Nerabeak gorroto
Nerabeak gorroto jittuadaz. Bai, ba jakixat ni be umia izan nintzuala, eta iñork jasan behar izan ninduana, ta... baina horrek ez jaukak zer ikusirik, nik be eragingo najuan nagusiren batengan gorrotua eta.
Umiak ez jittuadaz hainbeste gorroto. Zati bat bai: kasketak, kapritxuak, txantajiak, kontrakua egitteko zaletasuna... baina egixa esan, ba jaukek momentu onak be. Baina nerabetzaruan usteze aittatutako alderdi txarrak nagusitzen jakela umiei, eta ez hori bakarrik, baitta barrixak gehittu be: galderei ez erantzuteko zaletasuna, diskusio txikixetatik melodramak egittia, mundu guztia norbere kontra konfabulatu dala uste izatia... Hau izakera kontua noski; honi gehittu biharko detzagu aldaketa fisikuen ondorixuak: boza lodittu eta indar fisikua haundittu egitten jakek, baina ondiok ez dakixenez kontrolatzen, orru gogaikarrixak eta torpetasunez betetako mobimenduak egitten jittuez bakarrik. Goize batez izperringia lasai-lasai irakortzen egon eta nerabe kuadrilla bat onduan zalapartaka izatia baino gauza desatseginik... Eta ez deixezela egon neskak eta mutillak alkarrekin, orduan bikoiztu egingo dittuk eta arrantzak, eta beste elementu bat gehittuko jakok nerabiaren izaera afusilagarrixari: mutiko txundardunen txakil gaztiak hormonen diagarra jaso eta euren bidia topatu nahixan, neskei ulietatik tiraka, irainka eta hasarre eraginka arittuko dittuk... ¡ligatzeko modu xelebria, erregular!
Bai, ba jakixat pedagoguei ez jakela gustatuko jarrera hau. Hain zuzen be, euren partetik errez etorri lajeikek betiko erantzuna: "¡Hi be holakua izan hintzan barren! Izan konprentsiboa". Ez, ez, hau sentimentu baten adierazpidia dok eta ez najabik esaten nerabe guztiak akabatu egin bihar diranik, horixe ezetz. Ez jittuadaz hilko ¡¿baina antipatixia libre dok ezta?!
EGUNERAKETA 2018-III-19: iritziz aldatu dot.
Nere ustez heldu izateko nahia boteprontoan iristen da. Ez da poliki poliki garatzen juten dan zerbait, baizik eta drastikoki eman nahi dan aldaketa. Oso aldaketa konplikatua. Eta helduak imitatzea oso gauza aldrebesa da, oso korapilatsuak geralako, oso zerebralak-zelebreak, maniatikoak... Ez gera parte oneko jendea (orokorrean). Bai, azkenean gure nolabaiteko oreka lortzen degu, baina oinarrizko gauzetan hutsunez betetako entitateak gera (haurrei benetako inbidia diegunak gure sakonean). Nerabeak antipatiko? Nola ez ba! Nerabe batekin bizitzea oso esperientzi gogorra da, baina gorroto... Nik erruki erabiliko nuke gehiago, asko sufritzen dalako bolada horretan. Nerabe bat jarridazu aurrean, eta laguntzen saiatuko naiz, bizkarra ematen baino. Eta izparringia irakurtzen baino... begira egoten, tarteka oso oso parregarriak direlako.
(parregarria, mezu eta komentario hauek irakurtzean nerabeek ipiniko duten aurpegia...)