Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Neskendako litxarreriak

Neskendako litxarreriak

Leire Narbaiza 2010/03/15 18:18
Niri neuri gertatutakoa.

 

Domeka goiza taberna bateko barran. Baten alabak litxarreria poltsa amaitu barik laga, eta amak guri eskaini. Papadelta girls. Patataz egindako mokadutxoak, pakete txikietan. Girls? Bai, neskak ingelesez. Neskendako patatatxoak, alegia.

Neskendako? Gure taldean harridura aurpegiak. Zelan, baina? Badago boys? Arrosak ote dira? Ez, normalak, betiko kolore horixka daukate.....

Poltsa aztertzen hasi ginen, eta ertz baten hauxe:

"Para ti y tus amigas" (Zureteako eta zure lagun neskendako). Friends pulseras (Friend eskuturrekoak). Con un mensaje (mezu batekin). Zer da hau? Paketeari buelta eman genion:

Eres una amiga genial (lagun aparta zara). Para que expreses tu amistad (zure adiskidetasuna adieraz dezazun). Laguntasunari deia, patatak saltzeko.

Duela astebete, martxoaren zazpia izan zen hau ikusi genuela, zortziaren bezpera. Denok aho bete hortz geunden. Eta 2010. urtean! Girls & boys; neskak eta mutilak; aurrez aurre jartzen gaituzte hasieratik, ez dute  balio denontzat litxarreriok. Umetatik produktu berezituak saltzen dizkigute, txikitatik desberdindu. Eta oraingoan, behintzat, mezuak nahiko positiboak dira: adiskidetasuna, girl power....Baina beharrezkoa da horrelakorik pikatzeko hauek saltzeko? Eta kezkagarriena, mutilendako kanpainetan, zein mezu bidaltzen dizkiete? Laguntasunarenak ez du balio, ala? Bigunegia akaso?

Ez dakit nola amaituko dugun! Laster frutei ere horrelako sloganak egingo dizkiete: Laranja girl, lagun gehiago izango dituzu/ sagarrak boys, punteria onena izango duzu baloia jaurtitzen. Jamaika ikusteko jaio ginen!

etiketak:
juan
juan dio:
2010/03/15 23:01

Gizonontzat indarra emango diguten patatak. Biolentziarako hezitzen gaituzte, eta hortik gure sentiberatasun falta, oldarkortasuna... Ez nuke nahi inor mintzerik, lan asko egin baiute askok arlo honetan. BAina batzuetan generoaren kontuan iruditzen zait emakumearen gainean soilik jartzen dela fokua. Eta gizonaren rola ere ongo aztertu beharko da, sistema sexista batean bi aldeak baitira (era desberdinean) zapalduak. Hala uste duzue gustatu egiten zaigula horren gogorrak izatea?

leire
leire dio:
2010/03/17 14:34

Juan, guztiz ados nago zurekin. Uste dut emakumeengan jartzen dela foku, baina gizonekin ere lana egin bera dela. Sistemak gizonak ERE zapaltzen ditu, hainbat arlotan guztiz oinperatuta, emakumeak baino gehiago, gainera. argi dago denok batera egin behar dugula eredu berria, askatzailea izan behar dena, jakina!

Asier, ez gara bardiñak, ezta gitxiagorik be! Gauzia da hórrek patatok lehenagotik be existitzen zirala, desbardintasun barik. Zuk ondo ikusiko zeunke "langabetuendako patatak" etarako balittue? Edo "atzerritarrendako gusanituak" eta dana aurreeritxiz beteta balego? Jentiak ez leuke salatuko? BAi, ezta? BA, neskatillekin be bardin!

asier
asier dio:
2010/03/16 14:51

Zerk harritzen zaittu? Ez dot ondo aitzen. Publizitatiak nitxuak billatzen dittu, produktu bat ez jako populaziño osuari saltzen. Batzuetan gaztieri, beste batzuetan edadetueri, beste batzuetan aberatseri, beste batzuetan langabetueri, beste batzuetan atzerritarreri, beste batzuetan... neskeri.

Eta?

Neskak eta mutilak bardinak dirala iruditzen jatzu? Benetan? Ba ez, desbardiñak dira. Desbardin erlazionatzen dira, gustu desbardinak dittue. Eta zer?

Topiko batzuetan oiñarritzen dala publizitate hori? Jakiña. Edozein publizitate moduan.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua