Zeu bai abilla
Oiñ arte ziharka baiño aittatu ez badogu be, gure umeclastia ikastaro honetan (1,5 kredituko balixokua Umegogía Fakultatean), autoestimua neurri barik harrotzian balixua azpimarrauko dogu gaur. Barrakeruan algodoia lez gura dogun tamaiñua emon bageinkixo... zergaittik konformau 10 litroko harrotasun dosisakin, 50ekua eskura badakagu?
“Arte” morokuak izaten dira horretarako aukera aproposenak: musikia, aktoretzia, pintturia... edozein diziplinak, egixa esan, emoten desku aukeria umiak egindako edozein truño gure artista konsagrauen pareko Obria lez adoratzeko. Baiña ez hori bakarrik: umiak egitten daben ixa edozein gauza (hankakojo maisuki ibiltzia, esate baterako) balio desku adoraziñuhau burutzeko: baldintza bakarra komentarixo superlatibuak egittia da “Enneeeeeeee... zeu bai abilla!”, “Jasssausssss... bai jostaillu politta!”, “Krrriiiiiixto bendito.... plazako zapata polittenak, zeuriak!”, “Halaaaaa... beste iñok baiño marrazki ikusgarrixaguak egitten dittu ume honek barren!”... etc, etc, etc...
Argi ibilli gero, eta fiñ jarraittu hónek aholku pedologikuok. Urte askotako esperientzixiak erakusten desku hori –y sólo hori- dala egunen baten Madrilleko nere lagun jipi háren umian kaso eredugarrira allegatzeko modua: etxeko erregetxuak, gittarria “hain ondo” jotzen zebala guztiz barneratuta, ez siñisteko traumia hartu zebanekua. Kontua da gurasuak gittarria “benetan ondo” jotzen zeban lagun baten bisittia jaso zebela baten, eta honek, umiakin jolasteko asmotan, gittarria hartu eta berakin jotzen hasi zala. Ikustekua izan zan umian arpegixa: bera baiño hobeto jotzen zebala konturatu ahala, negarrez eta protestan hasi zan, histeria atakian amaittu arte. Eskerrak gurasuak eranzun bizkor eta egokixa emon zebela, etxeko erregetxuari bihotzekuak jo aurretik: lagunari gittarria kendu eta umian aurrian gittarria gehixago ez jotzeko eskatzia. Logikua; zer bestela?
****
EGUNERAKETA: 2023-I-14ian, amaittutzat emoten dot nere "guraso estreinatu berri" fasia; atzetik etorriko dirazenendako, erabilgarrixa izan leikialakuan, momorró txiki bat sortzeko aholku guztiak hamentxe ipiñi dittudaz.
