Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Mutrikuko portu berria

Mutrikuko portu berria

Gari Araolaza 2005/08/25 17:09

Gauzak programatuta bezala badoaz, irailaren bukaera aldera hasiko dira Mutrikuko portu berria eraikitzeko lanak.

Mutrikun desagertzera doana

Beste edozerren gainetik argi gelditu dena da, instituzioek ez dutela informazioa argi eman nahi izan. Informazio asko ematen zutenaren itxurak eginez prentsa oharrak ugariak izan dira, Aman-en bisitak Mutrikura, medio eta talde jakin batzuei informazio filtrazioak eta abar. Hala ere oraindik argi geratu ez dena da, zein helburu duen obra handi horrek, zertarako egingo duten triskantza hori.

Arrantza portua zela hasieran (zeren arrantza?), gero kirol portua (eta orain dagoen hutsune guztiarekin?), gero merkantzia portua (zein errepide edo trenbiderekin lotuta?). Edonola ere, proiektatuta dagoena ez da gauza txikia, Ondarroa edo Bermeori, Hondarribiari, edo Pasaiari hurrenez-hurren konpetentzia zuzena egingo liokeen portua (kar, kar...).

Gero, aitzakiren baten bila itxura batean, olatuen bidez energia sortzeko esperimentazio gunea egingo zutela. Hurrena futbol zelaia izango da, obra guzti hori zerbaiterako aprobetxatu behar bada behintzat. Azken hau ez diot brometan, gaur egungo tokitik kendu nahian dabiltza eta. Operazio inmobiliarioak, badakizue.

Laburpen sinplista bat egiteko baimena hartuta, hona hemen nere iritzia:

Euskal portu guztietan dirutza handiak inbertitu dira azken urteetan, batzuk arrantzarako, beste batzuk kirolerako, beste batzuetan sarrera-irteerak hobetze aldera eta abar. Hasi Hondarribiatik eta herri guztietan gastatu da dirua, Mutrikun ezik.

Azkenean, Mutrikuarrek hainbeste protesta egin zuten, Mutrikun ere dirutza gastatu behar zela erabaki zutela Jaurlaritzan, konpentsatzeko edo. Horra hor obra faraonikoa, herritarrek azkenean pozez hartu zutena hasiera batean: "Gutxienez zerbait egin dezatela" izan da Mutrikun entzuten zena. Zerbait bai, baina edozer?

Sei edo zazpi lantalde sortu dira herrian, gehienak proiektu honen aurka, eta aspaldian batera lanean dabiltzanak, eta orain herritarren artean buelta etortzen hasi da. Mutrikun ez dago hain garbi obra hori behar dutenik. Nahiago lukete seguru diru hori errepide hobe bat egiten xahutzea, baina portuetako diruak dira, ez errepidetakoak.

Balio duen aitzaki bakarra da, portuan sartzeko arazo handiak daudela eguraldi txarra dagoenean. Bale, hortan plataforma guztiak ados daude, zerbait egin behar da konpontzeko. Baina horretarako nahikoa zen babes molla bat, eta ez megaproiektu hau.

Diruak lotuta dituzte jadanik, enpresa handiak kontratuak sinatuta... Zer egin daiteke? Aurrera jarraitu.

Ni ez naiz Mutrikuarra, baina Leizaran, Itoiz edo antzerakoen inguruan ere kanpokoei ez zaie beraien iritzia emateko aukera egotzi.

Astakeria handia da, eta niregatik ez dezatela egin.

Mutrikuko taldeen webgunea

etiketak:
eguzkie
eguzkie dio:
2006/11/23 13:13

ez daukat proiektuaren berri. baina hartu dut informazioa. futboi zelaiaren inguruko proiektuaren berri ba al daukazue? honen gainean lan bat egin beharra daukat eta gustura jasoko nuke informazioa eta iritziak. eskerrik asko.

Gari
Gari dio:
2005/09/11 16:12

Udaleko alderdi politikoek onartu omen zuten proiektua, eta ez omen da beste baieztapenik behar. (argi dago baietz, behar dela)

Patxi
Patxi dio:
2005/09/11 04:24

Kanpokoen iritzia onartzen ez duenik badago, batez ere, beretzako kalte.

Nik ez det ezagutzen proiektua, eta ezin iritzirik eman.

Hala ere, bai deitzen dit atentzioa, herri-kontsultari zaion ikara, Mutrikun eta beste hainbat tokitan.

Batez ere, hainbatetan gertatu bada ere, politiko gutxi batzuren interes espekulatiboengatik, kalte ekologiko konponezinak gertatzea.

Demokrazia baino, partidokrazia.

Ze arrazoi ematen dute, kontsulta ukatzeko? Gustora entzungo nituzke.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.