Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Photoshoparen dilema

Photoshoparen dilema

Gari Araolaza 2008/03/04 09:27
Lagun batek duela 10 edo 15 urte darabil Photoshop bere lanerako. Ez dakit inoiz kopia legalik erabili duen. Agian noizbait bai.

Ordenagailu aldaketarekin behingoz kopia legala hartu behar zuela eta hasi da pentsatzen ez ote den hobe aukera aprobetxatuz Gimp-era pasatzea. Izan ere, bere lan gehiena Interneterako denez, ez du Pantone eta CMYK beharrik (Gimp-ek ez du horretarako aukerarik).

Lagun batek ezarri dio Gimp-a, eta hor hasi dira bere ai eta hasperenak. Ezin da ohitu. Saiatu da, behin eta berriz, baina denbora gehiegi darama Photoshoparekin. Hainbeste, bere ordenagailu zaharra (Photoshopa jarrita duena) erabiltzen duela ia denbora osoan, nahiz eta trastero baten barruan egon. Batzutan presa duen zerbait egin behar du eta ez du Gimpeko aukerak bilatzen ibiltzeko denborarik, bestetan aspertuta Gimpekin, Photoshopera itzultzen da.

Begiratu du Photoshopak zein salneurri duen, eta Espainian 1.042 Euro balio ditu. AEBn 649 dolar, 432 Euro inguru. Batetik, mina ematen du halako dirutza ordaintzeak, baina bestetik, hainbeste urtetan doan erabili ondoren, merkea da behingoz ordaintzea.

Kontua da, nola orain arte "doan" izan den, erabili eta erabili egin duela. Ohitu da, eta orain ezin du Photoshop gabe bizi.

Zer egin?

  • 1000 Euroak ordaindu eta Photoshopi lotuta jarraitu?
  • Emuletik deskargatu eta Photoshopi lotuta jarraitu?
  • ... Beste zein aukera du?

 

Zenbat jendek esaten du natural-natural, egunero "bai, gero Photoshoparekin retokatzen ditut eta..."? Zenbat akademiatan ematen dituzte Photoshop ikastaroak? Zenbat KZGunetan Microsoft Officen ikastaroak? Noiz arte? Eta zenbat jendek du Microsoft Office pirata? eta Dreamweaverra, Flasha, Outlooka eta abar? Zenbatek du QuarXPress lizentzia?

Nori datorkio ongi horrela jarraitzeak?

axier::txokolarte
axier::txokolarte dio:
2008/03/05 18:10

Photoshopera ohituta zaudetenontzat, teklatuarekin lan egiten-eta, agian ondo etorriko zaizue Gimpari Photoshoparen lasterteklak jartzea: http://epierce.freeshell.org/gimp/gimp_ps.php

Teketen
Teketen dio:
2008/03/04 15:07

Eta Photoshop itxura hartzen duen GIMP instalazio batekin probatuko bazenu? Hona hemen GIMPshop izeneko proiektu baten helbidea (http://plasticbugs.com/index.php?p=241)

Markel Arizaga
Markel Arizaga dio:
2008/03/04 13:24

Tresna itxiak erabiltzen jarraitzeak, argi eta garbi tresna hauen garatzaileentzat hobe da, nahiz eta programak pirateatuak izan. Azken finean jendea tresna horiek erabiltzera ohitzen da eta zure sarreran gertatzen den bezala, software jakin batekiko menpekotasuna sortzen da. Horren konponbidea, seguraski, denbora pixkat edukitzea da. Programa berrietara ohitzeko denbora hartu eta benetan hauek erabiltzen ikastea. Hala eta guztiz, Photoshop eta GIMP programen kasuan, nik ere Photoshop erosoago aurkitzen dut, eta hori ez noala urteak berarekin. Nere ustetan GIMP-ek aurpegi aldaketa bat behar du bere indar guztia erabiltzaileari era errezago batean iristarazteko.

Gari
Gari dio:
2008/03/06 18:33

Eskerrik asko erantzun duzuen guztioi. Nere laguna hasi da Gimp pixka bat serioago hartzen!

