Gloria Mundi
Nobela hau eibartarrak zerrendako kide batek gomendatu zidan. Egia esan daukan portadagatik ez zitzaidan erakargarria egin lanean ikusi nuelako. Beharbada, apokaliptikoegia da. Baina gomendioa zenez kasu egin eta irakurri egin dut. Gustura, gainera.
Di-da batean irakurri dut. Eta aspaldion hain nire irakurketetan hain errekurrente bihurtu diren Munduko Bigarren Gerra, onda bereziak, ezkutuko sekretuak, arma indartsuak, ikerlari konprometituak....Nahi barik holakoek betetzen dituzte eskuetara etorri zaizkidan liburuak.
Intriga dauka, eta fisikako gauza “arraroak” oin-ohar batean daude azalduta. Horrek asko laguntzen du, fisika ez delako denon gustuko gaia edo denok dakigun gauza. Beraz, alde zientifikoa, nolabait esateko, ez da oso konplikatua. Akzioa ere badauka, eta suspense puntu bat. Trenean gustura irakurtzeko modukoa.
Fernando Morillok idatzi du. Orain pare bat urte beste nobela bat ere irakurri nion “Ortzadarra sutan” eta oso atsegina pentsatu zitzaidan. Hurrengoa ateratzen duenean ere irakurriko diot.
neri be gustau jatan. Ez da sekulako liburua, seguru asko ez da euskal literaturian historixara pasauko, baina gustora eta errez irakortzen da, eta holakuak be bihar dittu euskeriak (eta bihar dittugu irakorliok).