Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Berogailua

Berogailua

Leire Narbaiza 2008/01/22 20:59
Duela urte batzuk hotzak akabatzen ibiltzen ginen ia toki guztietan. Tabernak ziren salbatzen gintuzten aterpe ia bakarrak. Luzaroan nonbait egon behar izanez gero, ondo hornituta joatea derrigorrezkoa zen: galtzerdi potoloak, jertse ederrak,....Tapa-tapa eginda ibiltzea beste erremediorik ez genuen.

Tipula formatoa zen niri gustatzen zitzaidana: kamiseta, alkandora, jertsea (bat edo bi), txamarra eta bufanda. Berotu ahala, poliki-poliki kentzen hastekoa. Ez zen erraza klaseak aguantatzea ia berogailurik gabe. Horregatik gure geruza guztiak.

Orain, ostera, beste muturrera pasatu gara. Kalean 5 gradu, baina barruan 23. Trenean, liburutegian, eskolan, euskaltegian....beroak akabatzen (horrelako esamolderik ez dago,barren, euskaraz!). Jendeak maga hutsean egon  nahi du lanean, jertserik barik, eta horretarako jo ta fuego igo berogailua. Ez da normala kalefazioa topera izan eta leihoa zabalik edukitzea beroaren beroaz. Hori bai, egunen batean berogailua hondatu, edo arazoren bat izanez gero, hortzak kriskitinak jotzen ibiliko gara

Zorri hil piztuak gara, aberats berriak. Mutur batetik bestera joan gara, Tropikoan biziko bagina bezala, artilezko galtzerdiak eta alpakazko jertseak alde batera lagata. Makina bat jertse eder eta polit daukat nik armairuan, jantzi ezinda, abandonatuta, toki guztietan ito egiten naizelako; batez ere leku publikoetan...inoren diruarekin erraza da infernuan baino beroago egotea.

Ez berbarik egin aldaketa klimatikoaz, ezta berotze globalaz ere. Are gutxiago energia aurrezteaz. Oilasko lantegi batean bizi direla dirudi. Oiloek erruteko behar duten tenperatura behar dute-eta, lanean jarduteko. koittaduak, gizajuak ilea galdu zuten eta Kantauri alde hau hotzegia da eurentzat!

Txitak hazteko eredua baino nahiago Evo Moralesena, bai horixe!

 

etiketak: , ,
oier g
oier g dio:
2008/01/23 01:33

Erregular! Beinke! Ez dakizu zelako burrukia dakaten lantokixan. Jentiak ez daki termostatuak zertarako dirazen be. Eta gela bat bizkor berotzeko sistemarik bizkorrena ATIA IXTIA dala, ez estufia topera ipintzia.

Mikel Z
Mikel Z dio:
2008/01/25 12:58

Zarauzko kiroldegiyan kirolik in berrik eztao gabonetan hartutako kiluak jaixteko, barrura sartu eta iteun beruakin botatako izerdiyakin nahikua da! Beste herritan de antzeko dala ikusi det... Eta hori eztola kirola bero donian itia baño gauza inkomodogoik!

Iban Arantzabal
Iban Arantzabal dio:
2008/01/24 19:42

Burrukia haundixa da bai. Badakizu Espaloia kafe Antzokixak zein bolumen daukan. Ba ha dana berotzia... Oin, jendiak ez dauka erreparorik atiak zabalik eukitzen. GGGGRRRRRR. Duan dalakuan!

Duan balitza pentsau zer pasauko litzaken! Eskerrak karu dagola gasa, eta egon deixela, gaiñera. Etxietan gehixago neurtuko dalakuan nago, baiña Udaletan, buleguetan, norberana ez dan enpresetan, elkartietan, jubilau etxietan... puff.

ortozik doana
ortozik doana dio:
2008/01/23 12:06

Gehiegizko kontsumo energetikuan adibide garbixa, neguan bero pasatu larregizko berogailuakin, eta udan hotza eta katarruak aire desegokitu horrekin.

asier
asier dio:
2008/01/24 14:53

Azken egunotan Mendaron egotia tokau jata, ospittalian. Ha da berua, hangua! Ezin egon! Eta leihuak zabalik gela askotan.

Gau eta egun, berogaillua beti topera.

Holakuetan beti pentsatzen dot, arduraduna ez dala pertsona gaiztua izango, ez dabela berogaillua topera ipiniko fede txarrez; ez dittuala gaixuak gehixago gaixotu nahi...

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua