Eskorbuto aditzen - 1980/83
"Eskorbutologo" asko jardun juek euren ibilbidia aztertzen, talde gitxiren gaiñian egongo dok hainbeste literatura. Nik neuk beraz, etxuat ezer barririk idatziko. Bai ostera, egunotan egitten nabillen deskubrimentuan gaiñeko inpresiño batzuk.
Irakorri barri doten "Mierda de Bizkaia" liburua asko gustau jatak. Liburuan beran interesaz gain, elkarrizketatu askok eta askok aittatzen jittuez Eskorbuto, eta hori dala eta, behiñ libururako bildutako maketa guztiak entzun eta gero, euren txandia etorri dok.
Oingo entzunaldixa kronologikua izan dok. Youtuben egin juat, dana bertan jagok-eta: ironikua dok, internetik be ezagutu ez zeben Josu eta Jualma munduko korporaziño haundiñetako baten entzutzia, bere garaian diskografikak taldetxuekin egindako mamoneuak x 1000 biderkatuz, eta soy-antonio-lobato-compramostucoche-punto-es tipoko iragarkixak behiñ eta berriro etenda. Burura etortzen dan lehelengo gauzia zera dok: reprodukziño bakotxakin sortzen dirazen xemeikuok, zeiñen poltsikua betetzen jiharduek? Allegauko ete dok ezer familixakuengana?
Lehelengo entzun dotena, 1982ko entsaiuak. Oso deigarrixa egin jatak Jualman nerabe-abotsa, "galluak", eta falsete erreza. Hurrengo urterako amaittuko zuan hori, boza nabarmen aldatuta: "Jodiéndolo todo" maketia ya boz kraskatu ezaugarrixakin etorriko zuen-eta. Entsaiuon grabaketak, jakiña, "ComoElCulo" soiñu estandarrakin jatozak -MierdaDeBizkaiako grabaketen pare beraz, eta eurekin bat eginda-. Halan be, kantuotan "punk estandar" SotaCaballoReytik aldentzen dan estilo bat bai igartzen dok: batzuen egitturia konplejua dok ("Oh no"), ezohiko armoniak, eta instrumentuen zein abotsan kontrol haundixagua jagok. Josu eta Pakon kasuan ulertzekua dok, aurretiko esperientzixia zekela kontuan hartuta (Escombros, Zarama...) baiña Jualmana deigarrixa dok, ezelako formaziño musikalik hasi zalako Eskorbuton. Berezko sena kontizu.
Bistan da, artian hau guzti hau -punk panoramia, orokorrian- neure Mekolako mundutik oso urrin jeguan. 10 urte nittuala, nere testuinguru akustikua sukaldeko radixuak markatzen juan. Urte horretan halako gauzak botatzen jittuan: "Prepárate, va a estallar el obús...", "Latino, tengo el calor de una copa de vino...", "Souvenir" (OMD), "Como una ola, tu amor llegó a mi vidaaaa...", "Bésame, bésame tontaaaa.... tukutuku-tukutuku-tukutuk", "Buenas noches bienvenidos, hijos del rocanrol...", "Adio Kattalina" (Oskorri) ("Gu gaituzu Oskorri, zuri berde eta gorri....", "Haurrak, haurrak, haurrak ederrak, haurrak nongoak zerade, Espainiako Don Feliperen seme-alabak gerade...", "Euskal Herrian Euskaraz, nahi dugu hitz eta jolas...", "Ni bizi naiz baserrian, animalien erdian..."), "Una mujer en el armario, qué dolor, qué dolor...", "Que tire la toalla..." (hau Karraspioko txiringituetan gogoratzen juat), "Felicidad, es un viaje lejano, mano con mano la felicidad...", Mecanon lehelengo diskua ("Hoy no me puedo levantar", "Perdido en mi habitación", "Sombra aquí, y sombra allá, maquíllate, maquíllate...", "Allí me planté, y en tu fiesta me quedé, Coca Cola para todos y algo de comer....", "Boda en Londres") eta ordurako plastikozko punkixak nagusitzen ("Bailando, me paso el día bailando...")
