atalak honako hauek dira:

• Ikasten eta irakasten - Learning and Teaching
• Ikerketa metodoak - Research Methods
• Akzesoa datoetara - Access to Data
• Zientzia e-soziala - e-Social Science

Ekarpen asko eta interesgarriak daude, baina arreta sortu didate pare batek.

Alde batetik, Jacqui Taylor-en ponentziak The Internet: a World Wide Social Science Laboratory? eta bestetik blogak irakaskuntzan gaia jorratzen duen What are the potential uses of Blogs in Teaching and Learning? Andy Ramsden-en ponentziak .

Kongresu bat antolatzeko modu erraza blogen bitartez, bai horixe.

Astearteko aurkezpenaren ondoren, zenbait informazio interesgarriak aurkitu ditut software librea enpresan gaiari buruz.

Dudarik ez dut datozen urteetan software librearen erabilera areagotu egingo dela enpresa eta erakundeetan eta etorkizunerako joera dela, baina aste honetan esandakoa indartzen dituzten aldaketaren hazi gehiago ikusi ditugu.

Gartner etxearen iritziz Software Librea 2005 urteko gai beroena izango da.

Gartner-en iritziz 2005 urtean gai edo joera beroenak OSS - Open-source software, VoIP, SOA - Service-oriented architecture, eskaerapeko konputazioa eta deslokalizazioa edo Global Sourcing-a izango dira. Horrela diote Gartner's Positions on the Five Hottest IT Topics and Trends in 2005 artikuluan, eta hurrengo urteetarako aurreikuspenak aurkezten dituzte.

Esate baterako, Gartner-eko adituen ustetan, 2008 urterako, hau da hiru urtetan, Software Libreko aplikazioak lehiakorrak izango dira eremu guztietan software itxiekin eta 2010 urterako erakunde guztiak izango dute kontutan software libreko produktoak bere software gehiengoan.

By 2008, OSS applications will directly compete with closed-source products in every software infrastructure market, and by 2010, Global 2000 IT organizations will consider open-source products in 80 percent of their infrastructure-focused software investments and 25 percent of business software investments.

Gobernua administrazio publikoak kontratatzen duen sofwarearen kodea irekitzearen alde agertu da.

Horrela dio Enpresa digitaletik ailegatu zaidan albisteak : Gobernuak Administrazioari saltzen dioten enpresa guztiek haien programen kodigoa ireki dezaten nahi du. Intentzio hauek Gobernuak prestatzen ari den, eta laster kaleratuko den, Informazio Gizartearen eta Europarekin Konbergentziaren Planaren zirriborroan daude.

Eta aurrerago: Testuak Administrazioaren neutraltasun teknologikoa softwarearen erabilpenean proposatzen du, praktikan konkurtso publikoek ezin izango dutela programa zehatzik inposatu ekarriko duena.

Ordua zen!.

Behin eta berriro ikusi dugu administrazioa software soluzio itxiak eta aldez aurretik lehiaketa-baldintzetan zehaztuak kontratzen, behin eta berriro salatu den bezala, Eusko Legebiltzarrak erabaki solemneak hartzen ditu baina Gobernuak ez du gauza handirik egiten . Espero berriz ere erabaki solemne hutsean ez geratzea. Suposatzen da pixkanaka-pixkanaka edo arin-arin ahal bada, Eusko Jaurlaritzak bide beretik joko duela.

Kopyleft jardunaldiak

Asteburu honetan, Software Librearekin zerikusia handia duten Kopyleft jardunaldiak egin dira Donostian. Medio tradizionaletan zerbait ikusi dugu, baina bukatu berriak diren jardunaldiak ondo jasoak gera dira Interneten www.kopyleft.net gunean eta euskal blogosferan. Esate baterako, dagoeneko:

• Mikel Iturriak pare bat harrikada utzi dizkigu bere blogean: lehena eta bigarrena .
• Teketen blogean kronika interesgarria egin dute Kopyleft jardunaldietan barna izenpean. Gustatu omen zaie Zope Plataforma . Aurkezpena, ondo seguru, Deustuko Nando Quintana lagunak egin zuen.
• Imanol Sorianok Goiena blog komunitateko bere Klik Bikoitza blogean, hitzaldiak audio formatuan daudela abisatu digu .
• Aurrerago, hainbat albiste Sustatun, gutxienez bat , bi eta hiru .
• Gainera, gehien bat gazteleraz, baina euskarazko apunteren batekin Internet Euskadiko blogean jaso da zerbait.

Joerak software librearen indarra konfirmatzen dute. Ondo, argudio gehiago datorren asteko aurkezpenerako .

Biharko, ekainak 21, Azaleratzen ari diren teknologiak izeneko jardunaldia antolatu da Donostiako Miramon Teknologia parkean.

IKTBen munduan sortzen ari diren eta enpresarik lehiakorrenak jada bereganatzen ari diren teknologia berriei buruzko informazioa eta egoera praktikoak enpresei erakustea da jardunaldiaren helburua.

Gai eta teknologia ezberdinen inguruan prestatu da jardunaldia, eta arratsaldeko azken orduan mahai inguru interesgarria "a priori", gainera prospektibarekin lotura duena: Sociedad de la Informacion en 2015: Un vistazo al futuro... jarraitu beharrekoa!

