Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / "De hoy no pasa sin que viole a una chavalita"

Kalamuatik Txargainera

"De hoy no pasa sin que viole a una chavalita"

Leire Narbaiza 2017/03/24 22:24

Elgoibarrik Eibarrerako azken trena hartu dut, 9etakoa. Nire bagoian mutil nerabe kuadrilla bat zihoan, nabarmen: buila baten, korroskada, oihuka...


Halako baten entzun dugu ozen: "No pasa de hoy sin que viole a una chavalita".

Zur eta lur laga nau, ezin ezer erantzunda.


"Horrelakorik ezin da esan, ezta brometan ere" bota die suabe euren aurreko emakumeak. Baina barre egin diote, eta oihuka jarraitu dute.


Zalantzan egon naiz zerbait esan ala ez. Izan ere, horrelako mutikoen taldeek beldur puntu bat ematen didate, gaztetxoa nintzenetik, inoiz ez baita jakiten zelan erantzungo duten, eta liderrari haizeak nondik joko dion. Baina pentsatu dut beste emakumeari babesa eman behar niola.


Beraz, burua jiratu eta oihu egin diet ezin dela horrelakorik esan, biolazioarekin ez delako jolasten.

Batek, aurpegia eskuarekin estali eta barrezka segitu du. Biolazioak ez duela graziarik egiten, bota diot nik. Orduan lagun batek, umil, erantzun dit brometan zebiltzala. Atzera nik biolazioaren ezin dela bromarik egin, txantxa horiei stop esan behar zaiela.


Mutu utzi ditut.


Berehala, nire geltokira ailegatu gara. Atea ondoan zuten, eta ez dut aukera galdu beste kontutxo bat esateko horretan guztian pentsatu behar zutela. Barkamena eskatu dute, eta eskerrik asko!


Dar-dar baten irten naiz nasara, eta etxera iritsita ere, urduri segitu dut. Sekulakoa montatu diet, ez dakit ezertarako balioko zuen, baina besterik ezin nuen egin.


Guztiz nahastuta laga nau kontuak, baina uste dut badela ordua horrelakoen aurrean planto egiteko, eta isilik ez geratzeko. Hala sentitu dut!

etiketak: trenean, more
Lide Azkue
Lide Azkue dio:
2017/03/25 07:29
Eskerrik asko, Leire, isilik ez geratzeagatik eta behar bezala erantzuteagatik. Onartezinak dira horrelako jarrerak, ni ere sutan jarri naiz irakurrita!

Lide
Iban Arantzabal
Iban Arantzabal dio:
2017/03/25 11:46
Isilik geratzea ulertuko nuke, baina egindakoak sortu didana da neuk ere berdin jokatu behar dudala pentsatzea. Biba zu.
Aritz
Aritz dio:
2017/03/25 15:18
Bejondeizula, Leire!!!

Nik ere gauza bera egingo nukeen!!!
Ainara Egiguren
Ainara Egiguren dio:
2017/03/25 21:31
Mila esker Leire! Onartezinak dira horrelako jarrerak, baina tamalez, geroz eta maizago gertatzen direnaren sentsazioa daukat. Ni ere nazkatuta nago horrelakoekin, eta benetan eskertzen dizut egindakoa. Besarkada handi bat!
Verónica
Verónica dio:
2017/03/25 22:08
Eskerrik asko
Mari Eli Ituarte
Mari Eli Ituarte dio:
2017/03/26 13:26
Zorionak, Leire! TXalogarrixe hartu dozun jarrera hori. Neuk be nekez eutsiko neukio ixilik! Esan egin behar da, esan nahikoa dala eta holako jarrerak ezin direla onartu!
Leire Narbaiza
Leire Narbaiza dio:
2017/03/27 13:56
Eskerrik asko guztioi erantzuna lagatzeagatik!
Isilik geratu izan naiz askotan, eta oraingoan ere hala egitekotan egon nintzen. Ausarta lehenengo emakumea izan zen, eta horrek piztu zidan kemena.
Uste dut hurrengoan errazago egingo dudala, eta momentu txarra pasatu barik, edo behintzat ez hain estua!
Ea mutiko horiendako ere balio izaten dien.
Denon artean egin beharrekoa da! Babesa ere inportantea da!
Ea ba!
maite leturiondo
maite leturiondo dio:
2017/03/28 10:25
Zorionak zeure jarreriai, baña sarritan albora begiratzen dugula argi dago nahita nik ere ezingo nauke ixilik geratu
Markos Zapiain
Markos Zapiain dio:
2017/03/30 11:06
Leire, eskerrik asko egin zenuenagatik eta idatzi izanagatik: nire ikasle guztiei irakurri diet. Ikaragarria da girotxo matxoa eta neska asko pozik. Politikoki zuzena aspergarria izango da baina kasu askotan krudelkeria nazkagarri bat du alternatiba bakar.
Leire Narbaiza
Leire Narbaiza dio:
2017/04/24 14:26
Mila esker, Maite!
Markos, eta zer esan zuten zure ikasleek? Atso petarda bat nintzela? Interesazen zait nerabeen iritzia!
Anonimoak dio:
2017/04/25 21:50
Leire, ba matxomanak adi eta isilik, eta mutil gehienak eta neska guztiak esker onez. Egia da hizkera aldatzen ari dela: 18 urteko mutil batek bere neskalagun ofizialari whatsappez: "zure aurreko mutilak adarrak jarri zizkizun eta beraz nolabait ohituta zaudenez ez zaizu inportako nik ere jartzea, ezta?" Eta neskak ez du batere txarto hartzen, berehala sartzen da jolasean eta beste txantxa krudel batez erantzuten dio. Esan 80ko hamarraldian antzeko zerbait bikotekideari eta ezagutuko zenukeen kolera, hira eta furia.

Txoroagoa da oro har hizkera, eta hori alde askotatik izan liteke ona, baina garbi ezarri behar dira mugak eta zuk entzundakoak herri normal batean delitu behar lukete.
Markos Zapiain
Markos Zapiain dio:
2017/04/25 21:51
Leire, ba matxomanak adi eta isilik, eta mutil gehienak eta neska guztiak esker onez. Egia da hizkera aldatzen ari dela: 18 urteko mutil batek bere neskalagun ofizialari whatsappez: "zure aurreko mutilak adarrak jarri zizkizun eta beraz nolabait ohituta zaudenez ez zaizu inportako nik ere jartzea, ezta?" Eta neskak ez du batere txarto hartzen, berehala sartzen da jolasean eta beste txantxa krudel batez erantzuten dio. Esan 80ko hamarraldian antzeko zerbait bikotekideari eta ezagutuko zenukeen kolera, hira eta furia.

Txoroagoa da oro har hizkera, eta hori alde askotatik izan liteke ona, baina garbi ezarri behar dira mugak eta zuk entzundakoak herri normal batean delitu behar lukete.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2024 2023 2022 2021 2020 2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua