Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Ameskeriatan

Ameskeriatan

Leire Narbaiza 2013/05/20 23:55

Amestu nuen azaleko orban eta orbain guztiak buruz, hatzek braillean irakurtzen duten bezala, ezagutuko zizkidala; bere gorputza osorik esploratuko nuela, Afrika XIX. mendeko salakot-dun ingeles abenturazaleen antzera.

Ohean ordu txikietan poemak irakurtzearekin egiten nuen amets, Mi amado es fresco y colorado, se distingue entre millares. Su cabeza es oro puro, sus rizos son racimos de dátiles, negros como el cuervo.

Bere bular oparoan burua pausatu eta bertan kezka guztiak lagako nituela, bere besoen abaroan urtu eta bat egingo genuela amesten nuen.

Plazera eta samurtasuna nahastuta, gauak emango genituela nuen amets. Kezkak eta ardura elkarbanatuz. Barrez eta jolasez beteko genituela egunak; maitasunez eta musuz, gauak.

Baina ametsak –maitasunak, lilurak eta erakarmenak sortutako sukar-ametsak–, mundu onirikoetatik ez dira errealitate bihurtzen, amets-gaizto izan ezean. Eldarnioak, sarritan, amets politik ez baina gaiztorik ere ez dira bilakatzen. Espejismo hutsa baitira geure buruan.

Errealitate dosia esnatzean!

etiketak:
Leire Narbaiza
Leire Narbaiza dio:
2013/05/23 00:34
Lagun batek e-mail bat bidali dit postari erantzuna emateko. Kontu pribatu batzuk kenduta, hau da funtsean bidali didan mezu ederra:

"Esan nahi dotzut izenburua ez jatala batere gustatu, mezuaren bukaera ere ez.
Ametsak benetakoak bihurtzen dira askotan, gutxien uste dozunean. Denbora bihar dabe, hori bai. (...)
Ametsak benetakoak bihurtzen dira askotan, gutxien uste dozunean. Denbora bihar dabe, hori bai. (...) Baina ametsek merezi dabe.
Eutsi zure ametsei, eta izenburua aldatu artikuluari. ;-)"

Nik esan diot ez diodala artikuluari izena aldatuko, errealitatea eta lur hartu behar delako! Baina ikaragarri eskertzen diot lagun horri bidalitako mezu ederra! Milesker, eder hori!
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua