"Koldo"
Koldo izena modan jarri da, ez jaio berrien artean, ordea. Esango nuke erregistro zibilean azken hamarkadan, behintzat, ume gutxi inskribatu dituztela horrela gure inguruetan. Baina Espainiar estatuko komunikabidean etengabe erabiltzen dabiltza azken boladan. Koldo ala Koldobika da? Luis izan zena, berbataiatua ote, Mitxelena lez? Sabino Aranak asmatua, beste hamaikatxo moduan. Clodovicus-etik sortu zuen.
Halere, Koldo hitza ez da zabaldu hedabideetan besterik gabe, ustezko ustelkeria kasu batekin lotuta dagoen pertsona baten ponte-izena delako baino. Koldo. eta “Koldo auzia” izendatu dute.
Estatu espainarrean makina bat ustelkeria kasu egon izan dira, baina ez dut ezagutu bat ere Antonio, Juan edo Maria izendatu dutenik. Bai, ordea, Gurtel, Malaya, Noos… Enpresen izenak edo gaitzizenak jarrita, baina izen propiorik ez.
Koldo. Zergatik? Exotikoa egingo zaielako grazia hori. Seguru nago horretaz. Lehenengo aitatu zuenari bitxia egingo zitzaion, eta hala idatzi zuen lehenengo titularra.
Kontua da espainoltzat gaituztela, baina gure “zera” guztiak arrotzak egiten zaizkiela. Graziak grazia eragin, Garzia bada ere.
Juan Guerra auzia izan zen Espainian 1980ko hamarkadaren bukaeran, Alfonso Guerra presidenteordearen anaia.
Baina gehienak ez dira pertsona izenak, zuk esan bezala.
Hona hemen gaztelaniazko Wikipedia:
https://es.wikipedia.org/wiki/Caso_Guerra
https://es.wikipedia.org/wi[…]ol%C3%ADtica_en_Espa%C3%B1a
Bixi bizi.