Skype prest!
Gari Araolaza
2005/02/23 13:37
Internet bidezko telefonoa da Skype . Doan. 6 Eurotan erosi ditugu mikrofonodun kaskoak. Baina horretarako, jakin behar nork daukan Skype, eta horregatik gaiek esaten duten moduan armairutik ateratzea pentsatu dut:
SKYPEn aurkituko nauzue, garaolaza erabiltzaile izenarekin.
Skype-rekin egin daitezke telefono normaletara deiak ere, minutuan bi zentimo baino merkeago (bai, bi zentimo hori literala da), baina VISA-ren segurtasun handiari esker, telefono normaletara deitzeko bonorik erosterik ez dut oraindik lortu. Hurrengo batean saiatuko naiz berriz.
Egunean zehar prest nuen Skype-a, baina kanpoko inork ez dit deitu. Aldiz, etxean martxan jarri eta bost minutura sukaldetik korrika etorri behar izan dut "ordenagailua" jo eta jo zegoela. Joxe zen, Joxe Aranzabal. Ederki entzuten zen eta gustora hitz egin dugu 10 minutuz.
Gero, lortu dut Skypeout-eko bonoa erostea. Baina Money... ez dakit zein zerbitzuren ordez, gaur goizetik hona PayPal ordainketa zerbitzua jarri dute martxan, eta harekin arazorik gabe ordaindu dut. Gero Gasteizko familiari deitu diogu sistema hori erabiliz. Sorpresa ederra hartu dute!
Patxi, niregatik arazorik ez Skype bidez hitzegiteko. Joxe ere hor daukazue, agian ni baino interes gehiagorekin momentu honetan...