Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Aukera guztiak eta Monty Python

Aukera guztiak eta Monty Python

Gari Araolaza 2005/03/24 09:19

Aukera Guztiak-en inguruan oraindik ez dut erabakirik entzun, baina itxura guztien arabera inpugnatuko dute eta ezingo dute hauteskundeetara aurkeztu.

Honen inguruan niri Monty Python etortzen zait burura. Garai batean ETBn bazegoen hauen fan-a zen programatzaile bat eta makina bat programa ikusi ahal izan genituen euskaraturik. Makina bat barre egin genuen beraien filma euskaratuekin.

Zehazki The Holy Grail filmako zati bat etortzen zait burura, hemen gaztelaniaz "Los Caballeros de la Mesa Cuadrada" bezala itzuli zena. Ertaroa, sorgin bat harrapatu dute eta erabaki behar erre behar den ala ez, eta nola frogatu behar den hori erabakitzeko. Ba, antzera dago asuntua Aukera Guztiakekin.

Ingelesetik itzultzera ausartu naiz. Barkatu okerrak. Testu originala hemen JENDETZA: Sorgin bat! Sorgin bat! Sorgin bat! Sorgin bat harrapatu dugu! Sorgin bat!
HERRITARRA #1: Sorgin bat harrapatu dugu, erre genezake?
JENDETZA:Erre! Erre!
BEDEVERE: Nola dakizue sorgina dela?
HERRITARRA #2: Sorgin itxura du.
BEDEVERE: Ekarri hona.
SORGINA: Ez naiz sorgina. Ez naiz sorgina.
BEDEVERE: Baina sorgin jantzita zaude.
SORGINA: Beraiek jantzi naute honela.
JENDETZA: Ez, guk ez dugu egin hori, ez.
SORGINA: Eta hau ez da nire sudurra, gezurretakoa da.
BEDEVERE: ...eta?
HERRITARRA #1: Bai, bale. Sudurra guk jarri diogu.
BEDEVERE: Sudurra?
HERRITARRA #1: Eta kapela ere bai - Baina bera sorgina da!
JENDETZA: Erre ezazue! Sorgina! Sorgina! Erre ezazue!
BEDEVERE: Zuek jantzi duzue honela?
JENDETZA: Ez, ez.. ez... bai. Bai, bai, pixka bat, pixka bat.
HERRITARRA #1: Garatxo bat dauka.
BEDEVERE: Zerk eragiten dizue sorgina dela pentsatzea?
HERRITARRA #3: Begira, ni musker bihurtu ninduen.
BEDEVERE: Muskerra?
HERRITARRA #3: Gerora hobetu naiz.
HERRITARRA #2: Erre ezazue dena dela!
JENDETZA: Erre! Erre!
BEDEVERE: Isilik, isilik, isilik! Badaude sorgina den frogatzeko moduak.
JENDETZA: Badaude? Non daude?
BEDEVERE: Esan, zer egiten da sorginekin?
HERRITARRA #2: Erre!
JENDETZA: Erre, denak erre!
BEDEVERE: Eta zer erretzen da sorginetaz aparte?
HERRITARRA #1: Sorgin gehiago!
HERRITARRA #2: Egurra!
BEDEVERE: Orduan, zergatik hartzen dute sua sorginek?
(isiltasun une bat)
HERRITARRA #3: Ba... egurrezkoak direlako...?
BEDEVERE: Ongi!
JENDETZA: A, bai, bai...
BEDEVERE: Orduan, nola jakin egurrezkoa den?
HERRITARRA #1: Berarekin zubi bat eginez.
BEDEVERE: A! baina ezin al dira zubiak harriz ere egin?
HERRITARRA #2: A, bai
BEDEVERE: Egurra uretan murgiltzen da?
HERRITARRA #1: Ez, ez.
HERRITARRA #2: Flotatu egiten du, flotatu egiten du!
HERRITARRA #1: Bota ezazue putzura!
JENDETZA: Putzura!
BEDEVERE: Zer gehiagok flotatzen du?
HERRITARRA #1: Ogiak!
HERRITARRA #2: Sagarrek!
HERRITARRA #3: Harri oso txikiek!
HERRITARRA #1: Sagardoak!
HERRITARRA #2: Saltsa ederrak!
HERRITARRA #1: Gereiziek!
HERRITARRA #2: Lokatzak!
HERRITARRA #3: Eleizek -- Eleizek!
HERRITARRA #2: Berunak - Berunak!
ARTHUR: Ahate batek.
JENDETZA: Oooh.
BEDEVERE: Hori da! orduan, lojikari jarraituz...,
HERRITARRA #1: Ba...berak... ahate baten pisu berdina badu, egurrezkoa izango da.
BEDEVERE: Eta orduan?
HERRITARRA #1: Sorgina!
JENDETZA: Sorgina!
BEDEVERE: Nire eskailera luzeena erabiliko dugu!
(garraisiak)
BEDEVERE: Ongi da, kendu euskarriak!
(whop)
(balantzaka) (zer esanik ez balantza batean jarritakoan ahate eta sorginak pisu berdina zutela.
JENDETZA: Sorgina da! Sorgina da!
SORGINA: Erabaki justua da.
JENDETZA: Erre ezazue! erre ezazue!
(...)

etiketak:
mikel
mikel dio:
2005/03/25 19:40

Seguru nago Conde Pompidou -Dionisio Amondarainen lapsusa?- miresle sutsua dela ingeles zoro horiena. Zoritxarrez disparate handiagoa da errealitatea pelikula baino. Aurkikuntza bikaina. Gari.

Patxi Lurra
Patxi Lurra dio:
2005/03/27 18:39

("Life of Brian" pelikulatik hartutako pasartea):

BRIAN: Ez deutsagu alkarreri borroka egin behar! Zalantza barik, amankomuneko etsaiaren aurka batuta egon behar izango ginateke! TERRORISTA ETA IRAULTZAILE GUZTIAK BRIAN IZAN EZIK: Herriko Frente Judatarra?! BRIAN: Ez, ez, Erromatarrak! TERRORISTA ETA IRAULTZAILE GUZTIAK BRIAN IZAN EZIK: A, bai... bai. Arrazoia deuko. Erromatarrak.

Geure artean be, abertzale ilegalizatu askok ("Judeako Herriko Frontea") pentsatzen dau amankomuneko etsaia abertzale legalak direla ("Herriko Fronte Judutarra"), eta hainbat abertzale legalek abertzale ilegalizatuak direla...

Always look on the bright side of life.

Jabi
Jabi dio:
2005/03/24 14:15

Aplastante edo zapaltzailea, edo zapaltzailearen logika. Argudioak barik falaziak baizik ez dira Espainiako diskurtso publikoan, logikaz, zuzenbide erromatarrez edo sozialdemokraziaz mozorroturik baina Isabel eta Fernandoren garaian bezain "aplastantea".

erral
erral dio:
2005/03/24 15:43

Nahi baduzu nik DIVX formatuan daukat Los caballeros de la mesa cuadrada ;)

asier
asier dio:
2005/03/24 22:17

Geniala.

eneko
eneko dio:
2005/03/25 01:41

Oso ona, bai. Zoritxarrez, erreala XXI mendean.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.