Hemen zaude: Hasiera → Blogak → Eibartik → ahotsak

Eibartik

ahotsak

Elgetako Ahotsak aurkeztu dogu

Giro politta euki genduan barixakuan Elgetan. Elgetako Ahotsak proiektuan lehenengo emaitzak aurkeztu genduzen jende aurrian eta omenaldixa egin jakuen proiektuan parte hartu daben elgetar guztieri. Guztira 28 lagun elkarrizketatu doguz azken urtiotan Elgetan, gehixenak 80 urte ingurukuak.

Barixako arratsaldian Elgetako Espaloian egon giñan. Elgetako Ahotsak proiektuan aurkezpena egin genduan. Azkenengo 3-4 urtietan makiñatxo bat elgetarren ahotsa jaso dogu, bertako euskeria eta ahozko ondaria jasotzeko. Sasoi bateko bizimodua, ohitturak, siniskerak... Guztira 40 ordu inguru grabau doguz eta materixal mordua jaso. Oso hiztun onak topau doguz Elgetan, gaiñera. Hamentxe dagoz ixa danak:

elgetako-ahotsak_014

 

Barixakuan aurkezpena egin genduan eta, gehixenbat, eskerrak emon nahi izan gentsezen proiektuan lagun izan doguzen elgetar guztieri. Ixa 30 elgetar elkarrizketatu doguz, auzo guztietakuak. Ahotsak-en zerrendia eta datu gehixago. Eta informaziño gehixago:

 

Adibide moduan, hementxe dakazue Miren Arantzeta beran gaztetako ibilerak kontatzen:

Hau ikusteko Macromedia Flash Player behar duzu. Doan da. Jaitsi produktu hori.

 

Oso giro politta euki genduan Espaloian. Gustora guztiok: antolatzaile, hizlari, senide eta danok. Eskerrak emon nahiko netsekez udaletxeko ordezkarixeri, proiektuari babesa emotiarren eta ekitaldixa antolatziarren. Politto egon zan. Eta baitta proiektuan lagundu dabe guztieri, gehixenbat Itziar, Josu, Aintzane eta Aitziberri. Eskerrik asko.

 

Asier Sarasua 2009/01/25

Eibar

Euskalkia, Etnografia, Natura

Asier Sarasua Aranberri 

(Eibar, 1969). Biologoa ikasketaz eta euskaltzalea bokazioz (filologia ikasketak amaitu arte, behintzat). Eibarko euskara eta historia jasotzen ahaleginak egin ditut, batez ere Eibartarren Ahotan proiektuan eta Eibarko hiztegiaren inguruan. Codesyntaxek ematen dit jaten eta errege-erreginak hartzen dizkidate ordurik gehienak. Geratzen zaizkidan tarteetan, Badihardugun aritzen naiz, herririk herri elkarrizketak egiten Ahotsak proiekturako eta, askotan, txori-izenak jasotzen. Gauza arraroagoak badaude munduan.

Blog honetako testu guztien lizentzia: Creative Commons by-sa.

 - Gure argazkiak Flickerren -

Argazkiak Asier Sarasua Aranberri Asier Sarasua argazkiak

 

Azken erantzunak
Vida vasca 1924 asier, 2010/03/16
Telefono zenbakixa Amatiño, 2010/03/15
Beti ikasten dok zeozer Amatiño, 2010/03/12
Esanahia Edurne, 2010/03/10
esanahia Nerea, 2010/03/10
Etiketa lainoa
Ahotsak Aldundia Argitalpenak Artxiboa Aurkezpenak Berbarik berba Bertsolaritza CC Danetik pixkat Egunkaria Egunkaria libre Eibar Eibarko Eibarko euskara Eibarko-euskara Etnografia Euskaltzaindia Euskara Herri-hizkerak Historia Internet Kantagintza Kultura Liburuak Literatura Musika Natura Toponimia Txori izenak Txori-izenak Untzaga Urola-kosta Zarauzko-euskara ahotsak aurkezpenak berbarik berba birziklapena eibar eibartarrak eibartarren-ahotan errebal errepideak euskara familia historia hiztegia ikastola ipuinak kultura lanak margola mogel natura udala veleia