Futuro del Trabajo-Trabajo del Futuro liburuaren aurkezpen ekitaldia apirilaren 6an, osteguna, Donostiako Kursaal Jauregian izango da, goizeko 11:30etan.

Kontatu nuen bezala (1 , 2 , 3 ) EHU-k urtero antolatZen dituen Uda Ikastaroen barnean, iaz Lanaren Etorkizuna eta Etorkizuneko Lana aztertzeko duen Uda Eskola antolatu zen, MIK-en zuzendaritzapean.

Saiakerak esakatzen zituzten eta saikeratxoa bidali genuen. Lan politak aurkeztu ziren eta aurkeztutakoen artean lau finalisten lanak, ostegunean plazaratzen den liburu horretan argitaratzera doaz. Lau saiakera horien artean, nerea, En el 2030...¿y trabajando? , eta Josu Azpillaga CodeSyntaxeko lankidearena: Etorkizuneko lana: software librearen mugimendutik ikasten

Esan bezala, liburuaren aurkezpena datorren ostegunean, apirilaren 6a, izango da. Goizeko 11:30etan eta Kursaal Jauregian.

Aurkezpenan Eusko Jaurlaritzako Juanjo Loroño; MIK S.Coop.-eko lehendakari den Iñaki Dorronsoro; AZK Komunikazioa enpresako zuzendaria Juanjo Brizuela, eta blog honen egileak zeozer esango dute.

Aurkezpen ekitaldira doazenentzat cocktail edo mokaduren bat, eta liburua musu truke.

Technorati Tags: prospektiba, lana, etorkizuna, liburuak

Azken egunetan aipamen asko ikusi ditut Keotag meta-bilatzailearen berri ematen.

Keotag tag edo etiketen bidez lan egiten duen bilatzaile anitza da, beste zerbitzu batzuen gainean lan egiten duena. Hau da, zerbitzu ezberdinetan jendeak utzitako tag edo etiketen artean bilatzen du.

Aurrerago aipatu izan dugu tag eta folkosonomiak datorren webean izango duten garrantzia. Seguruenez adibide zabalduenak del.icio.us eta technorati dira.

Keotag-ek erabiltzen dituen dozena erdi nazioarteko zerbitzu ezagunen artean CodeSyntaxen garatutako Tagzania dago. Hau da, Tagzaniako azken tag edo etiketak bilatzen ditu Keotag metabilatzaileak.

Pozik gu, urrats txiki bat gehiago Tagzaniaren zabalkundea eta erabilgarritasunaren mesedean.

Hauek dira Keotag-ek erabiltzen dituen zerbitzu guztiak:

• Technorati,
• Blinklist,
• Del.icio.us,
• Furl,
• Google,
• Yahoo,
• Blogpulse,
• Feedster,
• Icerocket,
• RawSugar,
• Tagzania,
• Shadows,
• Feedmarker,
• 43 things

Tagzania dela eta, datorren astean Tagzania eta mapetaz hitz egingo du Tagzaniako Informazio Ministroak Bilbon antolatu den Blogak 2.0 jardunaldian. Interesgarria, seguru.

Technorati Tags: tagzania, keotag, tagging, folksonomia

Aste honetan kaleratu den Nature aldizkarian 2020 Future of Computing atalean programazioaren etorkizuna 2020 urteari begira aztertzen dute.

Doako artikulu sorta ederra eskaintzen du Nature aldizkaria, normalean ordaindu egin behar izaten direnak, baina norbaitek Barrapunton esan duen moduan , Microsoften propaganda aldamenean.

Dena den, hona hemen edonoren eskura dauden artikuluak:

• 2020 computing: Champing at the bits Testua | PDF

• 2020 computing: Milestones in scientific computing Testua | PDF

• 2020 computing: Everything, everywhere Testua | PDF

• 2020 computing: Exceeding human limits Testua | PDF

• The creativity machine Testua | PDF

• Science in an exponential world Testua | PDF

• Can computers help explain biology? Testua | PDF

• A two-way street to science's future Testua | PDF

Tarte bat hartu behar denak irakurtzeko...

Barrapunton irakurrita.

