"Lume" garbigailua (Eibar)
EGUNERAKETA 2021-II-4: halako gauzak, hobe erakustoki baten egotia norbere etxian baiño. Horregaittik Armagintzan Museokuei galdetu netsen; baitta eurak be erantzun, pozik hartuko leukiela. Eta ez bakarrik hori! Hillabetez, gure labadoratxo hau eta beste bat "Hilleko pieza" modura ipiñi zittuezen, ohorezko lekuan. Orraittiokan!
Kapsula extraterrestre itxurako gaillu honen lehelengo barrixa Ego Ibarra komisiñuan bidez izan neban, zeharka. Abrillan 8xan, "Eibar Industrial" pelikula famatuan hainbeste fotograma aurkezten zittuezen, bertan agertzen dan jentia identifikau nahixan. Fotogramon artian bat nabarmentzen zan: B-52 orrazkeradun andrak, loterixako bonbo moduko batzuk manipulatzen. Zer ete zan hori?
Egunian bertan, artikulua "Antzinako Eibar" facebookeko taldian partekatu neban. Bertan Jesus Iparragirrek segiduan identifikau zeskuan gaillua: eskuz garbitzeko gaillua, Lume markakua, Ubitxa 1 -1º lantegixan egindakua. Dato gehixago be emon zeskuazen: enpresian ugezaba Alfredo Garmendia Batiz zala, eta lokala Jose Luis Gorrotxategi modelistian gaiñian zeguala; argazki honetan ikusten dirazen eskillaren parian, lehelengo pisoko hiru leiho zaharretan.
Kasualidadiak zelakuak dirazen: maiatzan 19xan, Lekeittion, kontsultatik etxera nindoiala, gure kalian (Bixkokalia) Alonsoneko antiguedade denda paretik pasatzian, betiko legez barrura kuku bat egin eta... hara nun ikusten doten Lume bat, atian bertan, erdi-erdixan! Hautsez beteta, itxuraz ezagun batek ganbaria garbittu eta berari emonda, saltzeko. Ez bat, ez bi: zenbatian salduko leukian, regateo pixkat eta... etxera! Nere sorpresarako, erabiltzeko moduan dago: kanpoko enbellezedore kromatua eta hankia kenduta, ugar pixkatekin, bonbuan korputzak ez daka ugar pikor txikirik bez! Tapian gomazko itxituria be egoera onian...
Ondiok ez dakitt zer egingo doten berakin; baiña ezin izan detsat eutsi arkeologia industrial domestiko ale eder hori eskuratzeko tentaldixari! Pixkaka pixkaka, nere "gauza inutillen museuan" badoiaz gauzak pillatzen...
Prozeduriari buruz, ez nago seguro berez zelan erabilliko zan. Baiña pentsau leike, sasoi horretan, etxietan argi indar elektrikua egonda be, gela bakotxian entxufe bakarra izango zala. Sukalde askotan, su ekonomikua. Eta harraskak (harrizkuak). Imajinatzen dot halako zeozer izango zala: txapan ur-lapiko bat berotu; garbigailluan ontzixa harekin bete; erropia eta jaboia sartu; manibelaz bueltaka X denporaz euki eta gero, zabaldu eta harraskara bota; eta han aklarau. Edo.
Any gehigarry information will be ongi etorry!