Software librea eta enpresa gaiari buruz hitz egin behar dut. Ikuspegi teknikoa baino gehiago, enpresentzat edo enpresa kudeatzaileentzat ikuspegi praktikoa eta estrategikoa eskaini nahi dut. Denbora badut adibideak ipiniz.

Biharko aurkezpena prestatu eta sarean ipini dut .Aurkezpena Simple Standards-based Slide Show System delakoan dago oinarrituta, xhtml-a da, css estilo orriekin. Pantailan ez bada ondo ikusten letra tamaina txikitu eta listo.

Sarrera librea da eta bertaratzeko webean izena ematea baino ez dago. Gaur goizean tokiren bat edo beste geratzen zen.

Datorren astean beste gonbite bat Castelló-nen: New technology-based enterprises and Open Source, a local perspective izenpe apur bat ponpoxoaren azpian CodeSyntax-eko esperientzia kontatzeko eskatu digute bertako Udako Ikastaroetan: Summer School on Libre Software, Castellon

Gainera Mikel Larreategi eta Josu Azpillaga lankideek Suediera doaz igandean, Goteborg-era, bertan Euro-python 2005 delako eta han ere aurkezpen bat eskatu digutelako, batez ere Zope activities at EuroPython 2005 atalean

Demografiaren bilakaera eta hezkuntza sistemen garapenaren inguruan kezka handia dago Europa osoan.

Horregatik, Sevillako IPTS - Institute for Prospective Technological Studies (www.jrc.es) ikerketa zentroak txosten tekniko berria kaleratu du: THE DEMOGRAPHY/EDUCATION SQUEEZE IN A KNOWLEDGE-BASED ECONOMY (2000-2020). eta helbide honetatik (.pdf 469 KB) osoa deskargatu daiteke.

Egilea GÉRY COOMANS, GeoLabour.com ATLAS OF PROSPECTIVE LABOUR SUPPLY webgune interesgarriaren arduraduna da.

Ondorio gisa: azken bi mendeetan Europan ekonomia zabala eta aldakorra bideratu dituen gazte multzo ugaria izan dugu, baina etorkizunari begira akabo hori.

Ezagueraren gizartera jotzeko beharrezko den aldaketa egiteko Europan ez dago gazte nahikorik, eta are gutxiago hirugarren sektore aurreratuan behar diren gazte nahikorik.

Beraz, derrigorrez hezkuntza sistemaren berrikuntzari, ezagueraren gizarteak dituen beharrei egokitzeko, lehentasuna eman behar zaio, eta batez ere ezagueraren gizarteak etorkizunean beharko dituen profesional ondo formatuak izan ditzagun.

Hala ere, lan zaila. Aurreikuspen guztien arabera 2020 urterako gazte kopuruaren beherakada nabaria izango dugu eta.

Datu zehatzagoak txostenean. 2010 urterarte, Irlanda, Frantzia, Espainia, Grezia, Malta, Cyprus edo Poland bezalako estatuek mantenduko dute gazte kopurua, baina 2010-2020 epealdirako ez omen da izango Ezaguera Gizarterako gazte prestatu nahikorik gaur eguneko Europa osoan.

The power of us, The Future of Technology, Business Week aldizkariaren hurrengo zenbakiaren izenburua da.

Business Week-eko zenbakiak sareko ekonomiari buruzko artikuluak ditu, ziber-espazioko komunitatei buruzkoak, enpresa berriei buruzkoak, ... eta horiek bideratzen dituzten teknologien ingurukoak.

Teknologia berri hauek, orain arte inoiz gertatu ez den bezala, erabiltzaileek sisteman gero eta indar gehiago izatea bideratzen omen dituzte.

It's the emergence of the Power of Us. Thanks to new technologies such as blog software, peer-to-peer networks, open-source software, and wikis (group-edited Web sites), people are getting together to take collective action on an unprecedented scale.

Langile elkarkonektatuak, kolektibitate berrien sorrera Internet sareari esker, ... azken finean datorkigun etorkizunari buruzko artikulo sorta. Gainera Informazio Teknologietan Munduko 100 Top enpresen zerrenda.

Egun hauetan CNN edo La Tribune aldizkari digitaletan irakurri izan dugu 2003 urtetik aurrera Portugalen, Lisboako Telekomunikazioen Museoan elbarritu eta edadetuentzat diseinatutako etorkizuneko etxea dagoela ikusgai.

Hitz egiten dakien ikuzgailuak, telebista integratua duten ispiluak, lorategi birtualak, ... eta beste mila gauza etxeko bizitza erosoagoa egiteko.

Proiektuaren zuzendaria Gonçalo Areia da eta bere esanetan Lisboan dagoen etorkizuneko etxe honek laborategi bizia nahi du izan.

Argi dagoena sektore hau etorkizuneko negozioa bilakatu dela. Hau da, elbarritu, edadetu edo besterik gabe aisanahi direnentzat, bizitza eta etxe erosoagoak egingo dituzten tresnak asmatu edo ezartzea.

Millenium Technologies horretara dedikatzen den enpresa bat da, www.lacasadelfuturo.com bere webgunean ikus daitekeen bezala: Domotica y Nuevas Tecnologias para la Vivienda

Argazkia AFP