Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua / Datu digitalen babesa eta fideltasuna

Datu digitalen babesa eta fideltasuna

Gari Araolaza 2006/06/27 23:29

Aspaldi esan ziguten datu digitalek ez dutela galerarik. Kasette edo binilo diska analogikoek ez bezala, informazioa (testua dela, musika, irudiak edo bideoa) modu digitalean izatean ez du kalitaterik galtzen.

Mark Pilgrim hacker ezagunaren arabera gezur handia da. Mark 1983tik da Macintosh-en erabiltzailea, eta denbora tarte honetan dozena bat testu prozesadore erabili ditu. Bere idatziak ongi gordeta ditu, eta bertsio eguneraketak egiten joan da denboran zehar. Honelako lan bat egin izan duenak ondotxo daki hasierako testua okertzen doala, formatuak, parrafoak... auskalo zer aldatuko den; are gehiago bertsio bat bestearen atzetik erabiltzen badugu.

Arazo garrantzitsua jarri du mahai gainean Mark Pilgrim-ek, eta erabaki radikala hartu du: Mac ahaztu eta Linux Ubuntura paso egitea. Arrazoia? konturatu delako Mac-aren e-posta programa batek estandarra ez den formatu batean gordetzen zituela bere mezu guztiak, berak kontrakoa uste bazuen ere.

Gutenberg proiektuaren erabakia ere aipatzen du. Hauek liburu guztiak ASCII-an gordetzen dituzte. Ez Word, ez PDF eta ez kristorik, badaezpada ere.

Ni ere asko arduratzen nau gai honek. Argazki zaharrak nola antolatu, nola ordenatu da nire arazoa. Oraindik ez dut soluzio egokirik aurkitu.

etiketak: e-gizartea
aitzol
aitzol dio:
2006/06/28 10:54

Argazkiak ordenatu eta etiketatzeko nik DigiKam erabiltzen dut. Informazioa SQLite datu base batean gordetzen du, hainbat esportazio metodo ematen ditu, argazkiak kategorizatu daitezke eta argazkiak ikutzeko aukera minimo batzuk ematen ditu.

kingston
kingston dio:
2006/06/29 00:43

Atzo 80 gigako disko zurrun eramangarri bat apurtu zitzaidan eta horrekin batera azken hilabetean lagun batek egindako laburmetrai bat, kopia bakarra.

Diskoa ez zen erori eta ez zuen kolperik jaso, nire ordenagailura datuak bidaltzen nenbilela gertatu zen: bapatean dena blokeatu zen eta ordutik ona ezin da diskoaren edukirik ikusi (F:/ disco duro dañado).

Kontuz disko zurrun eramangarriekin! hor datuen babeza ez du inork bermatzen.

Arinago kopiatu ahal izan nuen eta salbu geratu den beste laburmetraia Google Videora igo dut eta beste hiru kopia ditut orain cdtan.

Hau ez dut galtzen:

http://www.egocast.es/txo

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.

Mastodon