OpenStreetMap - Mapa libreen sorkuntza erabiltzaileon eskura
Gari Araolaza
2008/07/08 16:12
Pasa den astean egin genuen OpenStreetMap (OSM) ikastaroa UEUren Udako Ikastaroetan. Interesa duenarentzat hor jartzen ditut erabili nituen aurkezpena eta apunteak.
Bi egunetako saio bizia izan zen, ikasleen partehartzen handiarekin. Nik behintzat oso ondo pasatu nuen, OSMrekin pasio pixka bat dut eta gogoz azaltzen dizkiot proiektuaren gora beherak entzun nahi didan edonori.
Ikastaroaren emaitzetako bat Bilbo ingurua txukuntzea izan zen. Nahiz eta oraindik pare bat egun falta diren eguneraketa osoa izateko, Bilbo erdialdeko mapa nahikoa aberastu genuen, hurrengoan gehiago!
Norbaitek interesik balu hemen jartzen dizkizuet bertan erabilitako aurkezpena eta apunteak:
Apunteak hemen
Aupa Gari, nik ere oso ondo pasa nuen ikastaroan, benetan interesgarria!
Orain hor nabil Oarsoaldeko mapa egiten.
Ea noiz egiten dugun mapping Party hori!