Eskorbuto aditzen - 1987
Elgoibarko gaztetxia 1987xan. Irudixa: Angel Azpiazu.
1987xan urten zuan "Los demenciales chicos acelerados" baiña ni enterau be ez nintzuan egin (diskua 90ko hamarkada amaieran jirau najuan, ohiko moduan testuingurutik kanpo, eta tira, arraro xamarra begittandu jataan, baiña beste barik). Eta hara nun, oin Eskorbuto "aitzen" nabillela, konturatu naizen zer eta... opera rock bat dala!! Sorpresa itzala izan dok hori. Hau da: disko kontzeptuala, hari argumental baten inguruan oso-osorik sortutakua. Arraixua! Izan be, ointxe jakin juat, baitta be, Josu "The Who" taldian zale amorratua zala ("The Ju", berarendako urte askuan). Eta hori jakinda, oin bai, bere kantu batzuen konplejutasuna hobeto ulertzen dok (ixa-ixa rock progresibua!). Dramatikua be badok: zaldixak apurtuta be, Eskorbutokuen jenialtasuna bor-bor urtetzen segidu zuan; noraiñok allegauko ete zittuan, 30 urtekin hil izango ez balitzaz?? Grazia haundixa be egin jestak, diskografikeri zirixa sartu zetsela jakitziak: master bera birrittan saldu! (Discos Suicidas eta Twins konpañixeri).
"Los demenciales..." ez zuan zuzenian jotzeko egokixa kontizu, eta kontzertuetan betiko martxan segidu juen. Orduko grabaziño batzuk topau jittuadaz, bestiak beste:
- Riojan jotako kontzertu bat, "Sin fronteras, ni gobiernos" izenburuakin editauta.
- Lakuntzan. Hau eurak soiñu mahaittik zuzenian grabautakua ei dok. Argitaratu dabenak hauxe jiñok: "Estos directos los vendian el Iosu y el Jualma por 4 duros en el Casco Viejo de Bilbao". Eta bai: horri esker, zuzeneko ugari ei jagozak hor zihar bueltaka! Hamen bilduma bat (nik ez jittuadaz danak entzun)
- Torá (Lleida). Itxuraz, ordurako "¿Queréis ver a Eskorbuto, o a la gente? ¡¡A LA GENTE!!" bromia rekurrentia bihurtuta jeguan; hamen be agertzen dok-eta, 16:40 bueltan, jentia eszenarixuaz eta mikrofonuaz jabetuta edo.
Eta radixuan zer? Neure mixtapeak, gero eta gehixago (arrebianeko musika-katian, nagusiki), baiña ordurako Elgoibarko tabernetan (eta Gaztetxian!) ibiltzen hasitta najenguan, eta hantxe: "Notorious", "Me cuesta tanto olvidarte", "The final countdown", "Walk like an egyptian", "Como un susurro", "37 grados", "Call me", "Wizar wizar you", The Communards multimix, "Corazón de neón", "In the ominaw", "Voyage voyage", "Nothing's gonna stop me now", "It's a sin" ("Pechos Boys" izeneko talde barri baten ahotik), "La bamba", "Boys, boys, boys", "Never gonna give you up", "La sangre de tu tristeza", "Faith"...