Technorati Tags: prospektiba, informatika, etorkizuna

Aste istilutsu honetan kaleratu dute Parisen Paris 2054, Renaissance (www.renaissance-lefilm.com), zientzia-fikzio eta animaziozko filma.

Kolorezko elementu bitxi banaka batzuk alde batera utzita, irudiak zuri beltzean daude eginak, eta animaziozko 3D unibertsoa sortzen da Christian Volckman-ek zuzendutako pelikulean motion capture teknika erabiliz. Filma Parisen, 2054 urtean kokatuta dago.

Ez dakit Renaissence hemen ikusterik izango dugun, baina pazientzia apur bat izanez gero webean making of-ak eta filma egiteko erabilitako motion capture teknikarekin nola egin duten lan ikus daitezke. Mundu reala eta irreala nahasturik, ia ikusten ari naizen Matrix pelikulan bezala :-)

Blog ofizialean (renaissance2054.skyblog.com) jarraitu daitezke filmaren gora beherak

Gainera, Audik Ni Robot (I Robot) filmerako RSQ auto modeloa asmatu zuen bezala, kasu honetan animaziozko filma honetan Citroen etxeko diseinu taldeak imajinatu eta egin ditu 2054 urteko autoen marrazki eta 3D-ak. Irudian diseinu bat.

Filmerako bestelako diseinu lan bereziak egin dituzte.

Webgunea ez dut uste, baina filma egiteko software librea erabili dute. Nuxo.net Open Sourcen diotenez, irudiak sortzeko erabili dituzten 200 inguru IBM xSeries makina-zerbitzariek Gentoo gainean egin zuten lan.

Sortutako irudiak gordetzeko erabili dituzten 4 zerbitzariak Red Hat zeramaten, guztira 14 terabyteko kapazitatearekin. Aldiz, nahiz eta Linux bertsioak egon, infografistek Windows gainean egin dute lan, 3D Maya erabiliz, baina eszena konplexuenetan Linux Red Hat instalatuta zuten zerbitzarien gainean lan egin behar izan dute, Microsoft bertsioak ez zutelako ematen, eta aipatutako Maya aplikazioa ezin zelako ireki Windowesen. (Portzierto, Maya ilusioa esan nahi omen du sanskritoan)

Baina, Mac teknologia erabili dute ere. Filmaren irudien montaiarako 10 Power Mac G5 erabili dituzte.

Beraz, apur bat denetik eta arazo gehigirik gabe. Ikusi ditudan kritiken artean, denetik ere: ez dela oso ona ( Le Petit Journal ) , edo Oscar-a eskatu (un oscar pour 2007) . Baina ea emaitza ikusteko aukera dugun. Normalean, AEBetako animazioa baino ez dugu ikusten.

Dagoeneko informazio ugari wikipedian:

• Frantsesez
• Ingelesez

Technorati Tags: zientzia-fikzioa, Paris, renaissance

Dirudienez, Europar Zientzia Fundazioak, European Science Foundation (www.esf.org), unibertsitateari buruzko ikerketa prospektiboari ekin behar dio.

Europa osoan, 2010 urteari begira ezagueraren sortze prozesua, unibertsitate mailan, eta gizartearekiko harremana izango da aztergaia. UK-ko Open University-ko John Brennan irakaslea izango da ikerketaren arduraduna, baina egia esan ez dut aurkitu ikerketaren planning-a.

Dena den, info gehiagorako:

Knowledge is power: The building of a European Knowledge Society

SAVOIR, C'EST POUVOIR : LA CONSTRUCTION D'UNE SOCIéTé EUROPéENNE DU SAVOIR

Savoir c'est pouvoir. Lancement d'une prospective scientifique des études supérieures-n ikusia.

Technorati Tags: Unibertsitatea, Europa, prospektiba

Gaur EKE - Euskal Kultur Erakundeak Baigorrin egin duen ohiko Biltzar Nagusian Gogoetan.com ekimena aurkeztu du. Euskal kulturaren alorrean, EKE-k koordinatzen duen 2020ko Euskal Herriko lurralde egitasmoa. Biharko euskal kultura eztabaidagai, beraz.

Era berean, gogoetan.com EKE.org euskal kulturaren atariaren blog plataforma da, euskal kulturaren geroa eta erronketaz gogoeta irekia egiteko, eta momentuz bi blog nagusi ditu:

• Euskal kultura 2020 Euskal kulturaren geroaz gogoetan izeneko bloga, euskaraz.
• Culture basque 2020 Réflexions sur l'avenir de la culture basque izeneko bloga, frantsesez.

Blogen azalpenetan dioen bezala: Euskal Herriko Hautetsien kontseiluak eta Garapen Kontseiluak galdeturik, eta Euskal Herria 2020 lurralde egitasmoaren karierara, Euskal kultur erakundeari euskal kulturaren erronketaz gogoetatzea eta epe ertainera ekintza konkretu batzuen proposatzen galdegina zaio.

EKE-k erabaki du gogoeta hori denei irekitzea, blog baten bidez bakoitzaren parte hartzea sustatuz. Zuen ekarpenek gure gogoetak aberats ditzaten, 2006ko apirilaren 20a aitzin helaraz itzazu ! Milesker aitzinetik !

Blogek parte-hartze moderatua dago eta moderazio horren xedea, blog askotan egiten den bezala, gehiegikerien (irainak, gaiaz-kanpoko ekarpenak...) eta argitaratze hutsak saihestea da.

Dudarik gabe, blogak tresna indartsuak dira elkarren arteko hausnarketa egiteko, sare sozialak sortzeko, hezkuntzarako, enpresa barnean ezagutza kudeaketarako, ... eta nola ez, Iparraldean abian jarri den ekimen honetan bezala, euskal kulturaren geroaz hausnartzeko eta eztabaidatzeko.

Gainera blogean dauden hausnarketa puntuak edo galderak (artikuluak) eskuratu daitezke .pdf formatoan (Adi .pdf formatoa 100 Kb)

Euskal Herria 2020

Hautetsien Kontseiluak eta Garapen Kontseiluak Euskal Herria 2020 deitu duten lurralde proiektuak hiru anbizio estrategikoren inguruan egituratzen da :

• kostaldearen eta barnekaldearen arteko lurralde elkarrekikotasuna,
• mugazgaineko kooperazioaren garapena eta
• Euskal Herriaren garapen iraunkorra.

Oharra: EKE.org webgunean gehitu den Gogoetan.com blog plataforma CodeSyntax -ek duela gutxi kaleratu duen Bitakora blog aplikazioarekin egina dago.

Info gehiago: Gogoetan.com

Technorati Tags: EKE, Kultura, codesyntax, bitakora, blogak

Gipuzkoa Berritzen proiektuari buruzko informazioa osatuz, gaur Berriak Gipuzkoa.net boletinean kaleratutako albistean aipatzen dira berehala abian jarriko diren ekintzak:

• Gipuzkoan Berrikuntza Sustatzeko Taldea sortzea, ekintza berritzaileak eta ekintzaileak sustatzeko, koordinatzeko, eta ebaluatzeko.
• Enpresen sorrera eta ekintza berritzaileen hazkundea bultzatzea, tresna eta bitartekari aipagarriak garatuz.
• Berrikuntza erakundeen lehiakortasunerako estrategiari eta operazio kudeaketari txertatzea.
• Indarrean dagoen Arrisku-Kapitalaren sistema indartzea, sektore publikoa nahiz pribatua egon daitezen bultzatuz.
• Zerga eta kontabilitate araudi bat aztertzea eta proposatzea, I+G+B proiektuak sustatzeko helburuarekin.
• Hainbat jarduera finantzatzea ikerketa proiektuen emaitzak industrializatzeko, patenteak eskatzeko, eta, ahal bada, nazioarte mailan merkaturatzeko.
• Berrikuntza Sarearen koordinazioa indartzea, Zientzia-Teknologia-Enpresa sistemako eragile guztiak biltzen baititu.
• Beren I+G unitatea duten Gipuzkoako enpresen artean laneko foro bat sortzea, esperientziak trukatzeko, oro har, eta produktu eta enpresa berriak sortzeko prozesuari lotuta, bereziki.
• Berrikuntza sistemako eragile guztiek berrikuntzari laguntzeko jarduerak egin ditzaten sustatzea, berrikuntza taldeen bitartez.
• Ikerlarien eta teknologoen mugikortasuna sustatzea, teknologia zentroetako eta unibertsitateetako langile espezializatuek enpresetan aldi baterako egonaldiak egin ditzaten lagunduz eta finantzatuz, (eta alderantziz) enpresentzako proiektu estrategikoak presta ditzaten.

Printzipioz, jokoa eman dezaketen ekintzak. Info gehiago Gipuzkoa Berritzen edo proiektuaren webgunean

Technorati Tags: Gipuzkoa, Berritzen, Berrikuntza

Atzo arratsaldean Miramon Parke Teknologikoaren aretoan aurkeztu ziren Gipuzkoa Berritzen (www.gipuzkoaberritzen.net) proiektuaren ondorioak eta laster abian ipiniko diren ekintzak eta azpiekintzak.

Jose Ramon Guridi, Foru Aldundiko Berrikuntzarako eta Jakintzaren Gizarterako Saileko zuzendariak egin zuen aurkezpena. Gipuzkoa Berritzen ekimeneko lantaldeak bederatzi ekintza nagusi eta hainbat azpiekintza identifikatu ditu eta horiek martxan ipintzeko Sustapenerako lantaldea sortu da.

Azken finean Gipuzkoa Berritzailearen irudia eta errealitatea bultzatu nahi da. Eta duela hilebete batzuk aipatzen genuen Gipuzkoa 2020 Hausnarketa Estrategikoan definitutako Gipuzkoa Berritzailearen jokaleku edo eszenategi zabalera hurbil gaitezen, pausuak eman eta tresnak jarri nahi dira. Dena etorriko da ondo eta are gehiago ekimenak ondo koordinatuak baldin badaude.

Aurkeztutako 9 ekintza nagusiak, argazkian ikus daitekeen irudian ageri den bezala, 6 multzo hauetan sailka daitezke:

• Promover cultura de innovación y emprendizaje
• Crear espacios intermedios para la innovación
• Promover organizaciones innovadoras
• Fomentar la sinergia entre los agentes del sistema de innovación.
• Generar empresas y actividades innovadoras
• Promover imagen de territorio innovador

Ulma Packaging Gipuzkoa berritzailearen eredu

Ekimenaren Aurkezpenaren ondoren, Txomin Garciak - Ulma taldeko zuzendari nagusiak - eraginkortasun eta eragimen handiko prozesu berritzaile baten gako teorikoak eta praktikoak aurkeztu zizkigun, Ulma Packaging (www.ulmapackaging.com)enpresan berrikuntzaren erronkak azalduz. Oso interesgarria enfokea: berrikuntza pertsonengan dago, azkarra, berahala martxan ipini eta etengabekoa izan behar du, nahiz eta edozein eratako berrikuntza txikiak izan.

Info gehiago: www.gipuzkoaberritzen.net

Technorati Tags: Gipuzkoa, Berritzen, Berrikuntza

Komunikazio korporatiboa izan dute aztergai M.U.ko HUHEZI Fakultatean antolatutako Komunikaldiak 06 jardunaldian. Bakarrik goizean egon naiz, baina hiru hitzaldi, proposamen edo hausnarketa interesgarriak entzun ditut: Ana Urkiza, Pili Kaltzada eta Eduardo García Matilla-renak. Arratsalden jarraitu dute baina ezin izan naiz geratu.

Zorionez, dagoeneko HUHEZIko Gizakom blogean hiru hitzaldien laburpenak daude:

• Komunikazioa enpresa txiki eta ertainetan: iragana, oraina eta geroa Ana Urkiza (Deustuko Unibertsitatea).
• Komunikazio korporatiboa eta gizarte erantzukizuna Pili Kaltzada (BBK).
• Los retos comunicativos de la empresa Eduardo García Matilla (Corporación Multimedia).

Hirurak oso interesgarriak. Esandakoaren artean etorkizuneko joerak azpimarratu nahiean edo, hona nere laburpentxoa:

Ana Urkizak Komunikazioari buruzko hausnarketa sistematikoa eta interesgarria egin du. Etorkizunari begira, aro berrian hartzailea inteligenteagoa eta hurbilago dugula, bezeroa gureganatu eta integratu, eta komunikazioak gendearen bihotzean eragin behar duelaren ideia azpimarratuko nuke.

Pili Kaltzada gizarte erantzukizunari buruz aritu da. Normalean, Ekonomi eta Enpresa Fakultateetan kausa duen marketing-etik, marketing sozialetik (enpresak gobernuz kanpokoko erakundeak edo gizarte ekimenak finantziatetik) gizarte erantzunkizunari eman den bidea aztertzen da, baina Pilik bere esperientziatik abiatuz Gizarte Erantzunkizunaren neurketa eta enfoke orokorra aurkeztu digu, enpresetan sortzen duen arazoak eta ematen dituen aukerak aurkeztuz, eta komunikazio korporatiboarekin lotuz. Kalitatearekin gerta zen bezala, modetatik gain, geratzeko etorri den enfoke eta kontzeptua dela eta jorratzeko bide luzea dagoela azpimarratu du.

García Matillak anekdotaz eta adibidez ondo jantzitako aurkezpena eskeini du. VideoRating programa ikusgarria aurkeztu du. Segunduka telebista audientziak jarraitzeko eta audientzia aldaketak (zapping-ak) aztertzeko kapaza den programa. Izugarria. Komunikabideetan, telebistetan batik bat, aldaketak sakonak datozela azpimarratu du, oraindik XX mendeko ikuspegia dugun bitartean. Gaur egun edukiak dira "petroleoa". Eta teknologia berriak direla medio edukien kontrola eta ekoizpena gero eta gehiago hiritarren eskuetan daude. Hor ere aldaketa, mediak monopolistikoak izatetik egoera anitzago baterantz goaz, eta horrek enpresa eta anuntziantzeetan eragina izango du.

Askoz gauza gehiago esan dira jardunaldietan, baina zorionez ia den-dena aipatutako blogean dago.

Amaiera modan dago, zer egingo diogu bada. Gaur egun, dena 2.0-n bukatu behar du.

Baina, izenaren inguruko gorabeherak alde batera utzita, gero eta gehiago entzuten dira Web Educativa 2.0 (Edutec. Revista Electrónica de Tecnología Educativa. Num. 20. Enero 2006) bezalako berbak.

Azken finean, honekin blogak, bitakorak, agregatzaileak, RSS, wikiak, Bloglines, Flickr, Tagzania, Writely, Wikipedia, folcsonomiak, tag, del.icio.us,... eta enparauen erabilerak hezkuntzari ekar dakion onura azpimarratu nahi da. Eremu askotan elkarlanerako eta elkar-komunikazioarako potentzialtasun eta erabilgarritasun handiko tresnak dira. Ez nik nahi beste eta, seguruenez, ez behar dugun beste, baina gure eskoletan erabiltzen hasi diren erremintak dira.

Gure artean, besteak beste IKTroen taldeak jorratzen duen bidea edo laster HUHEZIn web 2.0 ikastaroa jorratuko dutela irakurri dugu.

E-learning 2.0 kontzeptua Educalibre proiektuko e-Learning 2.0: Prospectiva del aprendizaje electrónico artikuluan ikusi dut gaur eta honaino ekartzen ditudan ingelesezko erreferentzia pare bat gomendatzen ditu:

• E-learning 2.0 . (Canada National Research Council, Stephen Downes) E-Learn Magazine -n.
• Web 2.0 and Education erreferentzia eta tresna asko dituen artikulua. (Graeme Daniel)

Beste erreferentzia asko daude, esate baterako 50+ RSS Ideas for Educators . Gaiak garrantzia handia hartu eta aldaketa asko ekarriko duelakoan nago.

Pixkanaka, jakina. Hezkuntza sistemak ez dira aldatzen edo gaurkoratzen bi egunetan. Piano, piano; ma non troppo, baina.

Technorati Tags: hezkuntza, elearning, prospektiba