Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / "La Banda del Moco"

"La Banda del Moco"

Leire Narbaiza 2006/02/16 12:59

Latin Kings, Erdiko Amerikako marak, internet bittartez zabaltzen diran bidio biolentuak, etxerik bakuen kontrako erasuak...danon ahotan dabiz egunotan.

Burura etorri jata, umia nintzanian, oiñ hogetabost bat urte danok bildurrez eta bajuan esaten genduana. Auzuetan, ondoko herrixetan mutil nagusixak alkartzen ziran eta burrukan egitten zeben. Baten batzuk be elementu arriskutsuak ziran. Antxitxiketa saio bat baiño gehixago eginda gagoz eurak zetozelakuan!

Nik gogoratzen dodanan araura hiru "banda" zeguazen: "Valium 10", "La Banda del Moco" eta Urkiko kuadrilla bat izenik ez zekana. "Valium 10" elgoibarkua izatiaz gain, arriskutsuena eta ezezagunena be bazan. Famarik haundixena, baiña, "La Banda del Moco"-k zeukan. Auzo edo herri batera juaten ziran eta bertakuak jo egitten zittuen. Urkikuak burrukan baiño ez eben egitten.

Amañako nere informantiak be -Aupa Garbiñe eta Kontxi!- kontau deste "luchakoak"-eta topau zittuela "en un leku" ("un zulo" asmatu barik zeguan). Amañakuak be egitten zeben burruketan.

Baiña danetan txarrena eta bildurgarrixena "Patatxula" zan Ermuko hiper-makarra bat. Bistaz ezagutzen genduan, eta ikusi bezin laster hala! korrika! Kanpanoluak zeroiazen paketia markatzen, abiadore antiojo baltzak, arkondara estuak, ule kizkur orraztua, kanperak eta kojua zan! Itzela bere itxuria.

Esan zesten kartzelan sartu eta bertan hil zala. Hori bolo-bolo ibili zan, halan da be ez dakitt egixa ete dan

Sekula ez nittuan burrukak ikusi. Kontatzen zebenez, oso latzak ziran. Askotan pentsau dot leienda urbanuak baiño ez zirala. Batek daki! Guztiz ahaztuta nekan, eta burura etorri jatan. Auskalo ze lotura egin neban

etiketak:
Patxi
Patxi dio:
2006/02/17 11:33

Nik bai sufritu nuela. Neri Zumarragako goiko parteko "basuras" eta konpainiak gutxi eragin zidaten.

Nerea okerragoa zan. Urretxuko bi bixkiri nien bildurra. Bildurra x 2. Imajinatu nere amesgaiztoak nolakoak ziren.

Abu Graib!

_

Elena
Elena dio:
2006/02/22 20:34

Leire, ez zara ba "amama kipuleta" moduan ipini...! Ni patatxula ermuarrarekin akordatzen naiz, korrika bat baino gehixao eginda gaoz haren kontura, nahiz eta sekula ez zozkun ezebe egin.

Urkiko bandaz ez dakit ezebe. Klaro, beheko auzoetakoei beti iruditu jatzuen Urki Bronxen parekua. Bertan bizi ginanok beste ikuspegi bat geneukan.

oier g
oier g dio:
2006/02/17 00:52

Hostiaaaa....

Emoten jon beste herri baten bizi nintzala, ni! E naun hi baiño askoz be gaztiagua ba. Patachula horrek, ze bildurra...!

Nik goguan daukat halako elementuak "sala de juegos"etan egoten zirala, hori TERRENO PROHIBIDO zan baiña, neretako.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua