Pentsamendu majikua
Oier Gorosabel
2025/10/13 00:00
Ezagun dok jentiak majian sinisteko berezko joeria dakala.
1936ko gerran, erreketiak "detente bala" izeneko kutun bat eruaten juen frentera. Gehixenetan euren amak josittakua, bihotz onduan eruaten juen "berun konpitten"gandik babesteko.
Kiroldegixetan, dutxetan txankletak erabiltzeko arau anakroniko xamarra jagok (piszinan txanua erabiltzia agintzen zanekua). Batzuk, txankletak ahazten dittuezenian, dutxara galtzerdixetan sartuta babestuta sentitzen dittuk.
Covid19 pandemian, maskarillen erabilpenakin legez, gainazalen desinfekziñuan pentsamendu majiko irrazionala nagusittu zuan. Kiroldegixan, ondiokan, bizikleta estatikak erabilli eta gero, makiñia papel baten "bedeinkatzen" daben jentia jagok.
