Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Garagoittiko Orakulua / Evaristo II

Evaristo II

Oier Gorosabel 2012/09/13 15:52
“Ecce homo”, Friedrich Nietzsche.

Nietzsche187a

 

Ez baneu jakingo gizon hau mundu maillako erreferentzia filosofikua dala, esango najeukek liburu hau zoro-handiuste-egozentriko-megalomano batek idatzittakua dala*, ixa-ixa humore klabian, eta ez netsake aparteko kasorik egingo. Baiña oso deigarrixa egitten jatak Nietzsche famatuan nere lehelengo irakurketa honi adarjotzaille baten zoroaldixan traza guztia hartzia (ez dakitt zer espero neban, baiña hau behintzat ez). Alde batetik Evariston liburua gogoratu jestak; eta bestetik Ernesto lagunan izaeria.

Liburuan gauza asko sobreentendidutzat emoten dittuk; idazlia bere unibertso partikularrian murgilduta jabik (ordurako bere obra nagusiñak idatzitta jittuan, famosúa zuan eta zaletu eta detraktore asko zittuan) eta ezagun dok bere jarraitzailliei emondako klabe asko emoten dittuala, erreferentziako obrak irakorri barik ulertu ezin leikiazenak –pentsau nahi dot-. Friedrichek bere bizitziari halako errepaso bat egitten jetsak, ordurarte idatzittako liburu nagusiñak banan-banan azalduta (edo). Eta graziak horri: ikusittakuak ikusitta etxuat uste-eta hórretako bakar bat be nere borondatez sekula irakorriko dotenik; baiña euren laburpentxo hori kulturilla jeneralerako ondo etortzeok.

Izan be... gauza batzu liburu hau katxondeuan hartzera gonbidatzen habe. Atalen izenburuak, esate baterako: “Por qué soy tan sabio”, “Por qué soy tan inteligente”, “Por qué escribo libros tan buenos”... tira, Friedrichen autobiografia moroko honetan ez dok agertzen amandria bizi jakon edo ez, baiña irakorrittakuak irakorritta, erantzuna argi jagok.

Bestela, irakurtaldixonek lehendik nekan aurreiritzixa indartu baiño ez destak egiñ: filosofixia... zenbat eta urriñago, hobe. Neretako mundu honetako gauzengandik goregi jabizak Markos eta bere lagunak. Eta etxuat esaten hori txarra danik, ez; igual premiñazkua be izango dok, etxakixat. Baiña neretako behintzat, ez dok.

* Eta tira; Wikipedian bere biografixia irakorri eta gero, hala dok.

Markos Zapiain
Markos Zapiain dio:
2012/09/14 08:00
Oier, zoro-handiuste-megalomano-egozentriko hori gizajo bat izan zen, beti gaixorik, ia beti goibel. Megalomania hori koitadu depresibo askoren umore mota berezia da, hain maitagarria. Ez zuen piperrik ere saltzen. "Horrela mintzatu zen Zaratustra", 40 bat ale. Hamar, irakurtzen ez zekien jendeari berak oparitua (pentsioko atezaina, eta abar). Beste hogei, ezagunei eta senideei bidaliak. Erantzunetan, kortesiaren atzetik nabarmen, ez zutela liburua irakurri. Hori da piperrik ere saltzen ez dugun euskal saiakeragileon kontsolamendua: "ze ondo, Nietzsche bezala". Soilik erotu ostean hasi zen haren ospea apur bat zabaltzen.

Baina haren liburuak bikainak dira. Honela mintzatu zen Zaratustra inoizko autolaguntza libururik onenetakoa, gainditu ez den lirika barregarri batez apaindua. Hori bai bihar dan moroko masajia arimarentzat. Hemen daukazu: http://www.ehu.es/ehg/klasikoak/



Oier Gorosabel
Oier Gorosabel dio:
2012/09/14 16:13
Eskerrikasko nerekin ez hasarratziangaittik, Markos (kristonak botatzen jittuadaz beti zuen kontura).

Egixa esanda, perfectamente ulertzejuat halako gauzak idatzitta bape exitorik ez eukitzia bere sasoian. Ulertzen ez dotena da zergaittik izan dan GERO hain estimatua.
Markos Zapiain
Markos Zapiain dio:
2012/09/15 09:41
Ideia berri garrantzitsuak ekarri eta grazia handiz adierazi zituelako, eta intuizio harrigarriko psikologoa izan zelako. Edozein aforismotan nabari da, kontzeptu ezagunagoetan ez ezik (betiereko itzulera, botere nahia, jainkoaren heriotza, gaingizona...). Adibidez: oso-oso hasieratik uste izan du gizakiak badela beste mundu bat, hil ostean hara zoazela, hildakoak han bizi direla, badirela bizidunak haraindi horrekin harremanak dituztenak... Zergatik otu zaio gizakiari horrelako zerbait, hain arraroa? Batzuek erantzungo zuten: egia baita. Nietzscheren erantzuna: ametsengatik. Ametsetan, izan ere, bizirik baleude bezala ageri zaizkigu hildakoak. Hortaz, ondorioztatu zuen gizakiak, hil ostean bizirik jarraitzen duzu eta arimaren bidez bizidunok ere arbaso hilekin bildu gaitezke. Zentzumenenaz gain beste mundu bat dago, zerua, ideien mundua, Jainkoaren altzoa... Nietzsche ez zen hori ukatzera mugatu: egiantzeko azalpen bat aurkitu ere zion.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Oier Gorosabel Larrañaga, Lekeittioko Eibartar bat

 

Eibarrespaziuan zihar esan zesten pizkat mesianikua nintzala idaztian, eta bloga sortzerako orduan horregaittik ipiñi netsan izenburu hau. Lehen nere gauza guztiak (argitaratzeko morokuak, behintzat) hamen idazten banittuan be, espeleologixiari buruzko gauza guztiak ADES-en webgunian emoten dittudaz, eta osasun asuntoko artikulu guztiak hona mobidu dittudaz, gaika klasifikauta.

Txorrotxioak
Etiketak
ETB1 EibarOrg Info7 Zer erantzi abertzale abittaga abortuak aitor_eguren aittitta raduga aldatze amarauna andoain antzerkia araba arantzazu aranzadi ardantza argentina_2005 armando gorosabel arrajola arrakala arrantza literarixuak arrate arrosa artxanda aulestia axpe_martzana azkue ipuin bilduma azpimarra banu_qasi baxenafarroa baztan belaunologia berasueta berbologia berriatua bidai_aluzinantia bilbao bittorixa buruntza comunitat_valenciana culineitor deba desempolving diaspora diego-rivera egillor eibar eibarko_lagunak ekialdeko nafarrera eraikinologia erdialdekoa erresuma_batua erronkari espeleologia etxebarria eup euskadi_irratia euskal_erria_aldizkaria euskalkia faktoria felix_arrieta galicia ganbara gasteiz gatobazka gce gernika girua gorosabel hormasprayko igotz_ziarreta ikerkuntza indalecio ojanguren info7 irabiaketa irratia irun iruñea izarraitz iñigo_aranbarri jacinto_olabe jamo_savoi juan san martin julen_gabiria kalamua kanposantuak katarain kirola koska kuku kurik-3 kurosawel labordeta lagunologia lalolalia lamaiko_operia lasarte leintz_gatzaga lekeitio lekeitioko_lagunak lituenigo lopez maeztu magia manex_agirre maputxe markina-xemein markues matrallako mendaro mendebalekoa mezo_bigarrena mineralak musikeruak muskildi mutriku nafar_lapurtera nafarrera noain oiartzun oioioi-lur ondarroa opaybo orakulua otsagabia ozeta paisajiak parakaidistiarenak paris patxi_gallego polo_garat sagartegieta san antoni sartei sasiola sega segura slovakia tafalla2016 talaiatik telebista toribio_etxebarria umeologia urberuaga urkiola xabier_lete xoxote zaharrea zaharreologia zaragoza zer erantzi zerain zornotza zuberera zuberoa
hgikj
2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019