Garbitu spama Gmail-en bidez (2)
Jarraitzen dugu:
Aurreko pausoa: Gmail helbide bat lortu
Bigarren pausoa: desbideratu zure e-posta guztia zure Gmail-eko helbidera
Zenbait e-posta sistemek hau norberaren eskutan uzten dute. Beste batzuk aldiz, e-posta administratzaile baten beharra izaten dute. Baina badaude aukera hau ez duten ematen sistemak, beraz onena da hau aztertzea aurretik. Zure administratzailearekin hitzegin beharko duzu agian.
Ni Eibar.ORG-eko postaren administratzaile naizenetik, badut aukera horiek aldatzeko modua, honelako pantaila batean lan eginez:
Bada, oso sinplea da. Hor norberaren gmail-eko helbidea jarrita mezuak zuzenean etorriko dira Gmail-era.
Gmail hasi da lanean, spama zakarrontzira botatzen. Lehenengo egunetan adi! komeni da gainbegiratzea spam direnak zuri erakutsi eta ez direnak zakarrontzira ez ote dituen botatzen. Hasieran pixka bat ikasi behar izaten du.
Dagoeneko martxan jarri dut hau eta egia esan primeran dabil.
Euskalteleko posta erabiltzen dutenentzat, desbideraketa https://www.euskaltel.es/ForwardEusk url-an egin daiteke (A ze lanak firefoxekin helbidea lortzeko!). Aldaketak momentuan nabari dira.