Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Poltsikoko telefonoa eta zentzubakokeria

Poltsikoko telefonoa eta zentzubakokeria

Leire Narbaiza 2008/05/22 18:36
Orain hilabete batzuk patrikako telefono zaharraren ordez berri bat "oparitu" zidaten kontratura pasa nintzelako.

Aukera guztien artean, argazki kameradun bat hartu nuen, batez ere blogean pentsatzen. Behin berria lortuta, argazkiak ateratzeko aukera nahi nuen. Kutxa zabaldu nuenean hainbat gauza zekarrela konturatu nintzen, baina ez kablerik ordenagailura konektatzeko, erretratuak deskargatzeko, musika kargatzeko ( aurikular batzuk ere bazekartzan).

Oporretan, argazki batzuk atera nituen eta beti deskargatzekotan nenbilen. Azkenean, horrelako baten joan nintzen Vodafonera kablea erostera. Non esaten didaten eurek ez dutela saltzen eta Bluetooth bitartez deskarga nitzakeela, eta nik ez daukadanez bluetooth-ik ordenagailuan, USB bat saldu zidaten. Nik, Mac Kintosh-duna naizenez, esan nien ea konpatibleak ziren, eta berak baietz, trankil egoteko, ze gaur egun....Ez denez nire lehenengo esperientzia txarra, ea dirua itzuliko zidaten galdetu nien, eta baietz. Horrela izanda erosi nuen. Jakina, PC gora eta PC behera idatzita zegoenez, ia seguru nengoen ez zuela funtzionatuko. Eta efekibamente, ez zebilen!

Itzuli nintzen dendara, bueltatu zidaten dirua, eta The Phone Houser bidali. Gaur joan naiz bertara, eta "mision imposible" dela esan didate, LG-k kable hori ez duela komertzializatzen. Orduan, txartelaren soluzioa eman didate. baina nire ordenagailuak ez dauka tarjeterorik!!!

Zer egin? Zein logika dago honen atzean? Mobilak zulo bat dauka kablea sartzeko -jakina, beste kable batzuek klabija desberdina daukate-, baina enpresak dagoeneko ez du saltzen, eta bere sasoian ezta banatzaileak ere. Hortaz, zer egin dezaket? Inork ulertzen du ezer? Zergatik ez zetorren kablerik kutxan? Klabijak zergatik ez dira lege dekretuz bateratzen? Zegaz pentsatzen dute fabrikatzaileek, ipurdiko zuloarekin? E!

etiketak:
Jozulin
Jozulin dio:
2008/05/22 23:03

Kableen kontu honetaz aspaldi dabilkit susmoa... Munduaren akabera kableengaitik etorriko da. Egun batean inork ez du kable egokia topatuko, aurkitzekotan, laburregia izango da, edo kable korapilo bat ezin askatuta kolapsatuko da eztakitzelako aparatu supergarrantzitsua, edo... Benetan oso usain txarra du kableen kontu honek.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua