Zorionak IKTeroei
Gari Araolaza
2007/01/26 17:51
Poz handia hartu dut jakitean IKTeroak izan direla Sareko Argiaren aurtengo irabazleak . Merezi dute benetan, zenbat dedikazio eta ardura, eta zenbat aldiz asmatu duten gauzak ongi egiten. Izan ere beste askok ez dugu lortzen beraiek lortzen duten dibulgazio helburua betetzea.
Sustatun irakurri dudan moduan, jende gutxi harrituko du albisteak
Zorionak eta jarraitu aurrera!
Proiektuak abian jartzean beti sortzen dira kezkak eta zalantzak; "zernolako harrera izango ote du gure ekimenak?" galdetzen diozu behin eta berriro zure buruari.
Horrelakoen aurrean garrantzitsua izaten da ingurukoen animoak jasotzea; bizkarrean kolpetxo batzuk nahikoak izaten dira hasierako kezka horiek zeharo desagertzeko.
Hori da zuengandik jaso genuena hasiera hasieratik. Eneko, Luistxo eta zure iruzkinek hasierako lotsa eta bildur haiek gainetik kentzeko primerako sendagaiak izan ziren. Eskerrak eman nahi dizkizuet horregatik eta, ia bi urte hauek igaro ondoren, oraindik hainbeste estimatzen ditudan goiko hitz goxo horiek eskaintzeagatik. Zuekin zorretan gaude.