Begiak ez nekatzeko formula bila

Niri pantailan irakurtzeak begietako mina eta azkura ematen zidan. Oftalmologoak esan zidan arazoa dela pantailan irakurtzean begiak gutxiagotan ixteko joera dugula eta, ondorioz, begiak lehortu egiten direla.

Jakinaren gainean nagoenetik, pantailaren aurrean begiak kliskatzeko ardura berezia dut eta, azkura sentitzean, malko artifizialak botatzen ditut begietan.

Bestalde, azken hilabeteetan berriro izan dut begietako mina eta azkura eta oraingoan, dirudienez, presbizia izan daiteke arazoa (ni ere miopea naiz eta orain arte ez nuen arazorik gertutik ikusteko, baina...). Dena dela, ez dut uste zure kasua hori den.

Bestalde, pantaila beltzik ez irakurri, bestela begiak diz-dizka jartzen zaizkizu. Niri behintzat hori gertatzen zait. Asko sufritzen dut pantaila beltzekin, eta egiten dudana da inprimitu eta paperean irakurri.

Ez dakit zure kasua den, baina niri lehen ordenagailuak halako begi eta buruko minak ematen zizkidan eta optikoari komentatu nion, hark esan zidan argi eta begi kontuak baino, ordenagailutik irakurtzen dugunean arreta emateko keinua egiten dugula, bekainak eta bekokia estutu eta begiak erdi-itxi, bekozkoa ipini-edo, pantailara gehiegi arrimatu ere bai, eta tentsio horrek ekartzen dituela minak eta nekeak. Orain urrunagotik eta lasaiago saiatzen naiz pantailan irakurtzen.

Eskerrik asko Benito, Gorka eta Ricardo. Uste dut begiena izan litekeela Benitok dioen tentsioagatik; izan ere, idazlan eta enparauak zuzentzen nekatzen zaizkit gehien. botox pixka bat behar dut betozkorik ez jartzeko. Zimur gutxiago aterako zaizkit, horraittiok! Mesede, adinean aurrera goaz eta! Gorka, pantaila beltzarena aipatu duzu, baina nire kasua ez da hori! eta inprimatzearena ezin! Ricardo, oraindik presbiziarako urte batzuk falta zaizkit (gutxi). Miopea izanda, besteei baino gehiago. gainera, ohean liburuak antiojo barik irakurtzen ditut, problemarik gabe. Izan daiteke ez ditudala behar bezain bestre klikatzen begiak. Optikoari galdetu behar. Mila esker, benetan!!!!