Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Errumaniarrak baino ez ziren

Errumaniarrak baino ez ziren

Leire Narbaiza 2017/03/16 18:05

Istripu handia izan da Azkoitiko Azkarate portuan aste honetan. Hiru gizonezko hil ziren eta hainbat zauritu ere izan ziren. Albiste lazgarria, ezbeharrak jotzen duen guztietan bezalaxe. 

Istripua Azkaraten
Maxixatzen-etik hartua

Berriak tristetu nau, normala den moduan. Baina beste kontu batek larritu nau gehien: hildakoen jatorria nola aipatu duten, nire ustez era oker eta kezkagarrian.

Gipuzkoan gehien saltzen den kazetan "un vecino de Eibar y dos rumanos" ziren hildakoak. Horrela zekarren titularrean. Errumaniarrak ez ziren, antza, inongo bizilagunak. Tira, Eibarko bizilaguna ere ez zen Eibarren bizi, baina hori beste kontu bat da.

Baina kontu lexiko batean geratu izan balitz ha, gaitzerdi (zoritxarrez, lexikoak ia beti azaltzen du pentsamoldea). Bizkaian gehien saltzen den egunkariak, Gipuzkoakoaren enpresa berekoak, hurrengo egunean zioen istripuaren errua "errumaniarrena" zela. Aho bete hagin laga ninduen izenburuak. Higuinduta, itxi egin nuen berripapera. Inoiz ez zait suertatu halakorik irakutzea auto-istripu larri baten biharamunean. Bakarrik falta zen esatea albistean DBEa, RGIa alegia, kobratzen zutela.

Baina titular nazkagarri horiez gain, beste gauza batek ere eman dit antentzioa, nola aurkeztu dituzten hiru hildakoak komunikabide askotan. Eibartarraren gainean, adinaz gain, beste gauza asko jakin ditugu: Elgoibarren bizi zela, non egiten zuen behar, zenbat ume zituen, zein afizio zeuzkan, nongo kide zen,... Beste bien gainean, ostera, ezer gutxi. Errumaniarrak zirela eta adina. Kitto! 

Gizon errumaniar horiek ez ote zuten izenik? Eta familiarik? Ez dute umezurtzik laga? Alargunik? Gorpuak Errumaniara eroango dituzte? Eta non bizi ziren? Bakarrik? Pisu konpartitu batean? Zer zeukaten gogoko? Futbolzaleak ziren, ala nahiago zuten karta jokoan ibiltzea? Kantari onak ote ziren? Musika tradizionala zuten gogoko, edota pop-a? Zer dela eta etorri ziren ona? Zelan tratatu ditugu? Merezi izan die?

Zenbat galdera, inork erantzungo ez dizkigunak. Zenbat malko alferrik. Heriotzak berdintzen omen gaitu, baina komunikabideen esanek ez.

Post scriptum: Lehenengoz itzuli didate post bat gaztelaniara! Madrileko esracismo.com-ek itzuli eta argitaratu dit! Mila esker! Hemen

ni
ni dio:
2017/03/17 15:08
Ba niri ez zait hain larria iruditzen jarri dutena egunkarian. Agian Eibarkoaren inguruko berri zuten, baina Errumaniako bi pertsona horien berri ez zuten, eta horregatik ez ditutezte datu gehiago eman horien inguruan.

Bestalde, istripuaren errua errumaniarrena izan bazen, zergatik ez dute jarri behar? Istripua nola suertatu zen informatzea ez dut uste delitua denik. Beste gauza bat da, hori idatzi aurretik, ondo jakin behar dela hori horrela izan zen edo ez.

Bukatzeko, egia da agian errumaniarren inguruko datu gehiago eman behar zutela, baldin bazituzten, noski.
Ametx
Ametx dio:
2017/03/17 17:23
Ni ere Leirek esandakoekin guztiz ados! Gipuzkoan eta Bizkaian gehien saltzen diren egunkarietan morboa da nagusi; ze axola dio inori X pertsonak ze zaletasun dituen, zenbat seme-alaba... Gertakizun latz bat gertatzen den oro, Gipuzkoako egunkari salduenean behinik behin bai, morboz betetako informazioa nagusitzen da albisteen lerroetan. Lotsagarria benetan.
Aitor
Aitor dio:
2017/03/18 23:34
Leire, galdera bat: Delitu egileak atzerritarrak direnean nongoak ziren eta beste hainbat datu jarri behar dira, edo datu horiek ezkutatu behar al dira?
Zure erantzunaren zain.
Aitor
Gari
Gari dio:
2017/03/20 09:52
Kaixo Aitor,

Uste dut kontua ez dela hori, baizik eta tratamendu desberdintasuna, nola tratatzen diren batzuek eta besteak, eta uste dut zuk aipatzen duzun kasuan hain justu horrela gertatzen dela.

Istripu baten alde humanoa ematekotan hildako baten datu pertsonalak ematea ez zait larria iruditzen, nahiz eta panejirikoek nazka ematen didaten.

Modu berean, atxilotu baten edozein datu ematearen aurka nago. Lehenengo, batzuetan epaitu gabe daudelako eta ez dakigulako zer aterako den epaiketan, igual askatzen dituzte. Bigarren, kondenatuta ere, pertsona horrek bere bizitza berregiteko eskubidea daukalako, hemengoa edo kanpokoa izan.

Hemen Leirek ateratzen duena tratu desberdintasuna da.
Aitor
Aitor dio:
2017/03/20 12:02
Gari (eta Leire),
Delinkuentea bada, gauza bat izen-abizena jartzea eta beste bat nazionalitatea/jatorria edo beste datu batzuk (sexua, adina...).
Hori ezkutatzea zentsura egitea da.

Orduan, PPko lapur bat atxilotzen badute, ez da PPkoa dela esan behar, zuk esan bezala "batzuetan epaitu gabe daudelako eta ez dakigulako zer aterako den epaiketan, igual askatzen dituzte"lako????

Ea ba, erantzuidazue.
Gari
Gari dio:
2017/03/20 12:39
Pertsona publiko bat atxilotua izan dela publikatzea normal ikusten dut, PPkoa edo dena delakoa. Are gehiago gauza baten defentsa egin eta kontrakoagatik epaitzen badute. Aldiz, afiliatu arrunt bat baldin bada, ez dut egoki ikusten.

Atxilotutako baten edozein filiazio emateak ez du zentzurik (eta ez da zentsura) ez baldin badator kasura: "Suhiltzailea zen eta piromanoa" edo "Polizia batek bere pistolarekin hil du gizon bat" edo "Errealeko jarraitzaileek istiluak sortu dituzte San Mames inguruetan".

Aldiz, zein zentzu dute "Errealzale batek emaztea hil du" edo "Bortxatzaileari Metallica gustatzen zitzaion" izenburuek? Orduan, zergatik lotu nahi dituzu zuk etorkina/errumaniarra dena delakoa eta delituak? Biak lotuta daudela iruditzen zaizu?

Dena den, ni ez naiz kazetaria eta ziur naiz kontu guzti hauek oso garbi dituela edozein kazetarik.
Aitor
Aitor dio:
2017/03/20 16:17
Gari (eta Leire),

Eta Donostian bilbotar batek banku bat lapurtzen badu, zergatik ez da ba esango bilbotarra dela? Eta finlandiarra bada, zergatik ez? Medio normaletan horrela esaten da.

Adina ere esaten da. Eta gizona edo emakumea den, zergatik esan behar da?
Orduan, zure ustez "pertsona batek" esan behar genuke soilik?

Nazionalitatea esaten ez bada, arrazoi konkretu batengatik da: ez dute nahi gizartea konturatu dadin immigrazioen artean zer nolako kopuruan egiten diren delituak. Ze inmigrante gehienak delinkuenteak ez badira ere (hori bakarri falta zitzaigun!), delinkuente gehienak inmmigranteak dira (prostituzio, droga, iruzur, erahilketa, bortxaketa... kasuetan).

