Eibarko ikuspegi ezezagunak
Beste gauza baterako irudi billa, Guregipuzkoa webgunian dagozen Indalecio Ojangurenen argazkixak arakatzia tokau jata. Bihar nittuan irudixak topau badittudaz be, ezin izan detsat eutsi beste erretratu batzun erreferentzixak gordetzeko tentaziñuari. Eibarko Historia zaliak garanoi oso ezagunak egitten jakuz Kajoitxun irudi batzu (Untzagako torria, Iparkale bonbardeauta, andrak botua emoten...), batez be oin dala urte batzu haren argazki-liburua urten zanetik. Halan be, Diputaziñoko fonduan 8000 erretratutik gora dagoz beranak, eta nahi ta nahi ez topatzen dira sorpresa oso ederrak.
Esate baterako, Barrenkale/Arraindikalia. Gaur eguneko mapan kokatzeko hain gatxak dirazenak; nik behintzat urtiak bihar izan dittudaz kale hórren idea espaziala egitteko. Honetarako hurrengo argazki bixak, ixa punto bardiñetik etarata dagozenak, lagungarri izango ziran. Baiña ez nittuan ezagutzen pasa dan asterarte...
![[Barrenkale.]](http://media.guregipuzkoa.net/photo/3341/3341_m.jpg "[Barrenkale.]")
¿Eta hurrengo hau? Zenbat bidar entzun ete dogun Hotel Arrate inguruan jausi zan bonbiana, hainbeste lagun refujixio barruan harrapau eta bertan akabau zebana... Baiña nik behintzat ikusi barik nekan bonba harek egindako zulu. ¡Bildurgarrixa!
|
Eta kale horri buruz (lehen O'Donnell, oiñ Ego Gain), nik jakin ba nekixan "kale faltsua" zala, azpixan errekia zekana, hor labadero bat bazeguala... baiña ez neban ideia bat egitten. Ba bueno, ipiñi Hotel Arrate parian eta begiratu Eskola Armerixara. Hau ikusiko zenduan oin dala 100 bat urte (ezkerrian Isasiko etxien atzekaldia, goixan Isasiko komentua eta Eskolia, eskuman Paseo San Andresen etxien atzekaldia): |
|
|
Hurrengo hau 1915kua da, eta ikuspegi barrixa da neretako. Aldatzeko jauregi-eskola ingurutik etarata dago, eta trenbidia referentzia bikaiña da. Erdi-erdiko saillak Indianokua jauregiko soluak diraz. Erreka horren gaiñetik gaur egungo Toribio Etxebarria kalia doia (1915n Ardantzatik Udaletxerako tartia bakarrik egongo zan tapauta). Eskuman Mekolako aldapia ikusten da.
|
|
|
Zenbat informaziño eder dagon artxibuetan, bateronbatek deskubritzeko zain... |
|
![[Hoyo abierto en un refugio de la calle O´Donnell de Eibar por una bomba de aviación]](http://media.guregipuzkoa.net/photo/3472/3472_m.jpg "[Hoyo abierto en un refugio de la calle O´Donnell de Eibar por una bomba de aviación]")
| Lizentzia |  CC BY-SA |
Joño, eneban uste Eibar hain ederra ZENik. Eta erreka dauka! rekortxolis... Eta orain serio: asko inpaktatu niñun -eta oraindik halaxe segitzen dut- erreka estali egin zela jakiteak. Eskerrak herria ez dela eraikinekin bakarrik sortzen, biztanleekin batez ere, eta horretan, eibartarrak estaltzen zailak zaretenez... kontent.