Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Txikiak gara

Txikiak gara

Gari Araolaza 2007/05/28 16:40

Txikiak gara. Hori da atzoko bidaiaz gelditu zaidan sentsazioa.

Luistxorekin etorri naiz Where 2.0 kongresura . Hauek konferentzia/conference esaten diote. Saiatuko naiz tarteka hemen zerbait kontatzen.

Atzoko bidaia Eibar, Donostia, Biarritz, Paris, Atlanta, San Jose izan zen. Ia 24 ordu guztira.

Haundia egin zitzaidan Parisko Roissy-CDG aireportua . Lehen astero ibiltzen nintzen han, baina atzo inoiz baino handiagoa iruditu zitzaidan. Haunditze lanak non nahi, hiru autobus hartu behar, jendetza pasiloetan...

Euskal Herria oso txikia iruditu zitzaidan Groenlandia airetik ikustean. Kilometroak joan eta kilometroak joan, eta beti harriz eta zuhaitz txikiez osatutako paisaia ikusten jarraitzen nuen, toki guztietan laku eta putzuz zeharkatuta.

Zer esanik ez, Canadan eta AEBn sartu ginenean. Zenbat forma borobil ikusi ote nituen, nekazariek ureztatzen sistemekin egiten dituztenak.

Eta Atlantara iristea, zuhaitzen artean ezkutatutako hainbeste etxe txiki (eta ez hain txiki), bakoitza bere autoa gordetzeko kolore argiko malda txiki horrekin.

Txikiak gara. Inork ez daki izan ba ote garen ere. Tagzania ere oso txikia da, baina guk erakutsi beharko diegu. Saiatuko gara gure zulotxotik burua jaso eta iepa egiten. Gaur Luistxoren txanda izango da

etiketak:
patxadatsua
patxadatsua dio:
2007/05/29 11:07

Kaixo Gari, deskripzio ederra egin duzu! bertan zurekin joateko gogoa sartzen zaio bati irakurtzerakoan.

Lasai, ez garela hain txikiak, badakitzu dena erlatiboa dela. Beraientzat txikiak izango gara, baina guretzat...

Gero arte eta ondo ibili!

Ainhoa
Ainhoa dio:
2007/05/29 11:02

Txikiak bai, eskasak ez...

gozatu ahal beste!

haritz
haritz dio:
2007/05/28 23:39

Jigoro Kano gizon handia ere txikia zen...

Lan eskerga egiten duzue. Ondo ibili!

Joxe Aranzabal
Joxe Aranzabal dio:
2007/05/28 21:56

Txikiak izango gara, Gari, baina zuek bezalako morroiek egiten dute herri bat handi. Aupa zuek!

iturri
iturri dio:
2007/05/28 21:52

Aupa Gari:

Txikitasunak ere badu zirrara sortzeko gaitasuna.

Animo.

Patxi
Patxi dio:
2007/05/28 21:01

Txikiak gera oso, baina errusiaren zabalera daukagula sinistuta gaude, nola ulertu bestela euskal Y-a.

Ondo pasa!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.