Arazoei aurre egin nahi badiegu, itsuarena egiteak ez du lagunduko.

Leireren erantzuna faltan botatzen da hemen.

Ah, hemen hausnarketa interesgarria egiten dute:
https://stopimmigrazioa.wordpress.com/
Ni
Ni dio:
2017/03/20 19:59
Aitorrek dioenatekin ados. Delitua egiten duenaren datuak ez dira behin ere eman behar? Pertsona talde batek delitu asko egiten badu, zergaitik ez da esan behar? Babestu behar dira? Nire ustez ez.
Adibidez, espainolen %5ak delitu larriak egiten badituzte, eta beste "talde" bateko pertsonetan portzentai hori %25ekoa bada, zergatik ez da esan behar? Imaginatu eskimalak datozela eta etortzen direnen %80ak delitu larriak (jipoi larriak, lapurretak biolentzia handiarekin, hilketak...) Egiten badituzte, ez da ezer egin behar? Ba nik bidali egingo nituzke delitu larriak askotan egin dituztenak.
ONG bat izatera jolasten dutenak, beraien dirua eman dezatela kausara. Nire ustez solidarioak izan behar gara, baino kaka burutik bera egin eta oraindik laguntzak ematea ez zait bidezkoa iruditzen. Jatorra eta langilea denari lagundu, baina bizi guztian lanik egin nahi ez duenari ez nioke "txeke txuri bat" emango... Eta adibide asko daude, espainiarrak diren batzuk, txatarra lapurtzen ibiltzen omen direnak, besteak beste... Denak ez ditut zaku berean sartzen, baina talde bereko %50 lapurretatik bizi denean...
Gari Araolaza
Gari Araolaza dio:
2017/03/23 09:31
Aditzera ematen ari zaretena ez da egia. Ez da egia inmigrazioa eta delituak lotuta daudenik. Sistema ari zaigu gezur hori sartzen. Lapur handi eta arriskutsuenak ez daude lan-baimena lortzeko ilaran, enpresa handi eta alderdi politikoetan baizik. Ireki begiak, mezu hori eskuinak zabaltzen du medio handien bidez eta eskuinaren interesa da horrelako edozein kasu medioetan azaleratzea. MUY INTERESANTE aldizkarian ere badakite hori!

http://www.muyinteresante.es/curiosidades/preguntas-respuestas/iel-aumento-de-la-inmigracion-provoca-mas-delincuencia

http://mugak.eu/revista-mugak/no-19/inmigrantes-delincuentes-una-creacion-mediatica

http://portal.uc3m.es/portal/page/portal/actualidad_cientifica/noticias/crecimiento_inmigracion

Hau da hari honetan nire azken mezua.
Patxi
Patxi dio:
2017/03/23 16:55
Lehenengo eta behin, esan nahiko nuke "aditzera eman ari zaretena ez da egia, ez da egia inmigrazioa eta delituak lotuta daudenik", zure iritzia dela, soilik. Inor ez da hemen egia absolutoaren jabe, eta bakoitzak bere iritzia du (bere bizipenetan oinarrituta, besteak beste). Sistema ari zaigula gezur hori sartzen... bai eta ez. Alde batetik posible da sistemak bere interes partikularrengatik ideia batzuk sartu nahi izatea gizarteari; baina, bestalde, batzuk nagusiak gara eta sistemak esaten duenari kasurik egin gabe ere, norberak bere kriterioak erabiliz, badaki noiz den egia eta noiz gezurra sistemak dioena. Esan nahi dudana da, askotan kalean gertatutako bizipenetatik ateratzen ditugula ondorioak, ez sistemak dioenarengaitik (nire kasuan behintzat).

Bestalde, arrazoi duzu esaten duzunean lapur handi eta arriskutsuenak enpresa handi eta alderdi politikoetan daudela. Horretan zurekin bat nator, are eta gehiago Espainian. Baina horrek ez du bestea kentzen, hau da, "kolektibo" jakin batzuetako jendeak delitu gehiago egiten dituela. Hau esateko ez naiz "boterearen" edabiteetaz baliatu, nire bizipenetaz baizik. Zoritxarrez, askotan lapurtu didate, bai etxetik, bai autotik, bai... baita ikusi ere nork lapurtu duen biolentziarekin, karterak lapurtu, lapurretak labana ateraz... eta normalean bi edo hiru kolektibotako jendea da (ez soilik atzerritarrak). Ez ditut aipatuko kolektiboak, bestela arrazistatzat edo... salatuko naute. Baina nire ustez, begiak ondo irekita dituen edonork daki hori. Kaleko lapurretaz mintzo naiz. Ez politikariek egiten dituzten lapurreta handietaz. Badakit politikoek egiten dituzten lapurretek askozaz ere diru gehiago lapurtzen digutela hiritarrei, eta horrekin bukatu beharra daukatu lehenbailehen. Baina horrek ez du kentzen, kolektibo jakin batzuek euskaldunek baino lapurreta gehiago egiten dituztenik. Gaueko parrandetan, nork lapurtzen dituzte karterak? Nik askotan ikusi ditut, eta ondo dakit nor diren (gehienetan). Labanaz ere badakit nork daraman aldean normalean, eta zoritxarrez, normalean ez dira euskaldunak. Egia da hemengo jendeak ere egiten dituela horrelako delituak, baina ikusi behar dena da zein portzentaietan. Adibidez, 100 euskaldunetatik % zenbatek egiten ditu delitu larriak; eta 100 XXX jatorriko pertsonetatik edo 100 XXX kolektibotatik % zenbatek egiten ditu delitu larriak? Hori da ikusi beharrekoa. Eta kalean ikusitakoarekin, nik nahiko argi ditut gauzak.

Bukatzeko, esan behar da informazioa nork ematen duenaren arabera, emaitzak oso desberdinak direla. Horregatik, informazioa alde guztietatik irakurri behar da, eta gero norberaren bizipenak gehitu horri (ahal bada), eta ondoren norberak bere ondorioak atera. Zuk jarritako esteketako bat sos razismoko webgunea da, era argi dago horiek zer esango duten. Ni ere arrazakeriaren aurka nago, baina ez nago edozein delitu egiten dituztenak besterik gabe onartzearen alde. Beltzak adibidez oso pertsona umilak eta onak dira. Horiek ez diote inori minik egiten normalean. Ez dakit batzuk zergaitik saiatzen diren begi bistakoa dena hizkutatzen. Ezkerrekoak diren alderdietako buruek gauza bat esaten dute, eta behekoek, loritoek bezala, gauza bera errepikatzen dute. Nire ustez, argumentuak eman behar dira iritzi bat arrazoitzeko. GAinera, nire ustez, Euskal Herria bezalako herri txiki batek ezin ditu munduko inmigrante guztiak hartu, eta denei laguntzak eman, bestela denak hona etorriko dira eta diruaren zati handi bat hortan xautuko dugu. Esan nahi dudana da, muga batzuk jarri behar liratekeela. Ondo dago beharrean dagoenari laguntzea, baina ezin gara mundu mailako ONG bat izan.

Behar baino gehiago luzatu naiz, eta nire aportazioa bukatutzat ematen dut gai honetan.
Leire Narbaiza
Leire Narbaiza dio:
2017/03/23 17:46
Tira, zer esan erantzun guztien gainean? Ba, ez nuela aitatu deliturik postean, istripu baten berri zelan ematen den, segun eta nongoa den biktima.
Ametx, ados nago, morboak saltzen du, eta horretab dihardu egunkari horrek.
Gari, zurekin guztiz ados, esandako guztiarekin bat nator. Mila esker horrela azaltzeagatik, argi laga duzu dena-eta!
Eta anonimoekin eztabaidatzea ez dut gogoko! Ez da justua.
Ni
Ni dio:
2017/03/23 19:18
Bai, hala da, dena argi geratu da! Bakoitzak atera ditzala bere ondorioak. Patxik esan duen moduan, kalean ibiltzen denak argi daki zer gertatzen den. Bat nator Patxik dioenarekin; ondo argudiatu duzu zure iritzia, eta beste askorena.