Imamon
Imamon dio:
2008/03/04 19:05

Zure lagunari gertatzen zaion gauza berdina gertatzen zait niri. Biak ditut instalatuta eramangarrian, baina presaka nabilenean Photoshop-a erabiltzen dut. Photoshop-en erabiltzen ditudan komando guztiak buruz dakit, badakit non dauden gauza zehatz bat egiteko filtroa...

Microsoft Office-tik OpenOffice.org-era pasa nintzenean antzerako gauza gertatu zitzaidan. Hasieran galduta sentitzen zara software berrian, baina behin ohituta ez duzu bestearen beharrik izango eta sistematik kenduko duzu

Nik zera egingo nuen: denbora batez biak eduki sisteman. GIMP erabili kasu guztietan eta Photoshop bakarrik denboraz estu zaudenean.

Teketenek esaten duen GIMPshop ere instalatu nuen baina ez zen ondo eramaten nire sistemarekin.

Gari
Gari dio:
2008/03/29 09:14

Eskerrik asko erantzun duzuen guztioi. Hala ere albiste txar bat eman behar dizuet: nere lagunak azkenean Photoshop erosi du. Ohituegi dago eta ez da Gimp-arekin konpontzen. Horrela gertatu da. Pertsona guztiak ez gara berdinak.

Gari
Gari dio:
2008/03/04 13:32

Eskerrik asko erantzunagatik Markel,

Nire kasuan aldiz, Photoshop-a oso gutxi erabili izan dudanez, askoz erosoagoa egiten zait Gimp. Hala ere, seguru Photoshopek gauza asko dituela Gimpak baino hobeak. Baina seguru nago ere, beste gauza asko dituela Gimpak Photoshopak baino hobeak.

axier::txokolarte
axier::txokolarte dio:
2008/03/04 17:56

Neri, bere garaiean Gimpera aldaketa egitea kosta zitzaidan. Photoshopean erabiltzen nituen lasterteklak Gimpen jartzeak asko lagundu zidan: http://epierce.freeshell.org/gimp/gimp_ps.php Gimpa etengabe berritzen dihoa, gaur Barrapunton Gimparentzako erabilerreztasun proposamenak egiteko blog bat topatu dut http://gimp-brainstorm.blogspot.com/

tolon
tolon dio:
2008/03/29 02:22

Kaixo Gari

Software librera migratzen ari garenean, askotan ostopoa izaten da tresna berria menderatzeko dokumentazio edo manual on bat ez izatea.

Gimp-eko manual bat egin du Koro lankideak, hemen dago: http://www.imh.es/dokumentazio-irekia/manuales/curso-de-tratamiento-de-imagenes-con-gimp

Oraingoz erderaz dago, baina euskeratzeko asmoa badugu.

Ibon
Ibon dio:
2008/03/28 17:37

Esan diot Joxeri - http://tinyurl.com/3y63ms - baina zuri ere jakinarazi nahi nizun atzo bertan GIMP instalatu nuela nire eramangarri berrian. Asus F5 berri bat erosi dut, eta Vistarekin zetorren jatorriz. Ala ere, orain arte ez diot programa piratarik instalatu, eta eskuragai dauden alternatiba libreekin egin nahi dut aurrera. Mozilla, Open Office, VLC, GIMP.

Linuxekin izan dudan harremana ez da oso ona izan orain arte. Nere Acer zaharrari nik neuk jarri nion Kubuntu distro bat. Baina Windosi buruz dakidana ez dakit Pingunoari buruz, eta ezin izan nuen nere Wifia kontrolatu, edo Divxak ikusi.

En pin, askatasun kontua da, eta XPtik Vistara pasa naizen modu berean gustatuko litzaidake Ubuntu edo Susera pasatzea. Baina lagun, edo anaia linuxero bat ondoan ez baduzu zaila egiten zait.

Akaso Ubuntu berria datorrela profitatuz instalazio garbi bat egin niezaioken nere eramangarri berriari.

Eskerrik asko.

Ibon

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.