Umien arteko bortizkerixia
Hauxe da egunotan etorri jakun kartia.
Senide agurgarriok:
GURE SEME-ALABEN ELKARBIZITZA HOBETZEKO planaren barruan bigarren faseari hasiera eman nahi diogu.
Aurrekoan esan bezala, gure seme-alaben arteko irainak; hitz itsusiak, burlak eta bazterketak geldiaraztea eta epe ertainean guztiz desagertzea da planaren helburu nagusia. Eta, horretarako, senideon, eskolako langileon eta herritarron lankidetza ezinbestekoa da, badakigulako arazoek eskolako, etxeetako eta kaleetako mugak gainditzen dituztela eta nonahi ematen direla.
Planaren bigarren fasearen hasiera, berriz ere, hizlari ospetsu baten eskutik egin nahi dugu, eta horretarako Gironako Unibertsitateko Pedagogiako irakaslea den PATRICIA MELGAR Doktoresa etorriko zaigu.
Hori dela eta, gonbidapena luzatu nahi dizuegu senide, ikasle, begirale, irakasle eta etorri nahi duzuen guztioi zabalik egongo den hitzaldira .
Beraz, ba, gure seme-alaben afektibitate, harreman eta bizi kalitatea landuko den hitzaldian elkar ikusiko dugulakoan, adeitasunez agurtzen zaituztegu. .
Hitzaldia: "VIOLENCIA 0 DESDE LOS 0 AÑOS"
Eguna: Urtarrilak 20, martitzena, arratsaldeko 18,00etan.
Lekua: IKUSGARRI ZINE ARETOA
Lekeition 2015eko urtarrilaren 9an.
Lekeitioko Haurreskola, Lekeitioko Eskola Publikoa, Lekeitioko Institutua.
Patricia Melgar es doctora y profesora asociada en el departamento de Pedagogía de la Universidad de Girona. Pertenece al CREA - Centro Especial en Teorías y Prácticas de Superación de Desigualdades de la Universidad de Barcelona. Sus líneas de investigación son violencia de género, de manera específica en género y educación, y socialización preventiva de la violencia de género. Ha participado en diferentes investigaciones del Plan Nacional I+D, sobre estas temáticas.
