Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Herri bakoitzean errausgailu bat

Herri bakoitzean errausgailu bat

Gari Araolaza 2012/02/26 10:21
Zaborrez beteta gaude eta hala ere inguruan ez dut sentsibilitate handirik nabari. Badirudi oraingoan ere "arazoa konpon diezadatela" dela jendearen erantzuna.

Eibarren berriki ezarri dute kale batzuetan kontenedore marroia. Oraingoz aukerakoa da, norberak erabakitzen du birziklatu nahi duen ala ez. Niri ez zait tokatu, baina tokatu zaion norbaiti entzun diot bere pegoran gutxik hartu dutela aukera hori.

Ez gaude mentalizatuta. Zaborrak gureak dira, ez dira inorenak. Guk botatzen ditugu janari, patata azal, plastiko eta yogur poteak. 

Bi aukera ditugu: arazoa guk konpondu edo norbaiti (asko, izugarri!) ordaindu lan hori egin dezan. Nik uste dut ohitura kontua dela, eta horrela denez, hobe ohiturak aldatzea, ala?

Proposamen bat: Foru Aldundiak planifikatu ditzala errausgailu txikiak, ia herri bakoitzean. Kontzientzia batzuk esnatuko ditu, ala?

Argazkian, gure enpresako bulego parean dauden Azitaingo errausgailu zaharrak. Errausgailuak ez dira atzo gaueko asmakizuna.

Eibar - Incineradora

etiketak: ,
Amatiño
Amatiño dio:
2012/02/26 13:01

Ez, ez dira asmakizun berria. Akeikoa ere (Kanpantzar barrenean) 1997an itxi zen, Aldundiaren aginduz, ordurako europar arautegia betetzen ez zuelako.

Horixe da gure arteko kontraesana. Baldintzak betetzen ez dituzten energia-instalazio zaharkituak Europak itxiarazi behar izaten ditu, inoren aldarririk gabe. Eta Europako Batasunaren arauak zorrotz asko betetzen dituzten teknologiak berriek, aldiz, kontrako jarrera zaratatsua eragin ohi dute.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.