Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Mapapel.com : Inprimatzeko mapak

Mapapel.com : Inprimatzeko mapak

Gari Araolaza 2009/07/14 07:17
Ideia berri bat jarri dugu martxan azken egunotan. Hiri bat bisitatzera doazenek paperezko mapa bat izateko aukera eskaintzen digu mapapel.com-ek.

Zergatik mapapel.com?

Jendeak Googlen mapa de san sebastian eta plano san sebastian

bezalakoak bilatzen ditu. Horretaz konturatuta geunden.

 Mapapel.com: mapas para imprimir

Tokiren bat bisitatzera zoazenean, joan aurretik tokiko mapa lortzea zaila izaten da. Google Maps-etik inprimatzea ere ez da soluzio ona izaten, ez bait da erraza izaten zoom mailarekin azertatzea: edo bista orokorra (eta detaile gutxi) edo bista detailatua (eta ingurune oso txikia). Horretan laguntzera dator mapapel.com.

Helburua da DIN A-4 batean toki batetako mapa ikuspegi erabilgarrienak inprimatu ahal izatea, beste informazio gehigarriekin hornituta.

Oraingoz Donostiako mapa bakarrik jarri dugu eta gaztelaniaz dabilen publikoari zuzenduta atera dugu. Etorkizunean joango gara horiek denak osatzen, baina oraindik proiektuaren bideragarritasuna ere aztertzen ari gara.

Prototipo bat da

Orain ikusten dena ez da gero izango den zerbitzua, inolaz ere. Mapapel-entzat ideia asko ditugu kutxan gordeta. Webgune eta mapa hori prototipo bat dira, eta publikatu eta lehen asteotan ematen ari den emaitzak neurtzen ari gara. Horretarako erabiltzen ari gara.

Prototipoa La Personnalité-ko lagunekin batera prestatu dugu, esperimentu honetan parte hartzeko prest agertu dira eta.

Mapak zuzenean OpenStreetMap-etik atera ditugu, bere lizentziak edozein erabilera baimentzen duela aprobetxatuz. Konturatuko zineten kale izen guztiak euskaraz daudela, ez da?

Proiektu txikiak eta frogak Interneten

Sarearen abantailetako bat da hau. Ideia bat duzula? Ez egon zai eta egin froga bat, ea emaitzarik lortzeko aukerarik dagoen ala ez. Horrela aztertu ahal izango duzu zein zailtasun dauden, konpetentzia askorik dagoen, eta abar. Frogak egitea merkea da sarean. Ez egon proiektu handien zai!

Goio Arana
Goio Arana dio:
2009/07/14 14:56

Oso ideia polita da. Zorionak! Baina, zergatik jarri diozue izena gasteleraz? "Mapaper" jarriz gero, euskararena eta ingelesena konponduko zenukete...

umarkiegi
umarkiegi dio:
2009/07/14 20:39

Ideia bikaina iruditzen ziat! Zorionak! Nola eta nork eguneratzen ditu edukiak (OpenStreetMap alde batetara utziaz)? Hau da nork aukeratzen ditu zeintzuk diren ikusi beharreko guneak (lekuan lekuko CAT etab?). Askotan hirietan hartzen diren "dohako mapak" iragazkiez josita daude... hori ez dut gustoko ;-) Animo! Laster arte

Julen
Julen dio:
2009/07/14 12:36

Oso ona, Gari. Animo honekin ere bai!

Gari
Gari dio:
2009/07/14 15:13

Eskerrik asko bioi!

Goio, nahiko txiripa izan da dominio hori libre egotea (mapaper ez). Agian, arriskatu eta mapaper ere erosiko dugu, salgai daukate eta.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.