Bestalde, nik ere ez dut gogoko nire izena jarri eta gero denek xenoboa izatea leporatzea. Ez dut nire izena sare sozial guztietan ikusi nahi. Ez dakit zer duen txarra anonimo batekin eztabaidatzeak. Agian, argudio falta izango da?
Leireri erantzuna.
Leireri erantzuna. dio:
2017/03/27 12:34
Leire-ri erantzuna.

Kontua ez da anonimoekin eztabaidatzea edo ez. Kontua da argudio ahulak dituzula. Goazen datu objetiboetan eta argudioetan eztabaida oinarritzera.

Eta, tabu asko ere badituzu. Eztabaida asko "arrazista" hitzarekin bukatzen dira eta listo. Ziur nago horrela bukatuko dituzula eztabaida asko.
Nik nire izena eman dut. Beraz ez naiz anonimoa. Abizena ere utzi behar al dut?

Ez dut ulertzen nola dagoen hainbeste sasi-abertzale Euskal Herrira erdaldunak ekarri eta erakartzeko irrikitan.

Patxiri zorixonak egin duen azalpenagatik. Zu bezala pentsatzen dugu askok %100ean. Eta "ni"ri gauza bera. Gainera, animatu nahi zaitut zure kezka horiek azaleraztera. Badakigu politikoki zuzenaren diktadurapean gaudela, baina ondo arrazonatzen baduzu, tabu asko apurtuko dituzu.
Aitzol Agirre
Aitzol Agirre dio:
2017/03/29 19:17
Arrasti on,
Zegatik ez dago ergatibo famatua erantzunen izenetan?
Adibidez:
     Ni dio:
     Leire Narbaiza dio:
Zergatik ez "-(e)k dio"?
     Ni-(e)k dio:
     Leire-(e)k Narbaiza dio:
Arraroa egiten zait hain purista izanda, honi ez erreparatzea webgune hontan.

Bestalde, debatea interesgarria da. Beste euskal mediotan faltan botatzen dut iritzien kontrastea:
http://zuzeu.eus/[…]/
Sosola
Sosola dio:
2017/03/30 11:43
Ados nago zurekin Leire. Titularra tendentziosoa da guztiz. Ideologia zehatza atzean. Eta nere uste apalean berriro ere populismo kaltegarriaren adibide argia. Ze, nik bai, nik populismo onuragarririk badela uste dut, alegia ongizate orokorra bilatzen duena. Baina lehenengoaren kasuan gizakion beheko"sen" gaiztoari egiten dio dei: kanpotarra eta ahula gure desgrazia guztien erantzule, bera da erredun, pikotan jarri eta beste guztiok santu bihurtuta batbatean.Errezkeria. Betikoa. Aski ezaguna, baina behin eta berriro errepikatzen dugun masa-jarrera. Umeetan hasi helduetan amaitu.
Bestetik xenofobia Mendebalde zibilizatu ikur bihurtzen ari den garaiotan, EHan badu ezaugurri berezkorik: hamarkadetan bertako gatazka politiko gordin eta mingarrian sartuta sekulako polarizazio politikoa izan da. Bandokeria nagusi izan da eta horrelako gaiak ez ziren ageri eztabaida publikoan. Norbere iritzia landu eta emoteke beste borroka harek dana lausotu eta nahastu du. Orain berriz, bakoitzaren uztea azaltzeko unea etorri zaigunean, ezustekoak eta benetako sentipenak azaltzen zaizkigu. Hori ere onuragarria, gauzak argitzen bait dira. Dekantazioa. Ura eta olioa bereizten ari dira, eta inguruan bezela gurean ere, palma-olio uste baino gehiago azaleratzen ari zaigu.
Ikusi eta begiak ireki
Ikusi eta begiak ireki dio:
2017/04/14 00:28
http://www.diariovasco.com/[…]arrio-20170413010958-v.html
Ikusi notizia hor. Labankadak, borrokak, eta tiroketak... Eta gu, guzti horiei etxea, jana, dirulaguntzak ordaintzen... Bitartean hemengoentzat ez dago inongo laguntzarik! Kanpokoentzat badago, hemengoentzat ere egon behar luke. Gure diruarekin bizi dira, lanik egin gabe asko, eta martxa honetan 40 urte barru gehiengoa izango dira... Orduan bai sistemak krak egingo duela, 2 lanean eta 4 dirulaguntzetatij bizitzen...
Ireki begiak!! Eta ez sinestu "goikoek" edo partiduak esaten duena begiak itxita, gauzak ausnartu egin behar dira!! ez goikoek esandako guztiari amen egin sumiso bat baizinan!
nazka nazka eina
nazka nazka eina dio:
2017/04/20 12:47
Progreak beti inmigranteak "onak" bezala jarri nahi dituzte, haien artean delinkuentzia ehunekoa askoz handiagoa denean.

Baina inmigrante gehienak desde luego ez dute euskararen alde ezer egiten. Espainiako inmigrante gehienekin ikusten dugu hori.
Zegatik progreak gure lurra inmigrantez betetzearen alde daude? Je ne pas comprend.
Leire Narbaiza
Leire Narbaiza dio:
2017/04/24 14:39
Aupa, Aitzol!
Konturatu barik nengoen ergatiboa falta zela; izan ere, beste modu batean ikusten ditut nin erantzunak. Esango diet webaren kudeatzaileei!
Leire Narbaiza
Leire Narbaiza dio:
2017/04/24 14:46
Enrike, nire asmoa zen esatea denaok garela pertsonak, eta berdin tratatu behar gaituztela halako desgrazia baten aurrean.
Uste dut beldurra ezberdinenganako beldurra"eraiten" zaigula txikitatik. Aurrekoan berba egin genuen, gogoratzen? Beldurra diogu guztiari. Beldurtuta errazago manejatu gaitzaketelako. Dena dago lotuta. Palma-olioarekiko beldurra ere hor da ;-)
Etsaiak beharrezkoak dauzkatelako agintzen dutenek, despita gaizen!
Emakume Eibartar erahila
Emakume Eibartar erahila dio:
2017/05/02 23:43
Emakume Eibartar bat hil dute madrilen, bere semearekin batera. Baina hiltzailea marokiarra zela ezkutatuko dute progre nazkagarriek.

Leire, marrokiar horri buruz hitz egin ahal dugu, edo zentsuratuko duzu bebai????
Hona albistea:
http://www.burbuja.info/inm[…]nola-e-hijo-alcobendas.html
Leire
Leire dio:
2017/05/02 23:54
Bai egin dezagun berba! GIZON batek hil ditu emakumea eta umea. MATXISMOAK, alegia, ez inoren nazionalitateak.
Gizonek hiltzen dituztelako emakumeak, gizonek! Ez ahaztu!
Emakume Eibartar erahila
Emakume Eibartar erahila dio:
2017/05/03 12:15
Jakina gizonek hiltzen dituztela, gizonak biolentoagoak direlako. Hori inork ez du ukatzen.

Baina ezin da ukatu era berean, Euskal Herriko gizonak eta atzerriko gizonen artean, emakumearen aurkako biolentziari dagokionenan, patroi ezberdinak daudela. Musulmanen kultura erabat misoginoa da adibidez.

Immigranteen artean, indarkeria proportzionalki askoz altuagoa da bertakoen artean baino. Estatistika hutsak dira. Progreek ezkutatu eta distortzionatu nahi dituzten estatistikak.

http://www.20minutos.es/noticia/463021/0/presos/extranjeros/espana/
Sosola
Sosola dio:
2017/05/03 12:32
Ezkutatu? Nik ustezko hiltzailearen izen abizenak entzun ditut irratian, ez dakit bertakoekin gauza bera egiten dan.
Emakume Eibartar erahila
Emakume Eibartar erahila dio:
2017/05/03 13:11
Begiratu BERRIA, ARGIA, EiTB, DEIAn... horietan ezkutatzen saiatzen dira.
Emakumeengatik kezkatzen direla diote, baina erasotzailea inmigrantea bada, orduan mutu.
Leire Narbaizak egiten duen bezala. Lotsagarria.
Sosola
Sosola dio:
2017/05/05 19:35
Cadena Ser-ek, Eibarko emisoratik gertaera jazo eta hurrengo egunian erahildakoen izenak bota zituzten, bi abizenekin. Bestetan hori egiten dan galdetzen dot. Igual konfundiduta nago eta beste horrelako kasuetan berdin egiten da, baina ez dot uste ustezko erahilearen izenik esaten danik. Tartean hildakoetan umea dagoenean bere bi abizenak aipatzen dira?.
Nere ustez esatekotan izenak kasu guztietan esan beharko lirateke, kanpotarra izan zein bertan jaiotakoa izan. Eta ez esatekotan ez batena eta ez bestearena.
Emakume Eibartar erahila
Emakume Eibartar erahila dio:
2017/05/15 12:50
Pasa den astean beste emakume bat hil zuten Madrilen. Hiltzailea, berriro ere marokiarra.
Madrilen aurten hildako 5 emakumeetatik, gutxienez 3 hiltzaile atzerritar (Espainiatik kanpokoak).
Baina ez da harritzeko datua, izan ere, datu orokorrak ikusiz gero, inmigranteen delitu tasa proportzionalki askoz altuagoa da bertakoenarekin konparatuz. Baita emakumeen aurkako biolentziari dagokionean.
Hori bai, medio gehienetan errealitate hori zentsuratu egiten da. Bereziki medio "abertzaleetan". Patetikoa. Eta emakumeentzat arriskutsua.
Emakume Eibartar erahila
Emakume Eibartar erahila dio:
2017/05/15 12:51
Hona hemen aurreko albistearen lotura:
http://ccaa.elpais.com/[…]/1494624488_984426.html
Ni
Ni dio:
2017/05/23 22:41
Gainera, estadistikak ematean, nazionalizatuta dauden atzerritar asko espainiarrak/euskaldunak bezala agertzen dira estadistiketan. Horrela, atzerritarren tasa jaitsiz bai diru-laguntza jasotzen duten datu estadistikoetn, delitu tasetan eta abar.
Estadistikekin asko manipulatzen da.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi "sei" zenbakiak erabiliz
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Azken erantzunak
Gainera, estadistikak ematean, nazionalizatuta ... Ni, 2017/05/23 22:41
Hona hemen aurreko albistearen lotura: ... Emakume Eibartar erahila, 2017/05/15 12:51
Pasa den astean beste emakume bat hil zuten ... Emakume Eibartar erahila, 2017/05/15 12:50
Politta testua. Artistia haiz gero! Serafin, 2017/05/11 14:44
Milla esker, Serafin! Laztan bat! leire, 2017/05/07 21:23
Oso ona Leire. Biba zu. Serafin, 2017/05/06 21:28
Cadena Ser-ek, Eibarko emisoratik gertaera jazo ... Sosola, 2017/05/05 19:35
Begiratu BERRIA, ARGIA, EiTB, DEIAn... horietan ... Emakume Eibartar erahila, 2017/05/03 13:11
Ezkutatu? Nik ustezko hiltzailearen izen abizenak ... Sosola, 2017/05/03 12:32
Jakina gizonek hiltzen dituztela, gizonak ... Emakume Eibartar erahila, 2017/05/03 12:15
Artxiboa
2017 2016 2015 2014 2013 2012 2011 2010 2009 2008 2007 2006 2005
Kontagailua