Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Nola sortu GPSrako ahotsak

Nola sortu GPSrako ahotsak

Gari Araolaza 2008/06/01 10:22
Zure TomTomerako ahots fitxategi partikularrak egitea ez da konplexua. Pauso batzuk jarraitu eta nahiko erraz lortzen da, oinarrizko informatika eta audio ezagutzak behar dira.

Honako hau laburpen bat da. Zuzenean iturrietara joan nahi baduzu, hona hemen loturak:

 

Testuak prestatu

Ulertu ongi nola egin behar den lana, eta testuen fitxategia deskargatu ondoren, prestatu zure testu zerrenda. Kontutan izan euskararen kasuan moldaketak behar direla. Esaldiak osatzeko grabazio zatiak itsasten direnez eta hizkuntza bakoitzean ordena berdina ez denez, honelako gauzak egin beharko dira:

Ingelesez:   After   ->   200   ->   Meters  ->   Turn right.

Euskaraz:    ....(hutsik utzi)  ->  200    ->  Metrora ->  Biratu eskuinera.

 

Ahotsa grabatu

Ahots fitxategiak MP3 formatuaren lehengusu librean prestatu behar dira, hau da, OGG formatuan. Horretarako tresna egokiena Audacity audio editore librea da. Linux, Windows eta Mac bertsioetan duzu Audacity hau.

Ahalik eta kondizio onenetan egin grabaketa. Mikrofono on bat, toki isila, grabazio maila ongi jarri eta abar. Gure kasuan material profesionala lortu zuen Jatsuk, baina gutxiagorekin ere balioko du, seguru.

Testu zerrenda hartu eta banaka-banaka grabatu testuak. Lasai. Grabazioa bera ordu laurdeneko lana da, testu motzak dira eta.

Ahots fitxategiak prestatu

Ahots fitxategiak moldatzeko komeni da audioaren inguruko ezagutza minimo batzuk izatea. Grabazio zati bakoitzari hasierako eta bukaerako espazio hutsak kendu, grabazio maila normalizatu (zati guztiek antzerako bolumena izan dezaten) eta inguruko zarata filtratu. Hasieran aipatzen dudan gida horretan oso ongi zehaztuta dago.

Lan astunagoa da audio fitxategi bakoitzari dagokion izena ematea. Izan ere, enpaketatzeko programak izen jakin bateko fitxategiak bilatzen ditu eta gure grabazio zatiei fitxategi izen horiek eman behar dizkiegu. Horretarako badago gidan "Template OGG file names" izeneakoa. Handik deskargatu eta eredu moduan erabili.

Ahotsak enpaketatu

Karpeta batean gorde behar ditugu OGG ahots fitxategi guztiak, VIF fitxategi bat (testu fitxategi arrunt bat, non azaltzen den zein hizlari eta hizkuntzari dagokion) eta nahi bada irudi bat BMP formatuan, gero TomTom programak erakutsiko duena gure ahotsa aukeratzeko momentuan.

Viftool programarekin, ahots fitxategi guztiekin .CHK fitxategi bat sortuko dugu. Horixe da fitxategi nagusia.

Listo!   .chk, .vif eta .bmp fitxategiak batera gorde eta horixe da TomTom-ean gorde behar duguna.

etiketak: , ,
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.