Eskorbuto aditzen - 1984
1984ko Zona Especial Norte dator gero (Spansuls, RIPekin erdibana), hau be ezagutzen nebana, soiñu kalidade onakin. Baiña urte honetako beste grabaketa bat be topau juat, Bilboko Aste Nagusian emondako kontzertu batena "Que corra la sangre". Super interesgarrixa. Ordurako abertzaliekingo polemikia martxan jeguan, eta etxakixat horregaittik-edo, baiña zuzeneko hori oso jente gitxiren aurrian jo juen. Soiñuari aittuta, ezagun dok ez zeguazela 20-40 ikusle baio gehixago, kriston anbientiakin hori bai: jentia eszenarixora igota, poliziakuak mikrua hartu eta llamada al orden eginda... "queréis ver a Eskorbuto, o a la gente?" A LA GENTE!! ("Oh no!" kantuan hasieran).
Urte horretakua dok, baitta be, topau doten elkarrizketarik polittena: lehen aittatutako solasaldixa, Erandixon egindakua Roge Blasco eta Roberto Mosokin. Ordu ta piko dok, baiña osorik entzutzia merezi jok!
Hain zuzen be, 1984 urte horretxetakua dok nere lehelengo punk oroitzapen konszientia. Jon Gallastegi auzoko lagunan etxian izan zuan; Jon ni baiño urtebete zaharragua zuan, eta erdi ezkutuan (mahai baten azpixan, zehazki), cassette reproduktore bat ipiñi jestan, bertatik soiñu enigmatiko eskatologiko hau botata: "...come mierda higienizada, come mierda concentrada, come mierda deliciosa...". La Polla Recordsen lehelengo diskua, "Salve".
Etxian ez gajenkan radiocassettik, beraz gure sukaldeko radixotik mainstreama urtetzen zuan: "Ene maite, ene maite, ene maite Kattalin...", "Tirauki-triki-trauki mailuaren hotsa...", "Gure Violeta maitea, dantzan egizu martxea...", "Gaur goizian jeiki naiz, suerte onian...", "Aita semeak tabernan daude...", "Guretzat berdin dira astea eta jaia...", "Oi Pello Pello, logale nauk eta jinen niza ohera...", "Korrika, korrika, sartu hadi Korrikan...", "Agur zoriiionak irabazleari, itsasoa ez da agortuko oraindikan...", "Thriller", "El pistolero ha llegado ya a la ciudad...", "Qué bueno, qué rico, qué lindo París latino...", "Cae la noche y amanece en París...", "Lady, lady, lady se pinta los ojos de azul...", "Una de dos, o me llevo a esa mujer...", "I just called to say I love you...", "Arturo, no seas tan duro...", "El tiempo pasa tan despacio en Sildavia..."
