Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Garagoittiko Orakulua / Errua eta maitasuna

Errua eta maitasuna

Oier Gorosabel 2008/02/26 09:00
Markos Zapiainekin ohian

 

http://www.erabili.com/zer_berri/muinetik/1163146011/zapiain_270.png

 Azken lau egunetan ohian gaixorik egon nok ordu askuan, eta liburu hau izan dok nere lagun printzipala, sukarran eraso eta dardaren lurrikarak irakortzen lagatzen zestenian.

Liburuei buruzko iruzkiñen liburu bat dok, medixo askotan argitarautakuak. Mendigreenen hitzaurria jakak, halako zeozer esaten: “Bai xelebria, nik oin iruzkiñen liburu bati iruzkiña egin biharra”. Eskerrak neria ez dala iruzkiña...

 Markosekin gauza kuriosua gertatzen jatak: oso tipo majua dok, bere idazteko eria asko gustatzen jatak, baiña tratatzen dittuan gaixak ikaragarri astunak egitten jatazak. Hori dala eta, erakarri/uxatu jokuan hainbeste bidar harpidetu/desharpidetu nok bere blogera. Oin baiña, gitxi gora behera irakorle fidela bihurtu nok; igartzen dok maisua dana eta maisu ona gaiñera –¡ai, Uxio euki biharrian bere moduko bat euki izan baneu institutuan!-. Liburu honetan, idazlan entretenigarrixen iruzkiñak filosofia liburuenekin txandakatzen jittuk; gaiñera, filosofiazkuen iruzkiñak motzaguak dittuk bestienak baiño; eta amaitzeko lokartzeko arriskua dagonian beti aittatzen deuk zakilla, edo esnatuaraziko hauen gai eskatologikoren bat. ¡Hi bai didaktikua, Markos!

Pasarte aukeratuak:

  • Buru gaixotasun bat da filosofia, hizkuntzaren funtzionamendu zuzena ongi ez ulertzearen ondorio. Gramatikaren xarmak mendean hartzen gaitu, eta bost liburuki mardul idazten ditugu “izatearen esentziaz”. Orduan Wittgensteinek diosku: “begira, zu gaixorik zaude, ergeldurik, eta nik osa zaitzaket. Irakur ezazu Tractatus-a, ulertu ongi eta sendatuko zara. Eta, behin sendaturik, isilduko zara”.
  • Putzu-k badu giharra, maitasuna, herrimina, heriotza, bizi-bizia da, makina bat pasarte zirraragarrik hornitzen du. Azken orduko egiturazko bitxikeria goitik behera betetzen duen hainbat eleberri posmodernok, ostera, kaka-mokordo batek bezainbesteko zirrara du eragiten.

 
Halaxen ba. Eta liburu honetan irakorrittakuari esker, bajakixat zein izango dan mesillan bere lekua hartuko daben liburua: “Borrokaren gorrian”, Bikilana. Nahiz eta berari aurretik irakorrittakuak oso inpresiño ona eragin, lodieriak eta tituluak berak atzeraka eragitten zestan; ez najekan bape gogorik 60ko hamarkadako Hegoaldeko sigla-zopa eta mikrosektarismuei buruzko ladrillo bat irunsteko. Baiña zera irakorritta, iritzixa aldatu juat:

  • Edozein gisaz, Bikilaren trebeziak, komikotasuna edonon aurkitzeko eta sentiarazteko, ez du parekorik munduan. Alde komiko honek, politika ika-miketan sarriegi nagusitzen den pedantekeria desegiten du. Hara adibidez, ondoko pasartea: seigarren biltzar nagusia du ETA-k. “Bigarren egunean, mahaiburu izateko aukeratu naute. Orduak joan orduak etorri, nekeak menderatu nau eta seko lo geratu naiz. Kaputxaren barrukoa ikusten ez denez, inor ez da ohartu bostgarren zeruan nagoela, bat-batean esnatu naizen arte. Beharbada amets-ondoko iratzar-unean izaten den buru nahaste horrengaitik, “diakroniko” eta “sinkroniko” hitzak oihukatuz zutik jarri naiz, Biltzar guztia harri eta zur utziz”.

 
Eta tira. Markosek maltzurki egindako dedikatorixiangaittik bada be (Jabier Muguruza “Laura kanpoan da” liburuan), saiatuko naiz gizon honen libururen bat irakortzen. Iruzkiñak behintzat ez daka itxura txarrik, eta ia bere musikia besain soporiferua ez dan.

oier g
oier g dio:
2008/02/27 18:27

Aupa Narkos. Hau irakorritta, Muguruza horrek nere eskalafoian mailla batzu jaitsi jittuk atzera. Zelako petardua, morroia! Deskontsiderau halakua. G puntuan gaiñian etxakixat gauza haundirik (biharrik bez), eta susmua dakat entelekia bat dala, edo bestela "beti-billa-aritzeko" atxeki bat (zentzu honetan ona, beraz). Dana dala, ez estutu: etxuat uste irrati/telebista baten eztabaidatuko ezerk sexu munduan oiñarrixak astinduko dittuanik.

