Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Aurtengo azoka

Aurtengo azoka

Leire Narbaiza 2009/12/14 01:10
Zelan laga aurten azokako errepasoa egin barik?

 Aurten egun bitan joan naiz Durangoko liburu eta disko azokara. Zapatuan eta domekan. Baten beharrera, badiharduguko stand-en txanda egiten; bestean lagunekin elkartzera. Izan ere, Durangon urtero hitzordua daukagu, aspaldi baten egina, eraginkorra gutxienez urtean behin batzeko balio digulako.

Asko guztatzen zaizkit feria egunak. Disfrutatu egiten dutpasio bik bat egiten dutelako: liburuek eta lagunek. Postu artean hurrengo hileetako irakurketan ikusten ditut lehenengoz, baita irakurritako liburu kutunak eta bereziak ere. Maitasun ezkutuan nonahi, liburu forman.

Lagun, ezagun, maiteak edonon. Sorpresa atseginak nahibeste. Laztanak eta besarkadak ugari (erakusmahaia erdian geratzen ez bada, behintzat). Hala ere, beti falta zaigu baten bat, bereziki (hinbat motiborengatik) ikusi nahiko genukena, baina agertzen ez dena. Hari/haiei ere musuri handiena eman nahiko nioke/nieke, ziber-musua baino ez bada ere. MUN!!!

Hain gozagarria izanda ere, hausnartzeko balio izaten digu, batez ere aurtengoak. Alde batetik, uste dut birplanteatu egin beharko liratekeela hainbat gauza, hainbat produktu erdaldunen salmenta. Kanpora tema vasco delakoa. Nik neuk ez neuke lagako erdarazko produkturik saltzen. Bai, erradikala izango naiz, talibana. Berdin zait. Horiek edonon aurki litezke, azokan euskarazkoak baino ez nituzke jarriko. Kitto!

Bestetik aurtengo beherakada. Itzela izan da, batez ere asteburuan. Ez zen ia inor ibili, eta saldu....ikaragarria! Beldurgarria izan da salmenten jaitsiera!! Krisia izango da, EREak, pasaotismoa, ez dakit, baina Durangorako bonbardaketa (ez Durangoko bonbardaketa) zelanbait murriztu egingo nuke, beharbada feria bi antolatuta, abenduan eta ekainean, adibidez. Horrela, argitaletxeen Durangoko monokultiboko uzta, murriztu baina bikoiztu egingo litzateke. Beraz, kultura kontsumitzaileoi ez genuke urteko gose erdi asetu hori izango. Eta Gabon aurreko betekada hau saihestu egingo genuke.

Erdi gose eta enpatxatu bizi gara euskarazko liburuak irakurtzen dugunok, pobreen moduan: Ahal denean jan errementatu arte; eta urte osoan ahal den moduan elikatu, izozkailuko tuper-ak ateratzen!

DSCF0010Badiharduguko standa.
Trebi
Trebi dio:
2009/12/14 20:17

Umeak ditudanetik ez noa feriara. Behin edo joan nintzen eta erabaki sendua izan zen: umeekin ezin. Liburu bat ikusteko aurreko lau lerro pasatu behar eta trabeska egoteko, umeak agobiatuta eta gurasoak txarto. Aizu, jende pilaketa moteldu bada baliteke datorren urtean joatea, giro ederraz behintzat gozatzera, baina hala eta guztiz, benetan oraindik konbentzitu beharko naute umeekin posible dela, ze sinistu-sinistu, oraindik sinistu...

leire
leire dio:
2009/12/19 15:49

Aupa,Trebi Eguerdixan probau dozu? Askoz jente gitxiago ibiltzen da, eta umieri be gustatzen jakue ipoiñak eta ikustia. Gaiñera, umien txokua zoragarrixa da! Azken bi urtiotan ez naiz juan bertara, baiña beste urtietan bai. Umiekin, lagun batzuenak sekuestrau, lagunal trankil laga azokia ikusen eta ni ume bixekin lurrian jarritta, epel,trankil burrundara barik, kojiñ artian ipoiñak irakortzen.....azokarik ederrenetakua! Ikaragarri gustatzen jata, eta gomendatzen detsut. Ondo segi!

Trebi
Trebi dio:
2009/12/21 22:37

Umeen txoko hori ez dut ezagutzen, beharbada probatzea mereziko du. Dena dela, eguerdikoa bai ezagutzen dut, ibili naiz jendea gutxien dabilen ordu horietan, baina, aizu, bazkaldu ere bazkaldu egin behar da, eta ordu batzuk zaindu egin behar dira, gainera umeekin askoz gehiago oraindik. Matxo handia.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua