Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Anti-gona / Hauteskunde kanpainaren estiloa (IV)

Hauteskunde kanpainaren estiloa (IV)

Elena Laka 2012/10/17 07:35
Partido Popularreko hautagaiaren estiloa: Antonio Basagoiti

Industria giroan hazi garenok badakigu zer den gauza edo pertsona bi edo gehiago trokelean egindakoak izatea. Edo gauza edo pertsona batzuk trokel berekoak izatea. Alegia, trokelean egindako lau gizon, adibidez, funtsean berdin-berdinak dira, trokel berekoak.

Euskadin Partido Popularrak hautagai aurkezten duen Antonio Basagoitiren estiloa, Mariano Raxoiren estiloaren trokelekoa da.

Eta trokel bereko estiloa dauka baita ere Galiziako Partido Popularraren hautagaiak, Alberto Nuñez Feijook.

Basagoiti

Raxoi

Basagoiti, Nuñez eta Raxoi trokel berekoak dira, estiloaren aldetik. Hau da, berdin-berdinak. Txino batek bereiztuko ez lituztekeen horietakoak.

Ilea berdin moztuta eta orraztuta, antzeko betaurrekoak, traje urdin edo grisa, eta gorbata urdina. Hirurak berdinak, beti berdin janzten dira.

Raxoiren trokelak baina pieza ugari eman ditu, eta hemen daukagu Javier Maroto, Arabako zerrendako bigarrena, Raxoi eta Basagoitiren arteko klona baitlitzan.

Maroto

Edo Alfonso Alonso, Gasteizko alkate izandakoa, trokelaren beste emaitzetako bat.

Alonso

Ez kolorerik, ez irudimenik, ez ekimenik, ez modarik, ez ausardirik. Raxoiren trokelean dena da urdina:traje-gorbata, betaurreko fin eta marra-orrazkeren estiloa. Hain urdina, ezen zuri-gorria ere urdin bihurtzen duen.

Basagoitiatletic

 

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

"Jantzi. Erantzi. Janzkiak, arropak, soin gainekoak. Moda, estiloa, bizitzaren zati bat. Umorez, eztenaz, xarmaz. Leire eta Elenari interesatzen zaigu. Baita zuri  ere, ala ez?"

@ElenaLaka

@txargain

Izan eta esan

Kalamuatik Txargainera