Markinako bidegorria OpenStreetMap proiektuan
Gari Araolaza
2009/10/06 12:50
Igandean lagun batzuei esker Markinako bidegorria ezagutu nuen. Izen eibartarra du gainera: Urko-bidea.
Asko gustatu zitzaidan bidegorria:
- Aparkaleku zabala, Ansotegi hotel-jatetxe alboan.
- 3 kilometro dira guztira, Markinatik Etxebarriako industrialdea bukatzen den tokiraino. Joan eta etorri 6 kilometro beraz.
- Lurzoru oso egokia, baita patinatzeko ere.
- Toki oso ederra, Urko erreka bazterrean, harrizko zubi zoragarriak, amuarrainak errekan, zati handia zuhaitz artean...
GPS-a eraman nuenez, ibilbide osoa grabatu eta OSM proiektura kargatu ahal izan nuen.
- Urko bidea, mapa. (marra urdinak adierazten du bidea)
- Urko bidea, argazkiak
OpenCycleMap
OpenStreetMap proiektua erabiliz, bizikletan ibiltzeko munduko mapa egiten ari dira, datuak beste modu batean erakutsita. Oraindik bide hau ez da azaldu, baina hurrengo egunetan baietz hemen ere ikusi!
- Urko bidea, bizikleta mapa (OpenCycleMap)
Aupa Gari:
Etxebarritarren bat sartzen bada ere, argi utzi behar da bidegorria Etxebarrikoa dela, hasieratik amaierara. Kanpoko jendeak "Markinako bidegorria" izenez ezagutzen du baina Markinako parterantz dagoen bidearen muturra ere Etxebarrikoa da. Markinarra naizen arren, esaerak dioena bete behar da: "bakoitzari berea, hori da zuzenbidea". Ondo izan!