Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Kontrapublizitatea

Kontrapublizitatea

Leire Narbaiza 2008/08/04 18:50
Azken aldi honetan bloga nahiko lagata daukat; lana dela, alferkeria dela,.....

Beti, baina, badago moduren bat hemen zer edo zer interesgarria jartzeko. Gaurkoan Anibal de la Torreren blogetik ostu dut. Berak, era berean, Greenpeacenetik hartuta.

Behean jarri dudan bideoa Greenpeacek egindako kotrapublizitate kanpainia bat da; Endesaren aurka, hain zuzen ere. Eurek, Endesaz gain, Iberdrola eta beste energia enpresa batzuk sartu dituzte. Nik, nire aldetik, Petronor ere gehituko nuke, Euskal herrian gehien kutsatzen duen enpresa delako, eta Athletic erabilita, zuritze kanpainia zoragarria egin duelako. Honetaz gain, koke planta berri bat ere sortuko duelako. Ez dakit koke (ikatza) ala koke (petrolioa); dena dela, biak zikinak eta hiltzaileak!

Greenpeacerekin ere ez nago beti ados (gogoratzen zarete zelan jokatu zuen Itoizko solidarioek kableak moztu zituztenean?). Askotan efektismoan murgilduta, hortxe geratzen dira. Hala ere, txosten eta salaketa asko ondo eginda daudela ezin ukatu.

Hortaz, hona hemen bideoa. Ondo dago, ezta? Endesarenaren ildotik, buelra erdi egin, eta eurak salatzen ditu. Adi-adi ikusi:

etiketak: , ,
ramon
ramon dio:
2008/08/06 17:06

Nire gazte denporan colacao antzekoa, orain lehen baino indar gehiago du, ez produktoak bai hitzak. Gaur egun baduridu ezin dala ezer saldu eko aurrizkia ez daramanik, gure sensibilidade ekologikoa ikuittuz, edo behar bada benetazko ekologiaren alde ez dugula egiten jakitun gauden barruko zen horri, Amatiñok ere zerbait hildo honetatik idatzi du edo ta nire ustez lotura duena. Enpresa handiek irudi eko horri gogor heltzen diote , fijatu iberdrolaren hiru orri hoietan bestela. Gero Repsol ez dakin nun beste batzuk, nuklearrak, ikatz mehategiak, oleoduktoetako ixurketa kutxagarriak guztiz kontrolatu gabeak (siberia, txina),nahitako suteak (amazonian) sekulako triskantza ekologikoa egiten dute. Bai kontra nago, baino bestaldean kotxeak,telebista, bideo, frigorifiko, pilak gastatzen dituen ahinbat tresna, gauetako martxa, ez dakit norainoko bidaia, etabar ere ipini behar dira eta gure buruei benetan galdetu ia zer egiten dugun balantzaren beste aldea txikiago izan dadin.

Aitziber Iriarte Garin
Aitziber Iriarte Garin dio:
2008/08/06 14:07

Leire bidixua ikustera joan naiz eta zera jartzen dau play-ri emandakuan, 'this video is no longer available´. Baina egixa da, Endesaren publizitaiak telebistan botaguria ematen dezta, zelako zinismua! Ematen dau munduko ekologistenak eta guaienak direla eta justu aurkakua diranian. Eta Petronor antzerako parezido! Gainera Josu Jon lehendakari bertan, egunero aberria jasotzen diharduela....Aberria bai, beraien patrika! En fin, ez naiz berotuko.

Aitziber Iriarte Garin
Aitziber Iriarte Garin dio:
2008/08/06 14:14

Berriro ni, ikusi dot azkenian, berriro saiatuta. Ondo dago baina light xamarra. Dena den, beti dago ondo haundian aurrean kotrapuntua erakustea....

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua