Brooklyngo erokeriak

ez diot Oskar arana itzultzaile txarra denik.Izan liteke zuk esan duzun bezala, Iban,presaz itzultzea, erdiko atal baten igarri bainion zabarkeria. Neuk ere uste dut oso-oso positiboa dela nobelak itzultzea. Mark Haddonena euskaraz irakurri nuen, orain "Marradun pijamaz jantzitako mutikoa" nabil irakurtzen. Irakurleren txokoagatik Zweig-en "Emakume ezezagun baten gutuna" eta "xake nobela" irakurri ditut, baita "Sargazo itsaso zabala". Horixe dela bidea uste dut, eta aurreko baten horren gaineko post bat idatzi nuen: http://eibar.org/blogak/leire/archive/2008/01/14/ken-follet-best-sellerrak-eta-euskara "Bidaiak..." irakurri eta gerokontatuko dizuet. Ondo segi

Nire ustez liburu hobea da "Bidaiak scriptoriumean zehar", baina ez dut uste "Brooklyngo erokeriak" bezainbeste gustatuko zaizunik, Leire. Bestalde, "Bidaiak..." Austerren fan-entzako liburu bat da, nolabait, idazlearen aurreko nobelekiko keinuz beteta baitago.

Neri be asko gustatu jatan, Austerri irakurri detsadan onenetakoa iruditu jatan. Itzulpenari dagokionez, ez daukat gogoan inolako ezer sortu zidanik, beraz normal-normal irakurri nuen. Ni ez naiz irakaslea ..:) "Bidaiak scriptoriumean zehar” ezin izan dot bukatu. Moteeeela. Zerikusirik ez Austerren pertsonaien txiribueltekin. Erdia irakurri, eta laga egin neban. Orain bete itzulpen batekin nabil, "Elurra", Pamukena. Elurra bezain fina da liburua, disfrutatzen nabil. Nahiz eta pertsonai bat agertzen den, Ipek izenekoa, eta askotan "k" horrek nahastu egiten nau, ergatiboa dela pentsaraziz.

Niri ere "Brooklyngo erokeriak" izugarri gustatu zitzaidan. Oskar Arana oso itzultzaile ona da ("Lotsaizuna"). "Bidaiak scriptoriumean zehar"ekin Ibanek dioena gertatu zitzaidan: dirudienez, protagonistari hurbiltzen zaizkion pertsonaiak Austerren aurreko eleberrietako protagonistak dira ("Brooklyngo erokeriak"-ekorik ez dago hala ere), eta eleberri horiek irakurriak eta gogoan baldin badituzu askoz ere sakonagoa eta gustagarriagoa gertatuko zaizu bidaia. Nik ez nuen irakurria New Yorkeko trilogia baizik. Ea noiz euskaratzen dizkiguten gainerakoak.

Agian presa gehiagorekin itzuli zuen Oskarrek "Brooklyn...", eta hortik hutsak, agian, baina guztiz ados nago Markosekin: "Lotsaizuna" izugarri ondo itzulita dago (nik hala gaztelaniaz nola euskaraz irakurri dut, eta maila handiko itzulpena da Oskarrena). Nobela ondo dago behin irakurtzeko. Nik bi aldiz irakurri dut hau ere (irakurle klubaren betebeharrak, badakizue), eta ez dut bigarren irakurketa jasaten. Guayegia da dena, amarruak agerian geratzen dira, eta baita pertsonaien atzean dagoen kartoi-harri guztia ere. Baina halako liburuak itzultzen jarraitu behar direla uste dut. Argitaletxeek irakurlegoa eskuratu nahi badute, hortxe dago, nik uste, gakoetako bat. Eta Mark Haddonen "Txakurrari gauean gertatutako istripu bitxia" edo Patrick Süskinden "Perfumea" bezalako lanen itzulpenak oso itsaropentsu ikusten ditut.