markos zapiain
markos zapiain dio:
2008/02/27 12:15

Eskerrik asko "Errua eta maitasuna" irakurtzeagatik, Oier, zeren begira zertarako erabiltzen dituzten nire liburuak aspaldion: Institutuan nire alabaren mutilagunak (beti txorakerian dabilena) pilota baten atzetik salto egin zuen. Prakak erradiadorean engantxatuta zituen ordea, eta erradiadorea hormatik erauzi zuen. Nire liburu bat han gelditu zen zuloa estaltzeko erabili zuten. Gero esango dute kulturak ez duela ezertarako balio. Bertan da oraindik, gero eta grisago, ilunago.

Lehengoan Muguruza ikusi nuen Irunen eta esan zidan bere liburuari egin nion iruzkina ez zitzaiola batere gustatu. Ezta literaturaz asko dakiten bere lagunei ere. Lastima, liburuaren aldekoa baitzen, konfiantza giroan eta kariño handiz ondua eta arreta eta denbora luzea eskatu zidan. Hurrengo aldiz topatzean Garagoittiko Orakuluak "Errua eta maitasuna"ko iruzkinak bideratuta irakurri duela bere liburua jarri ahalko diot mahai gainean, eta hunkituko da.

Bestalde, "Errua eta maitasuna"k dakartzan Filosofia liburuak eta jorratzen dituzten gaiak ikaragarri erakargarriak dira: denbora zelan erabili ondo bizitzeko, krudelkeriak kontzientziaren sorreran izan duen eragina, erlijioa ilusio gisa, mintzo ezin daitekeenaz hobe isiltzea...

Egia da masajeatzea zirraragarriagoa dela baina... bide batez, telebistan gaur gauean hauteskunde eztabaidaren ostean G puntuaz mintzatuko gara. Senideei eta inguruko emakumeei galdetu eta inork ez omen du halakorik. Zuk inoiz masajeatu duzu G punturik? Zer zerikusi du klitorisarekin?

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Oier Gorosabel Larrañaga, Lekeittioko Eibartar bat

 preacher.gif

Eibarrespaziuan zihar esan zesten pizkat mesianikua nintzala idaztian, eta bloga sortzerako orduan horregaittik ipiñi netsan izenburu hau. Lehen nere gauza guztiak (argitaratzeko morokuak, behintzat) hamen idazten banittuan be, espeleologixiari buruzko gauza guztiak ADES-en webgunian emoten dittudaz, eta osasun asuntoko artikulu guztiak hona mobidu dittudaz, gaika klasifikauta.

Txorrotxioak
Etiketak
ETB1 Eibar EibarOrg Info7 Zer erantzi abertzale abittaga abortuak adela larrañaga aitor_eguren aittitta raduga aldatze amarauna amuategi andoain antzerkia araba arantzazu aranzadi ardantza argentina_2005 armando gorosabel armeria eskola arrajola arrakala arrantza literarixuak arrate arrosa artxanda aulestia axpe_martzana azkue ipuin bilduma azpimarra banu_qasi baxenafarroa baztan belaunologia berasueta berbologia berriatua bidai_aluzinantia bilbao bittorixa buruntza chill_mafia comunitat_valenciana covid19 culineitor deba desempolving diaspora diego-rivera egillor eibar eibarko_lagunak ekialdeko nafarrera eraikinologia erdialdekoa erresuma_batua erronkari espeleologia etxebarria eup euskadi_irratia euskal_erria_aldizkaria euskalkia faktoria felix_arrieta felix_ruiz_de_arkaute galicia ganbara gasteiz gatobazka gce gernika girua gisasola gorosabel hormasprayko igotz_ziarreta ikerkuntza ilegales indalecio ojanguren info7 irabiaketa irati-filma irratia irun iruñea izarraitz iñigo_aranbarri jacinto_olabe jamo_savoi jendartologia jeremiah_alcalde jon-etxabe juan de easo juan san martin julen_gabiria julian etxeberria kalamua kanposantuak katarain kirola komikiak koska kuku kurik-3 kurosawel labordeta lagunologia lalolalia lamaiko_operia lasarte leintz_gatzaga lekeitio lekeitioko_lagunak lituenigo lopez maeztu magia manex_agirre maputxe markina-xemein markues matrallako mendaro mendebalekoa mezo_bigarrena mineralak morau musikeruak muskildi mutriku nafar_lapurtera nafarrera noain oiartzun oioioi-lur ondarroa opaybo orakulua otsagabia ozeta paisajiak parakaidistiarenak paris patxi_gallego pedro chastang pedro gisasola polo_garat rufino sande sagartegieta san antoni sartei sasiola sega segura slovakia tafalla2016 talaiatik telebista toribio_etxebarria umeologia urberuaga urkiola xabier_lete xoxote zaharrea zaharreologia zaragoza zer erantzi zerain zornotza zuberera zuberoa
hgikj
2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024